देश-प्रदेश

बुहारी बनाएर भित्र्याए, छोरी बनाएर अन्माए

Posted: 2018-07-12 15:58:40

 
सुनाखरी न्युज/
 दमक (झापा)-
 झापाको कन्काई नगरपालिका ५ तुलसीबारीको एक परिवारले आफ्नै बुहारीलाई छोरीको रूपमा विवाह गरी अन्माएका छन्। स्थानीय पौडेल परिवारले ६ वर्ष अघि विवाह गरेर घरमा भित्र्याएकी बुहारीलाई छोरीका रूपमा बुधबार दोस्रो विवाह गरिदिएका हुन्। स्थानीय धनपति पौडेल र टिकामाया पौडेलले आफ्ना छोरा स्व. प्रकाश पौडेलसँग पहिलो विवाह गरेर ल्याएकी बुहारी झापाको साविक पथरिया गाविस (हाल कचनकवल) का हरिप्रसाद काफ्ले र विष्णुमाया काफ्लेकी छोरी धनमाया (आशा)  काफ्लेको आधुनिक शैलीमा दोस्रो विवाह गरिदिएका हुन्। पौडेल परिवारले सोही ठाउँमा घर भई हाल धनकुटामा व्यापार(व्यवसाय गर्दै आएका लेखनाथ मिश्रसँग बुहारीलाई कोटीहोमस्थित मिश्र समाज सेवा समितिको मन्दिर परिसरमा आधुनिक शैलीमा टिका टालो लगाएर आशीर्वाद दिँदा मुक्तकण्ठले प्रशंसा गर्दै गडगडाहड ताली बजाए।   बुहारीलाई बेहुली बनाएर छोरीका रुपमा दोस्रो विवाह गरिदिन पाउँदा आफूलाई सन्तुष्टि मिलेको आशाका ससुरा पौडेलले बताए। उनले भने, ’नहुनुपर्ने घट्ना भइदियो बुहारीले छोराको साथ लामो समय पाउन सकिनन्। यो उमेरमा त्यसै राख्नुभन्दा उनको भविष्यलाई हेरेर विहे गरिदिने निधो गरें,’ पौडेलले भने। बेहुला मिश्रकी पहिलो श्रीमति मुनाको करिब अढाई महिना अघि पाठेघरको क्यान्सरका कारण मृत्यु भएको हो। दुवैजना सहाराविहीन भएर बस्नु भन्दा विहे गरेर दुवैको पारिवारिक जीवन सुखयम हुने आशा र विश्वासका साथ काफ्ले परिवारको समेत सहमति र समझदारीमा पुरातन संस्कार र मान्यतालाई तोड्दै आफूहरूले बुहारीको विवाह गरिदिने निधो गरेको पौडेलले बताए। सामाजिक रूपान्तरणका लागि प्रेरणा वैवाहिक समारोहमा कन्काई नगरपालिकाका प्रमुख राजेन्द्र पोखरेल पनि निम्तालुको रुपमा आएका थिए। उनले नेपाली समाजले परम्परागत र रुढीवादी संस्कारबाट मुक्ति पाइरहेको उदाहरणका रुपमा सो विवाहलाई लिन सकिने बताए । प्रमुख पोखरेलले पतिको मृत्युपछि पनि महिलाले दोस्रो विवाह गरेर आफ्नो जीवनयापनलाई सहज बनाउन पाउनु पर्ने मान्यतालाई स्वीकारेर पौडेल परिवारले समाजमा प्रशंसनीय काम गरेको भन्दै धन्यवाद पनि व्यक्त गरे। प्रमुख पोखरेलले समाजमा यस किसिमका प्रगतिशील कार्य गर्नेलाई प्रोत्साहन गर्न सकिए मात्रै समाज समृद्धिको बाटोमा जाने बताए। बेहुली काफ्लेकी छोरी आशाकी एउटी छोरी छन् भने बेहुला मिश्रका पनि सन्तान रहेको जनाइएको छ। 
थाहाखबरवाट
 



More News



महानिरीक्षक सर्वेन्द्र खनालबाट प्रहरी अतिरिक्त महानिरीक्षक लाई दर्ज्यानी चिन्हद्वारा सुशोभन

Posted: 2018-09-24 15:06:29

सुनाखरी न्युज/ काठमाडौँ - प्रहरी महानिरीक्षक सर्वेन्द्र खनालले नेपाल सरकार (मन्त्रीपरिषद) को असोज ५ गतेको निर्णयअनुसार प्रहरी नायव महानिरीक्षकबाट प्रहरी अतिरिक्त महानिरीक्षकमा पदोन्नति हुनुभएका वरिष्ठ प्रहरी ...


स्वतन्त्र निर्माण कालिगढ संघको प्रथम साधारण सभा सम्पन्न

Posted: 2018-09-24 11:08:47

सुनाखरी न्युज/ काठमाडौँ - यही आश्विन ६ गते शनिबारको दिन स्वतन्त्र निर्माण कालिगढ संघको प्रथम साधारण सभा सम्पन्न भएको छ । जगदम्बा स्टिल्स् तथा रिद्धि सिद्धि सिमेन्ट प्रा.लि का आनन्द नेपालको प्रमुख आथित्यमा उक्त कार्यक्रम ...


निर्माण व्यवसायी महासंघको अध्यक्षमा सिंह, वरिष्ठ उपाध्यक्षमा पाण्डे तथा महासचिवमा दाहाल निर्वाचित

Posted: 2018-09-24 10:45:53

सुनाखरी न्युजर काठमाडौँ - नेपाल निर्माण व्यवसायी महासंघको अध्यक्षमा रवि सिंह निर्वाचित हुनु भएको छ । शनिवार मध्यरातमा सम्पन्न मतगणना अनुसार ४ सय ६६ मतहासिलगर्दै सिंह आगामी तीन वर्षका लागि महासंघको अध्यक्षमा ...


यस्तो छ सार्वजनिक सवारीको नयाँ भाडादर

Posted: 2018-09-24 07:57:58

सुनाखरी न्युज/ काठमाडौं- सरकारले सार्वजनिक यातायातको नयाँ भाडादर सार्वजनिक गरेको छ । शनिबार यातायात व्यवसायीसँग १० प्रतिशत भाडा बढाउन सहमति जनाएको सरकारले आइतबार नयाँ भाडादर सार्वजनिक गरेको हो । पेट्रोलियम पदार्थको मूल्य बढेपछि यातायात व्यवसायीले भाडादर पनि समायोजन गर्नुपर्ने माग गरेका थिए । त्यसै अनुरुप यातायात व्यवस्था विभागले नयाँ भाडादर सार्वजनिक गरेको हो ।...


विषाक्त मदिरा सेवनपछि मलेसियामा मृत्यु भएका नेपालीको शव ल्याउन समय लाग्ने

Posted: 2018-09-23 14:01:35

सुनाखरी न्युज/ काठमाडौँ - मलेसियाको क्वालालम्पुर र सेलाङ्गगोर राज्यमा विषाक्त मदिरा सेवनबाट मृत्यु हुने नेपालीको संख्या ७ पुगेको छ। थप ४ जनाको अवस्था गम्भीर छ भने अन्य ६ जनाको स्वास्थ्य सुधारोन्मुख छ। मृतकको शव ...


Advertisements