देश-प्रदेश

आजबाट मलमास सुरु नव विवाहित दम्पत्ति सँगै बस्न नहुने

Posted: 2018-05-16 11:43:52

सुनाखरी न्युज/ काठमाडौ( बुधबारदेखि मलमास सुरु भएको छ। यसलाई पुरुषोत्तम मास  वा अधिकमास पनि भन्ने गरिन्छ। मलमासमा पूजापाठ, पवित्र कामहरु नगर्न भनिन्छ। त्यसैगरी सबैभन्दा बढी चर्चा चाहिँ श्रीमान र श्रीमती सँगै बस्न हुन्न भन्ने छ। हरेक तीन वर्षमा एक पटक आउने अधिक मास, मलमास अथवा पुरुषोत्तम मास शुरु भएको छ ।जेठ ३० गतेसम्म रहने यसअवधिमा हिन्दु धर्मालम्बीहरु पूजापाठ, भगवद् भक्ति, व्रत, जप र योग आदि धार्मिक काय गर्दछन् । यस समयमा गरिएको धार्मिक कार्य अरु कुनैपनि महिनामा गरिएको पूजापाठ भन्दा दश गुना फलदायी हुने मान्यता रहेको छ । यसअवधिमा दिनमा सबै मांगलिक कार्य भने गरिन्छ । सौर्यमान र चन्द्रमानबीच हुने अन्तरका कारण प्रत्येक ३२ महिना १६ दिन ४ घडीपछि पर्ने दिनलाई मलमास भनिन्छ ।
 
सौर्यमान अन्तर्गत ३ सय ६५ दिनको एक वर्ष र चन्द्रमानअन्तर्गत ३ सय ५४ दिनको एक वर्ष हुने भएकाले प्रत्येक १२ महिनामा ११ दिनको अन्तर पर्नेछ । यसरी ३२ महिना १६ दिन ४ घडीपछि थपिने एक महिना अधिकमास अर्थात् मलमासका रुपमा मानिन्छ । मलमासमा दान गर्ने परम्परा छ । साथै यस समयमा भगवान् नारायणको पूजा आराधना गर्नाले सम्पूर्ण पाप नष्ट हुन्छ भन्ने मान्यता पनि छ । मूलत यस अवधिमा श्राद्ध तथा पितृकर्म, विवाह व्रतवन्ध, चूडाकर्म, सप्ताह, नवाह, महारुद्री, शतचण्डीसहित शुभ मूर्हुतका गृह प्रवेश, नयाँ कार्यको थालनी, यात्रा, कार्यको शुभारम्भ नगर्न शास्त्रमा उल्लेख छ ।अधिक मासमा नव विवाहित दम्पत्तिलाई अलग बस्न प्रेरित गरिन्छ ।
 
 
नेपाली समाजमा अहिले दुई खाले मान्यता ब्याप्त छ पहिलो, धर्मको नाममा हुने हर कुरा सहि हो भनेर अन्धाधुन्ध त्यसको पछि लाग्ने। दोस्रो, धार्मिक कुराहरु सबै अन्धविश्वास र रुढिबादी हुन् भनेर बेवास्ता गर्ने वा निन्दा गर्ने। कुनै बिषयको निष्कर्षमा पुगिहाल्नु अघि त्यसबारे खोज्नु, पढ्नु, बुझ्नु वा जानिफकारहरुसंग सोध्नु महत्वपुर्ण हुन्छ। हाम्रो सनातन धर्मले सिकाएका सबै कुरा अन्धविश्वास हुन्नन्। धर्मले मानिसलाई नियम र अनुशाशनमा बाँध्ने काम गर्छ। धर्मले सुविचार, प्रेम, सदभाव र सकारात्मक सोच विकास गर्नु पर्छ न कि अनावश्यक भय र त्रास फैलाउने काम। हाम्रो हिन्दु धर्मग्रन्थहरुले हामीलाई सधै असल ज्ञान र पाठ सिकाइरहेका हुन्छन। समस्या के मात्र हो भने हाम्रो समाजका पण्डित, पुरोहित र धर्मगुरुहरुले सत्यलाई बिगारेर, बंग्याएर आफ्नो अनुकुलता अनुसार ब्याख्या गर्ने गरेका छन्। आधिकारिक धारणा, ज्ञान के हो नबुझी मनगढ़ंत तरिकाले धर्मको ब्याख्या गर्नाले धेरै भ्रम सिर्जना भएका छन् र गलत परम्पराहरु स्थापित हुँदै गएका छन्।
 
 
अधिकमास अन्धविश्वास हैन तर यसपालीको मलमास कडा छ, श्रीमान श्रीमतीले एक अर्काको मुख समेत हेर्न हुन्न भन्नु चाही अन्धबिस्वास हो। यस अवसरमा काठमाडौंको कीर्तिपुरस्थित मच्छेनारायणमा मेला लाग्ने गर्दछ ।
 
 
 



More News



विप्लव माओवादी प्रवक्ता विश्वकर्मा अदालतबाटै पक्राउ

Posted: 2018-08-17 20:27:24

सुनाखरी न्युज/ काठमाडौँ — नेत्रविक्रम चन्द नेतृत्वको नेकपाका प्रवक्ता खड्गबहादुर विश्वकर्मा अदालतबाटै पुनस् पक्राउ परेका छन् । सर्वोच्च अदालतले शुक्रबार आदेश दिएपछि रिहा भएका विश्वकर्मालाई काठमाडौं जिल्ला अदालत परिसरबाट प्रहरीले पक्राउ गरेको हो । ...


भदौ १ देखि सञ्‍चालनमा आउने भनिएको कलंकी अन्डरपास प्राविधिक कारणबश सञ्चालनमा आउन सकेन, सञ्चालन गर्न चीनको अनुमति आवश्यक पर्ने

Posted: 2018-08-17 13:24:10

सुनाखरी न्युज/ काठमाडौं - कलंकी क्षेत्रमा हुने सम्पूर्ण किसिमको सडक जामलाई हटाउने गरी भदौ १ देखि सञ्‍चालनमा आउने भनिएको अन्डर पास प्राविधिक कारणवश तयारी नपुगेको भन्दै सञ्चालनमा आउन सकेन। ...


आजदेखि नयाँ कानुन लागू, १६५ वर्षपछि मुलुकी ऐन विस्थापित, के के छन् नयाँ ऐनमा

Posted: 2018-08-17 09:49:07

सुनाखरी न्युज/ काठमाडौं - मुलुकी अपराध संहिता ऐन, २०७४ आज भदौ १ गतेदेखि लागू हुनेछ। तत्कालीन प्रधानमन्त्री जंगबहादुर राणाले १९१० सालमा निर्माण गरेको ‘मुलुकी ऐन’ लाई प्रतिस्थापन गरी यो संहिता ...


प्रेमको नाटक गरेर हवलदारद्वारा हत्या ! प्रहरी हवल्दारमाथि अनुसन्धान

Posted: 2018-08-16 19:32:41

सुनाखरी न्युज/ काठमाडौँ — ४ साउनको कुरा हो । मीनबहादुर पुडासैनीले अचानक खबर पाए, बहिनी चमेली घले बिरामी भएर अस्पतालमा भर्ना भएकी छन् । अनामनगरमा रहेका मीन हतारिँदै बसुन्धरामा रहेको ग्रीन सिटी अस्पतालमा पुगे । आकस्मिक उपचार कक्ष पुरै चहार्दा पनि बहिनी फेला नपरेपछि उनले अस्पतालका कर्मचारीको सहयोग लिए ।...


चार डिआईजी सहित २७ एसएसपीहरुको सरुवा, को कहाँ पुगे ? (हेर्नुस सूचिसहित)

Posted: 2018-08-16 11:29:03

सुनाखरी न्युज/ काठमाडौं - गृहमन्त्रालयले नेपाल प्रहरीका ४ जना डिआईजीको सरुवा भएको छ । बुधबार साँझ मन्त्रालयले चार जना डिआईजीहरुको सरुवा गरेको हो । डिआईजी धिरु बस्न्यातलाई अपराध अनुसन्धान विभाग अ.नि. ब्यूरोबाट ...


Advertisements