देश-प्रदेश

मेलम्ची खानेपानी आयोजनाको सुरुङ खन्ने काम सकियो, ब्रेक थ्रू विहिबार

Posted: 2018-04-10 21:14:07

 
सुनाखरी न्युज/
काठमाडौं-
बहुप्रतिक्षित मेलम्ची खानेपानी आयोजना अन्तर्गत र्निाण भएको सुरुङको ‘ब्रेक थ्रू’ आगमी विहिबार हुने भएको छ । आयोजनाको सुरुङमार्ग खन्ने काम सकिएकाले विहिबार प्रधानमन्त्री केपी शर्मा ओलीको अपस्थितिमा आयोजना अन्तर्गत सुरुङको ब्रेक थ्रु गर्न लागिएको हो । 
सुरुङमार्ग छिचोल्नका लागि बाँकी रहेको ग्याल्थुम सिन्धु ९ किमी सुरुङमार्गमध्ये ३.९ मिटर खनेर पूरा गरिएको ब्रेक थ्रु भएको मेलम्ची खानेपानी विकास समितिका सिनियर डिभिजनल इन्जिनियर राजेन्द्र प्रसाद पन्तले जानकारी दिए ।  उनका अनुसार सो आयोजना अन्तर्गत अब सुन्दरीजलबाट मेलम्ची हेडवर्क्ससम्म सुरुङभित्रैभित्रै पुग्न सकिने छ । यसअघि सो सुरुङ मार्गलाई विभिन्न खण्डमा विभाजनगरी प्रत्येक खण्डको अलग अलग रुपमा ब्रेक थ्रु गरिएको थियो । 
मेलम्ची आनेपानी आयोजनाले २६ किलोमिटर लामो सुरुङ खन्ने काम सकीएको र यो कार्य ऐतिहासिक उपलब्धि भएको  जनाएको छ । आगामी २०७५ को दशैँअघि मेलम्ची नदीबाट दैनिक १७ करोड लिटर पानी प्रशोधन गरी काठमाडौं उपत्यकाभित्र ल्याउने गरी काम गरेको समेत आयोजनाले जनाएको छ ।
आयोजनाले हेडवर्क्सको मुख्य संरचना भेण्ट साफ्ट तथा सुरुङको फाइनल फिनिसिङको काम भने अझै बाँकी नै रहेको आयोजनाले जनाएको छ ।  सो आयोजनाका अनुसार हालसम्म मेलम्ची आयोजनामा २४ अर्ब २२ करोड रुपैयाँ खर्च भएको छ ।
सुरुङ निर्माण कार्य समयमा नै सक्नकालागि सरकारले सुरुङमार्गलाई तीनवटा खण्डमा विभाजन गरेर काम अघि बढाएको थियो । त्यसमध्ये सबैभन्दा लामो सुन्दरीजल–सिन्धुखण्ड ९.४ किमी गत बर्ष व्रेक थ्रु भएको थियो । त्यस्तै दोस्रो लामो ग्याल्थुम–अम्वाथान खण्ड ८.२ किमी गत पुसमा पुरा भएको थियो । बाँकी तेस्रो तथा अन्तिमखण्डकारुपमा ग्याल्थुम–सिन्धु ९ किमी सुरुङमार्गमध्ये ३.९ मिटर खनेर पूरा गरिएको ब्रेक थ्रु भएको हो । 
आयोजनाका अनुसार सुरुङमार्ग खन्नेकाम सकिएको भएपनि सवै काम सकेर राजधानीमा पानी आउन भने अझै आगामी दशैंसम्म कुर्नुपर्ने छ । दशैं अगाव कसवै काम सक्नेगरी तयारी भैरहेको आयोजनाले जनाएको छ । 
मेलम्चीको पानी सुन्दरीजलहुँदै काठमाडौंमा वितरण भएसँगै  आयोजनाले दोस्रो चरणको काम समेत शुरु गर्नेगरी आवश्इक तयारी समेत थालेको जनाएको छ । दोस्रो चरणमा याङ्ग्री र लार्के नदीबाट दैनिक १७ करोड लिटर गरी थप ३४ करोड लिटर खानेपानी थप गर्ने कामका लागि परामर्शदाता परिचालन भैसकेको बताइएको छ ।  परामर्शदाताले एक वर्षभित्रमा आयोजनाको विस्तृत डिजाइन प्रतिवदेन पेश गर्ने जनाएको छ । हालसम्मको तयारी अनुसार दोस्रो चरणको परियोजनाको आगामी आर्थिक वर्षबाट निर्माणकार्य सुरु गर्ने आयोजनाले जनाएको छ ।
सिन्धुपाल्चोकको हेलम्बु स्थित मेलम्ची नदी मुहानबाट काठमाडौंको सुन्दरीजलसम्म २६ किलोमिटर लामो सुरुङ निर्माण गरी १७ करोड लिटर पानी उपत्यका ल्याउने आयोजनाको लक्ष्य छ । आयोजनाको दोस्रो चरणको रुपमा याङ्ग्री र लार्के खोलाबाट ३४ करोड लिटर पानी ल्याउन आवश्यक पहुँच मार्गको दस किलोमिटर ट्रयाक खोल्ने काम समेत सम्पन्न भैसकेको छ । दोस्रो चरणको लागि मेलम्ची मुहान माथी डाईभर्सन गर्न करिब ११ किलोमिटर लामो सुरुङ निर्माण गर्ने लक्ष्य  राखिएको छ । 
 



More News



विषाक्त मदिरा सेवनपछि मलेसियामा मृत्यु भएका नेपालीको शव ल्याउन समय लाग्ने

Posted: 2018-09-23 14:01:35

सुनाखरी न्युज/ काठमाडौँ - मलेसियाको क्वालालम्पुर र सेलाङ्गगोर राज्यमा विषाक्त मदिरा सेवनबाट मृत्यु हुने नेपालीको संख्या ७ पुगेको छ। थप ४ जनाको अवस्था गम्भीर छ भने अन्य ६ जनाको स्वास्थ्य सुधारोन्मुख छ। मृतकको शव ...


संयुक्त राष्ट्रसंघको ७३औं महासभामा भाग लिन प्रधानमन्त्री के पि शर्मा ओली २१ सदस्यी टोली को नेतृत्व गर्दै अमेरिका प्रस्थान

Posted: 2018-09-23 13:26:36

सुनाखरी न्युज/ काठमाडौँ - राष्ट्रसंघीय महासभामा भाग लिन प्रधानमन्त्री केपी शर्मा ओली अमेरिका उडेका छन । संयुक्त राष्ट्रसंघको महासभा ...


राष्ट्रिय युवा शक्तिको काठमाडौं महानगर कार्यसमिति गठन

Posted: 2018-09-23 09:44:22

सुनाखरी न्युज/ काठमाडौँ - एकीकृत राष्ट्रिय प्रजातन्त्र पार्टी (राष्ट्रवादी) को भातृ संगठन राष्ट्रिय युवा शक्तिका काठमाडौं महानगर कार्यसमिति गठन भएको छ । शनिबार भएको भेलाले मदन केसीको अध्यक्षतामा २१ सदस्य कार्यसमिति गठन ...


अमेरिकामा गोली लागि एक नेपालीको मृत्यु, एक घाइते

Posted: 2018-09-22 14:25:05

सुनाखरी न्युज/ अमेरिका – अमेरिका मेरिल्याण्डको हार्डफोर्ड काउन्टीमा गोली चल्दा एक नेपालीसहित तीन अमेरिकी नागरिकको मृत्यु भएको छ भने एक नेपाली घाइते भएका छन्। अमेरिकाको बाल्टिमोर भन्दा ३५ माइल उत्तरपूर्व एबरडिनमा रहेको राइट एड कम्पनीको विरण केन्द्रभित्र गोली चल्दा पर्वत माइती भई कास्की घर भएकी हाल बाल्टीमोर बस्दै आएकी ४१ बर्षीया वृन्दा गिरीको मृत्यु भएको हो। ...


साउदी अरब काम गर्न जाने नेपालीको तलव सुविधा ३०० रियाल बढ्यो, कम्तिमा १३ सय रियाल

Posted: 2018-09-22 07:12:16

सुनाखरी न्युज/ काठमाडौं- साउदी अरबमा काम गर्न जाने कामदारका लागि ६ वर्षपछि न्यूनतम ज्यालामा पुनरावलोकन भएको छ। श्रम, रोजगार तथा सामाजिक सुरक्षा मन्त्री गोकर्ण विष्टको प्रस्तावलाई गत शुक्रबार बसेको मन्त्रिपरिषदको बैठकले स्विकृत गरेको हो। ...


Advertisements