देश-प्रदेश

नेपाल प्रहरीलाई थप चुस्त बनाउन नागरिकको हौसला र उत्साह आवश्यक : प्रहरी महानिरीक्षक सर्वेन्द्र खनाल

Posted: 2018-10-11 12:50:18

सुनाखरी न्युज/ काठमाडौं - प्रहरी महानिरीक्षक सर्वेन्द्र खनालले नेपाल प्रहरीले प्रदान गर्ने सेवा तथा सुरक्षालाई थप चुस्त बनाउन नागरिक समाजको हौसला एवं उत्साह आवश्यकता रहेको बताउनुभएको छ । महानगरीय ट्राफिक प्रहरी परिसर सातदोबाटो, ललितपुरको जनसहभागिताबाट नवनिर्मित कार्यालय भवनको बुधबार  आयोजित एक कार्यक्रमबीच उदघाटन गर्दै प्रहरी महानिरीक्षक खनालले उक्त कुरा बताउनुभएको हो । सो अवसरमा प्रहरी महानिरीक्षक खनालले भौतिक साधन स्रोतको अभावका बावजुद पनि नेपाल प्रहरीले अपराध नियन्त्रण तथा अनुसन्धान, नागरिकको सुरक्षा र ट्राफिक व्यवस्थापनमा राष्ट्रले सुम्पेको जिम्मेवारी अहोरात्र खटिएर निर्वाह गर्दै आएको चर्चा गर्नुभयो । जिम्मेवारी निर्वाह गर्ने क्रममा साना गल्ती तथा त्रुटीहरुले पनि समग्र संगठनमाथि नै लाञ्छना लाग्ने हुँदा राष्ट्रले सुम्पेको जिम्मेवारी गम्भीरता पूर्वक वहन गर्दै सबै प्रहरी कर्मचारीहरुले इमान्दारिता, निष्ठापूर्वक र ढृढतापूर्वक काम गर्नुपर्ने उहाँले उल्लेख गर्नुभयो । 
 
 
नागरिकको सहभागितामा निर्माण भएको उक्त भवन उदाहरणीय रहेको चर्चा गर्दै प्रहरी महानिरीक्षक खनालले निर्माणकार्यमा सहयोग गर्नुहुने सम्पूर्ण सहयोगीदाताहरुप्रति आभार प्रकट गर्नुभयो । सुन्दर नवनिर्मित भवन जस्तै ट्राफिक प्रहरीको बोली, वचन,  व्यवहार र कार्यशैली पनि त्यतिकै सुन्दर र उत्कृट हुनुपर्नेमा उहाँले जोड दिनुभयो । ट्राफिक व्यवस्थापनलाई थप चुस्त र व्यवस्थित बनाउन समुदाय, नागरिक समाज तथा ट्राफिक व्यवस्थापनसँग सम्बन्धीत विभिन्न सरकारी एवं गैर सरकारी संघ संस्थाहरुसँग समन्वय गर्दै अगाडि उहाँले उल्लेख गर्नुभयो । कार्यक्रममा प्रहरी महानिरीक्षक खनालले भवन निर्माण समितिका पदाधिकारी तथा भवन निर्माणका लागि १ लाख भन्दा माथि नगद तथा जिन्सी सामान सहयोग गर्ने संघसंस्था तथा प्रतिनिधिहरुलाई सम्मानपत्र समेत प्रदान गर्नुभयो । कार्यक्रममा ललितपुर महानगरपालिकाका प्रमुख चिरिबाबु महर्जन, भवन निर्माण समितिका एवं सुमेरु ग्रपुका अध्यक्ष भरत महर्जन र भवन निर्माण समितिका सल्लाहकार कनक मणि दिक्षित समेतले आ(आफ्नो मन्तव्य व्यक्त गर्नुभएको थियो । 
 
 
महानगरीय ट्राफिक प्रहरी महाशाखाका प्रमुख प्रहरी वरिष्ठ उपरीक्षक वसन्त कुमार पन्तले स्वागत मन्तव्य व्यक्त गर्नुभएको उक्त कार्यक्रममा भवन निर्माण समितिका कोषाध्यक्ष रामकाजी अवालेले भवन निर्माण सन्बन्धी प्रतिवेदन प्रस्तुत गर्दै उक्त भवन २ करोड १५ लाख ९५ हजार ६ सय ८१ रुपैयाँको लागतमा निर्माण कार्य सम्पन्न भएको जानकारी दिनुभयो । कार्यक्रममा भवन निर्माणमा उल्लेखनिय भूमिका खेलेका ललितपुर ट्राफिक प्रहरी परिसरका प्रहरी निरीक्षक सिताराम हाछेथुलाई नगद १ लाख १ हजार रुपैयाँ र प्रहरी हवल्दार इश्वरप्रसाद बन्जारालाई ५१ हजार रुपैयाँ प्रदान गरिएको थियो । कार्यक्रममा प्रहरी अतिरिक्त महानिरीक्षकहरु, प्रहरी नायव महानिरीक्षकहरु, संचारकर्मी लगायत स्थानीय बासिन्दाको समेत उपस्थिति रहेको थियो ।       
  



More News



जुवातास खेल्ने ३८ जना पक्राउ

Posted: 2018-10-17 05:57:45

सुनाखरी न्युज/ काठमाडौं - बर्दिया र जुम्लामा अवैध रुपमा जुवातार खेलिरहेको अवस्थामा प्रहरीले ३८ जनालाई नियन्त्रणमा लिएको छ । बर्दियाको बढैयाताल गाउँपालिका-१ खल्लागाउँ बस्ने २८ वषीय रामु थारुको घरमा तास खेलिरहेको अवस्थामा ५० हजार नगदसहित २४ जना पक्राउ परेका छन् । यस्तै जुम्लाको चन्दननाथ नगरपालिका-६ बस्ने कटकबहादुर थापाको पुलहाउसमा अवैध रुपमा जुवा खेल्ने १४ जनालाई दुई लाख ५१ हजार नगदसहित पक्राउ गरिएको प्रहरीले जानकारी दिएको छ ।...


यी रुटमा चल्ने छन सशस्त्र प्रहरी बल नेपालका नि:शुल्क बस

Posted: 2018-10-16 11:02:15

सुनाखरी न्युज/ काठमाडौं - सशस्त्र प्रहरी बल नेपालद्वारा बडादशैंको अवसरमा काठमाडौं उपत्यकामा ४ वटा निःशुल्क बस चलाउने भएको छ। बडादशैंको बेला सार्वजनिक यातायातका साधनहरु न्यून रुपमा चल्ने भएकोले सर्वसाधारणको ...


शाहवंशीय श्रीपेच सर्वसाधारणको अवलोकनका लागि खुला

Posted: 2018-10-15 15:26:08

सुनाखरी न्युज/ काठमाडौं - शाहवंशीय राजाहरुले लगाउने श्रीपेच सोमबारबाट सर्वसाधारणलाई अवलोकनका लागि खुल्ला गरिएको छ। प्रधानमन्त्री केपी शर्मा ओलीले सोमबार उद्घाटन गरेसँगै श्रीपेच सर्वसाधारणको अवलोकनका लागि खुला ...


एराप्रपा(राष्ट्रवादी)का अध्यक्ष डा.लोहनीले दिए सम्पुण नेपाली लाई विजय दशमि २०७५ को शुभकामना

Posted: 2018-10-15 13:03:51

सुनाखरी न्युज/ काठमाडौं - विजया दशमि २०७५ को पावन अवसरमा नेपाल लगायत संसारभर रहनु भयका नेपालिहरुमा हार्दिक शुभकामना व्यक्त गर्न चाहान्छु। धार्मिक सामाजिक एवं सास्कृतिक रुपले आपसि अभिवृद्दि गराउने यस ...


प्रहरी कार्य प्रभावकारिताका लागि समुदाय - प्रहरी साझेदारी आवश्यक : गृहमन्त्री रामबहादुर थापा ’बादल’

Posted: 2018-10-15 09:17:02

सुनाखरी न्युज/ काठमाडौं - गृहमन्त्री रामबहादुर थापा ’बादल’ ले देशमा शान्ति सुरक्षा सुदृढ गर्ने, सबै प्रकारका अपराध न्यूनिकरण तथा निस्तेज गर्न र नागरिकलाई छिटो छरितो एवं प्रभावकारी सेवा प्रवाह गर्ने जिम्मेवारी पूरा गर्न ...


Advertisements