देश-प्रदेश

ओली सरकारले हटाएकामध्ये पाँच जनाको मुद्दा सर्वोच्चमा सुनुवाइ हुँदै, पुनर्वहाली होला ?

Posted: 2018-07-12 12:54:24

सुनाखरी न्युज/ काठमाडौं- अघिल्लो सरकारले निर्वाचनको आचारसंहिता लागू भएको समयमा गरेका राजनीतिक नियुक्ति भन्दै केपी ओली सरकारले खारेज गरेपछि त्यसविरुद्ध सर्वोच्च पुगेकामध्ये पाँच जनाको रिटमाथि सर्वोच्चमा आज सुनुवाइ हुँदै छ।  
 
सुनुवाइको मौका समेत नदिई पदावधि कायमै रहेको अवस्थामा आफूहरुलाई हटाउने निर्णय गैरकानुनी भएकाले पुनर्वहाली हुनुपर्ने जिकिर उनीहरुले गरेका छन्।
 
उनीहरूले प्राकृतिक न्यायको सिद्धान्त विपरीत सुनुवाइको सामान्य मौका समेत नदिई नियुक्ति बदर गरेको भन्दै रिट दायर गरेका छन् । 
 
नियुक्ति खारेजीपछि मंगलबारसम्म पाँच पदाधिकारी पुनर्वहालीको माग गर्दै सर्वोच्च पुगेका थिए। उनीहरु सबैको निवेदनमाथि आज सुनुवाइ हुँदै छ। 
 
दूरसञ्चार प्राधिकरणका अध्यक्ष दिगम्बर झा, गोरखापत्र संस्थानका महाप्रबन्धक वसन्तप्रकाश उपाध्याय, राष्ट्रिय सहकारी बोर्डका सह–अध्यक्ष दक्ष पौडेल र खानेपानी संस्थानका महाप्रबन्धक भूपेन्द्र प्रसाद र कर्जा सुरक्षण कोषका कार्यकारी निर्देशक विष्णुबाबु मिश्रको रिटमा सुनुवाइ हुँदैछ। 
 
उनीहरुको पेसी न्यायाधीश पुरुषोत्तम भण्डारीको एकल इजलासमा तोकिएको छ। अदालतले अन्तरिम आदेश जारी गरेमा सरकारको निर्णय कार्यान्वयनमा रोक लाग्नेछ।
 
असार २० गतेको मन्त्रिपरिषद् बैठकले २०७४ भदौ १४ पछि तत्कालीन देउवा सरकारले विभिन्न मन्त्रालय, प्राधिकरण, संस्थान, परिषद्, बोर्ड र संगठित संस्थामा गरिएका सबै राजनीतिक नियुक्ति खारेजीको निर्णय गरेको थियो।



More News



प्रहरी हवल्दार पदमा बढुवा भएका प्रहरी लाई दर्ज्यानि चिन्ह प्रदान

Posted: 2018-11-16 16:21:09

सुनाखरी न्युज/ पर्वत - प्रहरी प्रधान कार्यालय मानवश्रोत बिकास बिभागको पत्र अनुसार यस जिल्ला प्रहरी कार्यालय पर्वत मातहत दरबन्दी भई यस कार्यालयमा कार्यरत प्रहरी जवान पदबाट प्रहरी हवल्दार पदमा बढुवा भएका प्रहरी हवल्दार वुद्धि ...


समुदाय प्रहरी साझेदारी कार्यक्रम अन्तर्गत कुश्मा नगरपालिका र फलेवास नगरपालिका मा अन्तरक्रिया कार्यक्रम सम्पन्न

Posted: 2018-11-16 13:33:08

सुनाखरी न्युज/ पर्वत - पर्वतमा समुदाय - प्रहरी साझेदारी कार्यक्रम प्रभाबकारी बन्दै । समुदाय - प्रहरी साझेदारी कार्यक्रम अन्तर्गत लागूऔषध ओसारपसार, बेचबिखन तथा प्रयोगलाई नियन्त्रण गर्न जिल्ला प्रहरी कार्यालय पर्वतले ...


आगामी मङ्सिर २२ गते देखि मानव अधिकार महाभेला हुने

Posted: 2018-11-16 12:39:00

सुनाखरी न्युज/ काठमाडौं - ‘दशौँ राष्ट्रिय मानव अधिकार महाभेला २०१८’ आगामी मङ्सिर २२ गतेदेखि शुरु हुने भएको छ । मानव अधिकार, शान्ति र लोकतन्त्रको संरक्षण र प्रवद्र्धनमा योगदान पु¥याउने उद्देश्यले आयोजना गर्न लागिएको सो भेला मङ्सिर २८ गतेसम्म सञ्चालन हुनेछ ।भेलामा शान्ति ...


प्रहरी महानिरीक्षक सर्वेन्द्र खनालबाट महानगरीय अस्थायी प्रहरी बिटको भवन उदघाटन

Posted: 2018-11-16 11:36:49

सुनाखरी न्युज/ काठमाडौं - प्रहरी महानिरीक्षक सर्वेन्द्र खनालले कागेश्वरी मनोहरा नगरपालिका १ गागलफेदीस्थित महानगरीय अस्थाई प्रहरी बिट भवनको बिहीबार आयोजित एक समारोहबीच उदघाटन गर्नुभयो । सो अवसरमा प्रहरी महानिरीक्षक ...


सडक निर्माणका अवरोध हटाउने समझदारी

Posted: 2018-11-16 09:32:02

सुनाखरी न्युज/ काठमाडौं - भूकम्पीय आकस्मिक सहायता आयोजना (ईईएपी) अन्तर्गत बनिरहेका काभ्रे–सिन्धुपाल्चोक तथा धादिङ–गोरखाका सडकमा देखा परेका विद्युत, नापी र वनसँग सम्बन्धित समस्याहरु समाधान गर्ने समझदारी ...


Advertisements