देश-प्रदेश

पदीय चुनौतीलाई अवसरमा परिणत गर्ने नवनियुक्त प्रहरी महानिरीक्षक सर्वेन्द्र खनालको घोषणा

Posted: 2018-04-12 13:46:23

 
 
सुनाखरी न्युज/
काठमाडौं -नेपाल प्रहरीका नवनियुक्त महानिरीक्षक सर्वेन्द्र खनालले पदीय चुनौतिलाई अवसरमा परिणत गर्ने बताएका छन् । उनले सशस्त्र प्रहरी बलसँग सहकार्य गरेर अघि बढ्ने प्रतिवद्धता समेतजनाउँदै आफ्नोपदवहाली गरे । 
 
बिहीबार बिहान गृहमन्त्रालयमा दर्ज्यानी चिह्न ग्रहण कार्यक्रममा खनालले लिखित मन्तव्य संक्षिप्त रुपमा राखेका थिए । पदीय जिम्मेवारीसँगै चुनौति पनि रहेको भन्दै उनले यसलाई आफूले अवसरको रुपमा लिएको बताए ।
 
 
 
आफूसँगै दर्ज्यानी चिह्न ग्रहण गरेका सशस्त्र प्रहरीका महानिरीक्षक शैलेन्द्र खनाललाई बधाइ दिँदै सर्वेन्द्रले सहकार्य गरेर अघि बढ्ने बताए ।
 
उनले संगठनको प्रभावकारीता बढाउन वृत्ति विकासमा जोड दिने र प्रहरी संगठनको क्रियाकलापलाई पारदर्शी तथा जवाफदेही बनाउने बताए ।
 
गृहमन्त्रालयको ८२ बुँदे कार्ययोजनालाई पालना गर्ने प्रतिवद्धता खनालले जनाए ।
 
सशस्त्र प्रहरीका महानिरीक्षक शैलेन्द्र खनालले ऐन नियमअनुसार इमान्दारीतापूर्वक काम गर्ने र चेन अफ कमाण्ड कायम गर्ने बताए । उनले उपलब्ध स्रोत साधनको परिचालन गरेर सशस्त्रको प्रहरी बललाई आधुनिकीकरण गर्ने पनि बताए ।
 
खनालले आतंककारी गतिविधि र समाजमा खलल पुर्‍याउने कामलाई रोक्नका लागि क्रियाशील हुने बताए । त्यसका लागि आवश्यक नीति नियम निर्माणमा जोड दिने पनि उनले बताए ।
 
सशस्त्र प्रहरीका महानिरीक्षक खनालले पनि गृहमन्त्रालयको ८२ बुँदे कार्ययोजनालाई अनुसरण गर्ने बताए ।
 
गृह मन्त्रालयका सचिव प्रेम कुमार राईले ६ महिना वा एक वर्ष वा मासिक कार्ययोजना बनाएर काम गर्न सुझाव दिए । उनले कर्मचारीहरुको वृत्ति विकासमा ध्यान दिन पनि सुझाव दिए ।



More News



निजी विद्यालयहरुले असुलेका शुल्क फिर्ता गर्न शिक्षा विभागमा विद्यार्थीको धर्ना

Posted: 2018-04-25 15:38:56

सुनाखरी न्युज/ काठमाडौँ — निजी विद्यालयहरुले भर्नाको बेला असुलेका चर्को शुल्क फिर्ता लिन दबाव दिने उद्देश्यले विद्यार्थी संगठनहरुले बुधबार शिक्षा विभागमा धर्ना दिएका छन् । अनेरास्ववियू, नेविसंघ, अखिल क्रान्तिकारी, अखिल छैटौंलगायत विद्यार्थी संगठनले शिक्षा विभाग भक्तपुरमा करिब डेढ घण्टा धर्ना दिएका हुन् । ...


लोकतन्त्रको एक दशक लोकतन्त्रकै उपहास, ब्यवस्था फेरियो चरित्र उही

Posted: 2018-04-24 09:54:34

सुनाखरी न्युज/ काठमाडौं – मुलुकमा लोकतन्त्र वहाली भएको एक दशक पुरा भएको छ । यो अवधिमा ब्यवस्था फेरियो चरित्र उही रहेकोले लोकतन्त्रत्रै उपहास भएको छ । मुलुकको जीवनमा एक दशक छोटो हुन सक्ला तर व्यक्तिका निम्ति यो एक युग हो । तथापि, हाम्रो मुलुकका निम्ति बितेको दशक विश्वकै लागि अपत्यारिलो हुने गरी घटनाप्रधान रह्यो । ...


महिलाजति चोरबाटो विदेश किन जान्छन् ?

Posted: 2018-04-21 06:47:24

सुनाखरी न्युज/ धनगढी — कैलाली कनरीकी २१ वर्षीया लक्ष्मी चौधरी चार वर्षअघि अवैध बाटो भएर घरेलु कामदारका रूपमा कुवेत पुगिन् । त्यहाँ उनले सोचेजस्तो काम र दाम पाउन सकिनन् । दुई वर्ष नबित्दै फर्किइन् । जाँदाजस्तो फर्किन सजिलो भएन, लक्ष्मीलाई ।...


कस्तो होला नयाँ वर्ष? ज्योतिषी यसो भन्छन्

Posted: 2018-04-15 11:09:55

सुनाखरी न्युज/ काठमाडौं- विक्रम सवत् २०७५ विरोधकृत नाम संवत्सर हो। यो वर्षका राजा सूर्य तथा मन्त्री शनि ग्रह हुन्। राजा सूर्य र मन्त्री शनिले आपसमा शत्रुत्वको भाव राख्नाले वर्ष व्यवस्था उत्कृष्ट हुन मुस्किलै पर्ला, राष्ट्रिय समस्या समाधानतर्फ उदासीनता कायमै रहला। जनहितका कार्यक्रममा जनप्रतिनिधिहरूको खासै ध्यान नपुग्ला। ...


पदीय चुनौतीलाई अवसरमा परिणत गर्ने नवनियुक्त प्रहरी महानिरीक्षक सर्वेन्द्र खनालको घोषणा

Posted: 2018-04-12 13:46:23

सुनाखरी न्युज/ काठमाडौं -नेपाल प्रहरीका नवनियुक्त महानिरीक्षक सर्वेन्द्र खनालले पदीय चुनौतिलाई अवसरमा परिणत गर्ने बताएका छन् । उनले सशस्त्र प्रहरी बलसँग सहकार्य गरेर अघि बढ्ने प्रतिवद्धता समेतजनाउँदै आफ्नोपदवहाली गरे ।


Advertisements