समाचार

एमाले र माओवादी केन्द्रबीचको पार्टी एकता समन्वय समितिको बैठक प्रधानमन्त्री निवास बालुवाटारमा

Posted: 2018-04-17 10:58:27

 
सुनाखरी न्युज/
काठमाडौँ — एमाले र माओवादी केन्द्रबीचको पार्टी एकता समन्वय समितिको बैठक प्रधानमन्त्री निवास बालुवाटारमा सुरु भएको छ ।
 
 
 
सोमबार प्रधानमन्त्री केपी शर्मा ओली र माओवादी केन्द्रका अध्यक्ष पुष्पकमल दहालबीच छलफल भएको थियो । सोमबार नै बसेको एमाले स्थायी समितिको बैठकले बैशाख ९ गतेलाई तोकिएको पार्टी एकता कार्यक्रमलाई पर धकेल्न नहुने निष्कर्ष निकालेको थियो ।
 
एमाले र माओवादी पार्टीको केन्द्रीय समितिमा कुन दलको कति हिस्सा रहने भन्ने मुख्य विवाद छ। त्यसबाहेक चुनाव चिन्ह र जनयुद्ध शब्द राख्ने नराख्ने भन्नेमा पनि केही विवाद छ। तर मुख्य विवाद संख्यामा छ। त्यसका लागि माओवादीले ५०र५० प्रतिशत राख्नुपर्ने माग गरेको छ।
 
एमालेले विगतमा ६० र ४० प्रतिशत सम्मको मात्र भागवन्डा भएकाले पार्टीको पोजिसन अनुसार नै एकता हुनुपर्नेमा जोड दिएको छ। केन्द्रीय समिति बराबरी बनाउनेमा एमाले लचक छैन। माओवादीले भने फरक धारका कम्युनिष्टबीचको एकता भएकाले समान हैसियतमा हुनुपर्ने दवाव दिएको छ।
 
पछिल्लो समय दुबै दलका नेताको कायैशैलीका कारण पनि केही समस्या थपिएका छन्। सचिव सरुवा लगायतका बिषयमा प्रधानमन्त्रीले एकलौटी गरेको भन्ने लगायतका बिषयमा माओवादीको मुख्य असन्तुष्टि छ। फरक पार्टीको अस्तित्व रहेकै बेलामा प्रधानमन्त्रीले वास्ता नगरेकोले पार्टी एकता नै भएपछि झन् बढी एकलौटी गर्ने सक्न बुझाई माओवादीको छ। त्यसैले उनीहरु पार्टी भित्र समान हैसियत र संख्यामा आफ्नो उपस्थिति जनाउन चाहेका छन्।



More News



नेदरल्याण्डस्मा हुने एक दिवसीय खेल लगत्तै क्रिकेटर शक्ति गौचनद्वारा संन्यासको घोषणा

Posted: 2018-07-18 14:24:49

सुनाखरी न्युज/ काठमाडौँ - नेपाली राष्ट्रिय टीमका स्पीनर शक्ति गौचनले क्रिकेट खेलबाट सन्यासको घोषणा गरेका छन । उनले नेदरल्याण्डस्मा हुने एक दिवसीय खेल लगत्तै क्रिकेट खेलबाट सन्सास लिने घोषणा गरेका हुन्। नेपाली टीमले साउन १३ मा बेलायतको लर्डसमा ...


प्रधानमन्त्री ओलीलाई भेटेर देउवाले भने डा. केसीको जीवनरक्षा गर्नुस

Posted: 2018-07-18 09:43:38

सुनाखरी न्युज/ काठमाडौँ - प्रमुख प्रतिपक्षी दल नेपाली कांग्रेसका सभापित शेरबहादुर देउवाले अनशनरत डाक्टर गोविन्द केसीको माग सम्बोधन गर्न प्रधानमन्त्री केपी शर्मा ओलीको ध्यानाकर्षण गराएका छन । मंगलबार सिंहदरबारमा प्रधानमन्त्रीलाई भेटेर देउवाले ...


संघ मातहतमा रहेका जिल्लास्थित १८ वटा कार्यालय खारेज

Posted: 2018-07-17 14:01:58

सुनाखरी न्युज/ काठमाडौँ - संघीयता कार्यान्वयनका क्रममा संघ मातहत रहेका जिल्लास्थित १८ वटा कार्यालय खारेज भएका छन् । संवैधानिक व्यवस्था अनुसार सरकारी निर्णयमा जिल्लास्थित शिक्षा, जनस्वास्थ्य, कृषि विकास, पशुसेवा, प्राविधिक, वन, सहकारी, भू संरक्षण, सिँचाइ, महिला तथा बालबालिका र सहरी ...


आज देखि कोटेश्वर जगाती सडकमा कार र मोटरसाइकल लाई छुट्टै लेन, टाइमकार्ड लागू

Posted: 2018-07-17 10:42:36

सुनाखरी न्युज/ काठमाडौँ - आजदेखि कोटेश्वर जगाती सडकमा मालबाहक गाडी तथा बस र कार तथा मोटरसाइकलका लागि छुट्टाछुट्टै लेन तोकिएको छ । दुर्घटना न्यूनीकरण तथा ठूला गाडीबाट साना सवारी साधनलाई हुने बल मिच्याई रोक्न ट्राफिक प्रहरीले लेन नै छुट्याएको हो । ...


निर्वाचनमा एक खर्ब ३१ अर्ब खर्चकसले कति खर्चगरे ?

Posted: 2018-07-17 07:23:44

सुनाखरी न्युज/ काठमाडौँ- नेपालको संविधानअनुसार गत वर्ष सम्पन्न स्थानीय तह, प्रदेश र प्रतिनिधिसभा निर्वाचनमा सरकारी र उम्मेदवारको गरी कुल रु एक खर्ब ३१ अर्ब ६३ करोड खर्च भएको छ । निर्वाचन पर्यवेक्षण समिति नेपालले आज सार्वजनिक गरेको तीनै तहको निर्वाचन अभियानको सिलसिलामा भएको खर्चसम्बन्धी अनुसन्धान अध्ययन प्रतिवेदनअनुसार निर्वाचनका लागि सरकारले ३४ अर्ब ७२ करोड र बाँकी ९६ अर्ब ९१ करोड उम्मेदवार तथा उनीहरूका शुभेच्छुकबाट खर्च गरिएको देखिन आएको छ । ...


Advertisements