देश-प्रदेश

कोरियाको लोभमा नेपाली

Posted: 2018-06-13 08:53:18

 
सुनाखरी न्युज/
काठमाडौं-
रोजगार अनुमति प्रणाली (ईपीएस) मार्फत दक्षिण कोरियामा प्रशिक्षार्थी नेपाली कामदार पठाउनका लागि शनिबारदेखि सुरु भएको नवौं चरणको कोरियन भाषा परीक्षा ३७ हजार ६ सय जनाले दिए । शनिबार र आइतवार सम्पन्न भएको भाषा परीक्षामा कुल ४१ हजार जनाले आवेदन दिएकोमा ३७ हजार ६ सय जना सहभागी भएका हुन् ।  
ईपीएस कोरिया शाखाका निर्देशक कृष्णप्रसाद खनालले राम्रो काम पाउने र धेरै कमाई हुने आसमा कोरिया जान लालायित हुनेहरु अत्याधिक रहेको बताए । स्वदेशमा नै पर्याप्त रोजगारिको अवसर पान नसक्दापनि धेरै नेपालीहरु कोरियाको लालचमा लागेको उनका भनाई छ ।
परीक्षवा आफू अनुकुलमा नेपाली छान्न दक्षिण कोरियाबाटै ६३ जनाको विज्ञ टोली नेपाल आएर फिल्डमा खटिएको थियो । भाषा परीक्षाका लागि ललितपुर, काठमाडौं  र पोखरामा गरी कुल २८ वटा केन्द्र तोकिएको थियो । शनिबार र आइतबार गरी दुई चरणमा भएका भाषा परीक्षा भयो । गत वर्ष काठमाडौं र ललितपुरमा मात्र परीक्षा सञ्चालन भएकोमा यस वर्ष पोखरामा पनि परीक्षा केन्द्र तोकिएको छ । काठमाडौंमा १६, ललितपुरमा आठ र पोखरामा चारवटा परीक्षा केन्द्र तोकिएको छ । यस वर्ष दक्षिण कोरियाले नेपालबाट उत्पादन र कृषि क्षेत्रमा गरी कुल १० हजार २ सय जना प्रशिक्षार्थी कामदार लैजाने बताएको छ । 
ईपीएस कोरिया शाखाले यस वर्ष कुल ८२ हजार २६४ जनाको आवेदन परेको जनाएको छ । जसमा कृषि क्षेत्रतर्फ ३९ हजार ६४० जना र उत्पादन क्षेत्रतर्फ ४२ हजार ६२४ जनाको आवेदन परेको थियो । कृषितर्फ ३० हजार १७९ जना पुरुष र ९ हजार ४६१ महिलाको आवेदन परेको थियो  भने उत्पादन क्षेत्रतर्फ ३९ हजार २०८ जना पुरुष र ३ हजार ४१६ जना महिलाको आवेदन परेको थियो । यसपालिको परीक्षामा सहभागी हुन अनलाइनबाट भरिएको आवेदनमा कुनै त्रुटी भए गत २३ चैतसम्म सच्याउन सक्ने व्यवस्था मिलाइएको थियो ।  
दक्षिण कोरियाले यसपटक सन् २०१९ का लागि ७ हजार १ सय जना नेपाली मात्र लैजाने कोटा निर्धारण गरेको छ । जसमध्ये उत्पादनमूलक क्षेत्रतर्फ  ४ हजार ८ सय र कृषि क्षेत्रतर्फ  २ हजार ३ सय जना जान पाउनेछन् । भाषा परीक्षा उत्तीर्ण गरी श्रम सम्झौता आएको कामदारले करिब १ लाख रुपैयाँ खर्च गरी ४ वर्ष १० महिनाको रोजगारीका लागि कोरिया जान पाउनेछन् । 
भाषा परीक्षामा सहभागी हुन यस वर्ष ८२ हजार २६४ जनाले ग्लोबल आईएमई बैंकमा प्रतिव्यक्ति २४ अमेरिकी डलरका दरले १९ लाख ७४ हजार ३३६ डलर जम्मा गरेका थिए । सो रकम त्यसबेलाको विनिमय दरअनुसार २० करोड रुपैयाँभन्दा बढी हुन्छ । 
दक्षिण कोरियाको मानव संसाधन विभाग (एचआरडी) ले नवौं चरणको भाषा परीक्षा उत्तीर्ण गरेका ७ हजारभन्दा बढी प्रशिक्षार्थी कामदारको कोटा सिलिङ तोकिएको जनाएको छ । सन् २००७ मा नेपालसँग श्रम सम्झौता भएसँगै सन् २००८ देखि दक्षिण कोरियाले नेपाली कामदार लिन सुरु गरेको हो । त्यसबेलादेखि अहिलेसम्म दक्षिण कोरियामा ईपीएसमार्फत् करिब ३५ हजारभन्दा बढी नेपाली कामदार पुगिसकेका छन् ।
 



More News



नेपालमा फैलिँदै साइबर अपराध– आफ्नै ‘अश्लील’ भिडियो बनाउनेदेखि श्रीमतीलाई ‘ब्ल्याकमेल’ सम्म !

Posted: 2018-06-20 16:00:59

काठमाडौं- नेपालमा डरलाग्दो बन्दैछ साइबर अपराध– आफ्नै ‘अश्लील’ भिडियो बनाउनेदेखि श्रीमतीलाई ‘ब्ल्याकमेल’ सम्म ! काठमाडौं । नेपाल विद्यार्थी संघका अध्यक्ष नैनसिँह महरको फेसबुक आइडी केहि समयअघि एक्कासी ‘ह्याक’ भयो । महरले महानगरीय प्रहरी अपराध महाशाखामा साइबर क्राइममा उजुरी दिए । ...


यसरी भयो सञ्चारकर्मी अनुपाको ‘रहस्यमय’ निधन

Posted: 2018-06-20 07:32:54

सुनाखरी न्युज/ नेपालगन्ज– नेपालगन्जमा क्रियाशिल सञ्चारकर्मी अनुपा सिंह राजवंशीको ‘रहस्यमय’ निधन भएको छ। स्थानीय बागेश्वरी टेलिभिजनकी समाचार वाचिका रहेकी उनको नेपालगन्जस्थित एक होटलमा आयोजित पुल पार्टीमा सोमबार राती नृत्य गरिरहेको अवस्थामा निधन भएको हो।...


सम्पत्ति शुद्धिकरण मुद्दामा गुन्डा नाइके गिरीले सफाइ पाए

Posted: 2018-06-20 07:20:39

सुनाखरी न्युज/ काठमाडौं- गसम्पत्ति शुद्धिकरण मुद्दामा विशेष अदालतले गुन्डा नाइके अभिषेक गिरीलाई सफाइ दिएको छ । मंगलबार अदालतका न्यायधिश बाबुराम रेग्नी, चण्डीराज ढकाल र नायणप्रसाद पोखरेलको संयुक्त इजलासले गिरीलाई सफाइ दिएको हो । यसअघि सम्पत्ति शुद्धिकरण अनुसन्धान विभागले ५ जेठ २०७० मा गिरीसहित अन्य ५ जना गुन्डा नाइकेविरुद्ध सम्पद्धि शुद्धिकरणको मुद्दा दायर गरेको थियो ।...


तुलसीपुरको पहिचान स्थापित गर्न चालीस करोडको लगानीमा तुलसी ट्रेड टावर बन्ने

Posted: 2018-06-19 11:05:12

सुनाखरी न्युज/ दाङ - तुलसीपुरको पहिचान स्थापित गर्न सुविधा युक्त सात तल्ले तुलसि ट्रेड टावर निर्माण हुने भएको छ । तुलसिपुर उपमहानगरपालिकाले आफ्नै कार्यालय भवन नजिकै रहेको सब्जि मण्डिबसेको स्थानमा करिब चालीस करोडको लगानीमा क्यु.एफ.एक्स सिनेमाहल सहितको टववर निर्माणकार्य अगाडि बढाउन लागिएको बताएको छ । सोमबार विभिन्न सरोकार वाला सङग सुझाब सङकलनका लागि सहभागीले उधोगि, व्यापारी तथा व्यवसायीहरुसँग को भेटमा नगर प्रमुख घनश्याम पाण्डेले निजि क्षेत्रको सहकार्यमा विभिन्न क्षेत्रमा काम अगाडि बढाउन उपमहानगरपालिका ईच्छुक रहेको समेत बताए । ...


नेपाल प्रहरीका एक हजार सईको सरुवा (सूची सहित)

Posted: 2018-06-19 07:58:39

सुनाखरी न्युज/ काठमाडौं- सरकारले प्रहरीको ब्यापक सरुवा गरेको छ । प्रहरी प्रधान कार्यालयले एक हजार १ सय १ जना प्रहरी नायब निरीक्षक (सई) को सरुवा गरेको हो । प्रहरी प्रधान कार्यालयले उनीहरुको सरुवा सूची सोमबार प्रकाशित गरेको छ । नयाँ सूचिअनुसार को कहाँ पुगे ? सूची...


Advertisements