समाचार

प्रदेश ४ को बजेटमाथि कांग्रेस–नयाँ शक्तिद्वारा आपत्ति जनाउँदै संसद अवरोध

Posted: 2018-05-05 10:15:00

 
 
सुनाखरी न्युज/
पोखरा-
प्रदेश ४ सरकारले ल्याएको बजेटप्रति आपत्ति जनाउँदै कांग्रेस र नयाँ शक्तिका सांसदले संसद् बैठक अबरुद्ध पारेका छन् ।
 
बजेट प्रदेशको विकासका लागि नभएर कार्यकर्ता पोस्ने गरी ल्याइएको भन्दै उनीहरुले बैठक अबरुद्ध पारेका हुन् ।
 
 
 
 
बैठकमा प्रदेश विनियोजना विधेयकसँगै प्रदेश राजधानी तथा नामांकन समितिको म्याद थप प्रस्ताव र विधायन समितिको प्रतिवेदन पेश गर्ने कार्यसूची थियो । कांग्रेस–नयाँ शक्तिको अबरोधसँगै कार्यसूचीमाथिको छलफल प्रभावित भएको छ ।
 
प्रतिपक्षी दुई पार्टीको विरोधपछि सभामुख नेत्रनाथ अधिकारीले कारणबारे जानकारी गराउन कांग्रेस सांसद् कुमार खड्कालाई समय दिएका थिए ।
 
सार्वजनिक लेखा समितिका संयोजकसमेत रहेका खड्काले सरकारले ल्याएको बजेट चित्तबुझ्दो नभएको भन्दै संसद चल्न नदिने बताए । प्रतिपक्षी दलको आरोप थियो, ‘सरकाले भ्रष्टाचार र कार्यकर्ता पोस्ने गरी बजेट ल्यायो ।’
 
दुई दिन छलफल गरेर शुक्रबार पारित गर्ने कार्यसूची तयार भएर बैठक सुरु हुनेबित्तिकै कांग्रेसको अवरोधपछि सभाुमख अधिकारीले आइतबारसम्मका लागि बैठक स्थगित गरे । एक्कासि कांग्रेसले संसद् अवरुद्ध गराएपछि बजेट पारित गर्न पुगेका सत्तापक्षका सांसद् आश्चर्यमा परेका थिए ।
 
संसदमा कांग्रेसको कालो धब्बाः अर्थमन्त्री
 
संसद् अबरुद्ध गरेर नेपाली कांग्रेसले संसदमा कालो धब्बा लगाएको प्रदेश ४ का आर्थिक मामिला तथा योजनामन्त्री किरण गुरुङले बताए ।संसदीय अभ्यासविपरीतसंसद् अबरुद्ध गराएर कांग्रेसले कालो धब्बा लगाएको गुरुङको आरोप छ ।
 
भ्रष्टाचार बढाउने र कार्यकर्ता पोस्ने गरी सरकारले बजेट ल्याएको भन्दै प्रतिपक्षी दल कांग्रेसले संसद अवरुद्ध गरेपछि अर्थमन्त्रालयले आकस्मिक पत्रकार सम्मेलन गरी आफ्नो धारणा सार्वजनिक गरेको हो । बजेट शीर्षकमा बढी खर्च राखे पनि खर्च कटौती प्रस्ताव दर्ता गर्न सकिने ब्यवस्थालाई कांग्रेसले कुल्चेको गुरुङले बताए । ‘प्रतिपक्षका सांसदले कल्पनै नगरेको, सोच्दै नसोचेको काम गर्नुभयो,’ अर्थमन्त्री गुरुङले भने, ‘यो जति भत्सना गरे पनि पुग्दैन । यो त उहाँहरुले संसदमा लगाउनुभएको कालो धब्बा हो ।’
 
बिना जानकारी छापामार शैलीमा कांग्रेसले संसदीय अभ्यासविपरीत संसद् अवरुद्ध गरेर केटाकेटीपना देखाएको गुरुङले बताए । ‘कार्यव्यवस्था समितिको छलफलमा साझा एजेन्डा तयार पारी संसदमा कुनै जानकारी नै नगराई कांग्रेसले संसद चल्न नदिएर विरोधका लागि विरोध गरेको गुरुङको भनाइ छ ।
 
बजेट कनिका छरेजस्तो नभइ बिऊ छरिएको अर्थमन्त्री गुरुङले बताए । ‘कांग्रेले बजेटलाई कनिका छरेजस्तो भनेर विरोध गरिरहेको छ । यो त कनिका छरेको होइन, बिऊ छरिएको हो, हामीले उमार्नु पर्छ,’ उनले भने, ‘बजेट भनेको चोकमा ल्याएर सन्दुकमा ताला लगाएर राख्ने होइन, खर्च गर्ने हो । विधि, नियम, कार्य्विधिअनुसार खर्च हुन्छ ।’
 
छोटो समयका लागि आएको बजेट खर्च गर्न भ्रष्टचार र कार्यकर्ता पोस्न नभइ विधिअनुसार नै काम गर्न ल्याएको उनले बताए । विधिनियम बिपरीत एक रुपैयाँ पनि खर्च गर्न नमिल्ने उनको भनाइ थियो ।
 
प्रदेश सभाभित्र गाडी पार्किङ गर्न सेड बनाउन, पुरानो भवन मर्मत गर्न, संसदीय सचिवालयका लागि गाडी किन्ने लगायतका विषयमा बढी रकम राखेको कांग्रेसले लगाएको आरोप गलत भएको उनको भनाइ थियो । कांग्रेसले बिरोध गरेको न्यायिक समितिको छलफल र कानुन तर्जुमा लागि पनि अनाश्यक नभई उपयुक्त बजेट व्यवस्था गरिएको उनले बताए ।
 
सरकारका प्रवक्रा रामशरण बस्नेतले प्रतिपक्ष दलले बेइमानी र अर्थहीन काम गरेको बताए । ‘संसदीय व्यवस्थालाई खिल्ली उडाउँदै सबै झुक्याएर संसदमा बचपना देखाइयो,’ भौतिक पूर्वाधार विकासमन्त्री रामशरण बस्नेतले भने, ‘छलफलका लागि कार्यव्यवस्था समिति हुँदाहुँदै सभामुखलाई समेत जानकारी नदिइ एक्कासि संसद् अबरुद्ध गर्दा सरकारमात्रै होइन उहाँहरु आफैंलाई असर पर्ने काम गर्नुभयो ।’



More News



पहिलो चरणको निर्वाचनको मतदान सम्पन्न

Posted: 2017-11-26 17:46:30

काठमाडौं । प्रतिनिधिसभा र प्रदेशसभा सदस्यको पहिलो चरणको निर्वाचनमा हिमाली तथा उच्च पहाडी ३२ जिल्लाका निर्वाचन क्षेत्रमा आइतबार बिहान ७ बजेदेखि मतदान सम्पन्न भएको छ । दुई वर्षअघि संविधान जारी भएपछि पहिलो पटक संघीय संरचनाअनुसार प्रतिनिधिसभा र प्रदेशसभाको निर्वाचन भएको हो । पहिलो चरणमा प्रतिनिधिसभाका ३७ र प्रदेशसभाका ७४ सिटमा मतदान भइरहेको छ । मतदानको समय बिहान ७ देखि साँझ ५ बजेसम्म तोकिएको छ । प्रत्यक्ष निर्वाचन प्रणालीतर्फ प्रतिनिधिसभाको १६५ निर्वाचन क्षेत्रमध्ये पहिलो चरणमा ३७ क्षेत्रमा मतदान भइरहेको छ । प्रदेशसभातर्फ भने ७४ निर्वाचन क्षेत्र छन् । ७ वटै प्रदेशसभाका लागि प्रत्यक्षतर्फ ३३० निर्वाचन क्षेत्र ...


बुढीगण्डकी आयोजना स्वदेशी लगानी र प्रविधिमा बनाइने

Posted: 2017-11-24 15:01:55

काठमाडौं । सरकारले स्वदेशी लगानीमा बुढीगण्डकी जलाशययुक्त जलविद्युत आयोजना निर्माण गर्ने निर्णय गरेको छ । शुक्रबार बसेको मन्त्रिपरिषद्को बैठकले इन्जिनियरिङ प्रक्र्युरमेन्ट एन्ड कन्ट्रक्सन (इपिसी) मोडलमा उक्त आयोजना बनाउन लागेको हो । गत कात्तिक २७ गते बसेको मन्त्रिपरिषद्को बैठकले चिनयाँ कम्पनीसँग भएको सम्झौता खारेज गरेको थियो । गेजुवासँगको सम्झौता खारेज भएपछि १२ सय मेगावाट क्षमताको बुढीगण्डकी बन्नेरनबन्ने वा यसको भविष्य के हुने भन्ने चासो बढेको थियो । शुक्रबार उपप्रधान तथा ऊर्जामन्त्री कमल थापाले पत्रकार सम्मेलन गर्दै बुढीगण्डकी अब स्वदेशी लगानीमै बन्ने बताएका छन् । ...


समयमै स्मार्ट लाइसेन्स किन पाइँदैन ? ‘आफ्ना’ लाई छ,‘पराइ’ लाई छैन !

Posted: 2017-11-23 15:41:10

काठमाडौं । यातायात व्यवस्था विभागकै कमजोरी र फितलोपनाका कारण ट्रायल पास गरे पनि र नविकरणका लागि दस्तुर बुझाएको महिनौंसम्म पनि चालकहरुले स्मार्ट लाइसेन्स नपाउँदा हैरानी बेहोर्नुपरेको छ । २०७२ मै मन्त्रिपरिषद बैठकले देशैभरि स्मार्ट लाइसेन्स वितरणको योजना सार्वजनिक गरे पनि हालसम्म राजधानीकै चालकहरुलेसमेत स्मार्ट लाइसेन्सका लागि कम्तिमा ६ महिनासम्म पर्खनुपरेको छ । सरकारले भारतको मद्रास सेक्युरिटी प्रिन्टर्ससँग ७ लाख स्मार्ट लाइसेन्स कार्ड र ५ वटा प्रिन्ट मेसिन झिकाएको भए पनि यी सामग्री समयमै नेपाल आई नपुगेका कारण उपत्यकाका २ लाख २० हजार सवारी चालकहरु बिना लाइसेन्स सवारी चलाउन बाध्य भएका छन् । ...


एनालग टीभी बन्द हुँदा ३० लाख ग्राहक प्रभावित

Posted: 2017-11-16 16:01:57

काठमाडौं । सूचना तथा सञ्चार मन्त्रालयले काठमाडौंका सबै र ललितपुरका केही स्थानमा एनालग टीभी बन्द गरेको छ। मन्त्रालयबाट खटिएको अनुगमन टोलीले बुधबार विभिन्न केबल टेलिभिजनप्रदायक कम्पनीमा अनुगमन गरी एनालग टीभी बन्द गरेको हो। एनालग टेलिभिजन बन्द भएसँगै काठमाडौं र ललितपुर गरी झन्डै ३० लाख ग्राहक प्रभावित भएका छन्। उनीहरूले बुधबारदेखि टेलिभिजन हेर्न पाउने छैनन्। मन्त्रालयबाट केबल टेलिभिजन शाखाका शाखा प्रमुख विष्णुकुमारी भट्टराई र फ्रिक्वेन्सी विभागका प्रमुख अनुप नेपालको नेतृत्वमा टोली अनुगमनमा गएको थियो। टोलीले अनुगमनका क्रममा सुबिसु केबल नेटवर्क प्रालि, सोनिङ केबल टीभी, काठमाडौं केबल, जावलाखेल केबल नेटवर्क, स्पेसटाइम नेटवर्क, सीईसी केबल नेटवर्क प्रालि र स्काई केबल टीभी प्रालिले ...


कर फर्छ्यौटका अध्यक्ष र सदस्यद्धारा विशेष अदालतमा आत्मसमर्पण

Posted: 2017-11-16 15:56:42

काठमाडौं। तत्कालिन कर फर्छ्यौट आयोगका अध्यक्ष लुम्बध्वज महत र सदस्य उमेशप्रसाद ढकाल वयानका लागि बुधवार विशेष अदालत उपस्थित भएका छन् । लामो समयदेखि फरार रहेका उनीहरू बुधवार अदालतमा उपस्थित भएका हुन्। बयानका लागि नआएपछि अख्तियार दुरुपयोग अनुसन्धान आयोगले दुबैलाई असार ८ गते एक साताभित्र उपस्थित हुन सार्वजनिक सूचना नै जारी गरेको थियो । उनीहरुविरुद्ध विशेष अदालतमा मुद्दा विचाराधीन छ। महत ढकाल सदरखोरमा न्यायिक हिरासतमा छन्। साउन १ मा तीन पदाधिकारीविरुद्द १० अर्ब २ करोड बिगोदाबीसहितको मुद्दा विचाराधीन छ। सबैको थुनछेक बयानपछि मात्र सुनुवाइ सुरु हुन्छ। आज अपरान्ह ३ बजे पुगेकाले बयान हुन सकेन। उनीहरुलाई भोलि विहान १० बजे उपस्थित गराउन आदेश पर्चा भएको छ।कर फछ्र्यौट आयोगमार्फत अनियमित ढंगले कर मिनाहा दिई राज्यलाई झण्डै २१ अर्ब नोक्सानी पुर्याएको भन्दै गत १९ जेठमा अख्तियारले ...


Advertisements