देश-प्रदेश

महेन्द्रनगरबासीको प्रदर्शनमा प्रहरी हस्तक्षेप, स्थिती नियन्त्रणमा लिन अश्रुग्याँस प्रहार, दुवै तर्फका केहि घाइते

Posted: 2018-08-21 13:43:20

सुनाखरी न्युज/ कञ्चनपुर - निर्मला पन्तको बलात्कार र हत्यामा संग्लन अपराधीलाई प्रहरीले लुकाउन खोजेको भन्दै महेन्द्रनगरवासीले आज विरोध प्रदर्शन गरेका छन । नक्कली अभियुक्त सार्वजनिक गरेर प्रहरीले वास्तविक दोषीलाई उन्मुक्ति दिन खोजेको उनीहरुको आरोप छ । प्रहरीले घटनाको २५ औँ दिन हिजो स्थानीय ४१ बर्षिय दिलीप सिंह बिष्टलाई घटनामा सग्लन भएको आरोपमा पक्राउ गरेर सार्वजनिक गरेको थियो । पन्तको बलात्कार र हत्या घटनालाई ढाकछोप गर्न मानसिक अवस्था ठीक नभएको युवकलाई अपराधी बनाएर प्रहरीले सार्वजनिक गरेको आरोप स्थानीयको छ ।
 
 
यसैबीच बजार बन्द गरेर प्रदर्शनमा उत्रेका स्थानीय बासिन्दामाथि प्रहरीले बल प्रयोग गरेको छ । बजारमा प्रदर्शन गरिरहेका प्रदर्शनकारीहरुमाथि प्रहरीले अश्रुग्यास प्रहार गरेको हो । प्रदर्शनकारीले जिल्ला प्रशासन कार्यालय घेराउ गर्न खोजेपछि स्थिती नियन्त्रणमा लिन केही राउण्ड अश्रुग्यास प्रहार गरिएको प्रहरीले जनाएको छ ।प्रहरीको बल प्रयोगवाट केही प्रदर्शनकारी घाइते भएका छ । प्रदर्शनकारीले प्रहार गरेको ढुंगा लागेर केही प्रहरीपनि घाइते भएका छन् । सोमबार पक्राउ परेका विष्टलाई प्रहरीले जबर्जस्ती करणी र कर्तव्य ज्यान मुद्दामा जिल्ला अदालत कञ्चनपुरबाट १० दिनको म्याद थप गरिसकेको छ ।
 
 
भीमदत्त नगरपालिका १९ उल्टाखामकी १३ वर्षीया बालिका निर्मला पन्त साउन १० गते हराएकी थिईन । भोलीपल्ट विहान बलात्कारपछि हत्या गरिएको अवस्थामा उनको शव भेटिएको थियो । हत्यापछि दोषीलाई पक्राउ र कारवाहीको माग गर्दै स्थानीयले प्रदर्शन गर्दै आएका छन ।



More News



महेन्द्रनगरबासीको प्रदर्शनमा प्रहरी हस्तक्षेप, स्थिती नियन्त्रणमा लिन अश्रुग्याँस प्रहार, दुवै तर्फका केहि घाइते

Posted: 2018-08-21 13:43:20

सुनाखरी न्युज/ कञ्चनपुर - निर्मला पन्तको बलात्कार र हत्यामा संग्लन अपराधीलाई प्रहरीले लुकाउन खोजेको भन्दै महेन्द्रनगरवासीले आज विरोध प्रदर्शन गरेका छन । नक्कली अभियुक्त सार्वजनिक गरेर प्रहरीले वास्तविक ...


सरकारी अनुगमनको रिस उपभोक्तालाई किन, अनिश्चितकाल तरकारी बिक्री बन्दको घोषणा

Posted: 2018-08-21 09:46:05

सुनाखरी न्युज/ काठमाडौं - सोमबार बिहान अनुगमनमा गएको बाणिज्य आपूर्ति तथा उपभोक्ता संरक्षण बिभाग र प्रहरीको टोली कालिमाटी फलफूल तथा तरकारी बजार विकास समितिको तरकारी बजार अनुगमन गर्न गयो । ...


भूकम्प पीडितको २७ प्रतिशतको मात्र घर निर्माण

Posted: 2018-08-20 10:42:35

सुनाखरी न्युज/ काठमाडौं - राष्ट्रिय पुननिर्माण प्राधिकरणका सचिव अर्जुनकुमार कार्कीले विसं २०७२ को भूकम्पबाट क्षतिग्रस्त सबै घर तोकिएको पाँच वर्ष्भित्र निर्माण सम्पन्न हुने बताउनु भएको छ । ट्रान्सपेरेन्सी इन्टरनेशनलको २३ औ ...


बिहान ३ बजे अनुगमनका लागि कालिमाटी फलफूल तथा तरकारी बजार पुगेको टोली व्यापारीको नियन्त्रणमा

Posted: 2018-08-20 09:57:23

सुनाखरी न्युज/ काठमाडौं - अनुगमनका लागि कालिमाटी फलफूल तथा तरकारी बजार पुगेको टोलीलाई व्यवसायी तथा विचौलियाको समूहले नियन्त्रणमा लिएका छन। कालिमाटीमा उपसचिव सहितको अनुगमन ...


भारतीय सेनाका कर्णेल २० राउन्ड गोलीसहित काठमाडौंबाट पक्राउ, विमानस्थलको आन्तरिक टर्मिनलमा चेकजाँचको क्रममा प्रक्राउ परेको

Posted: 2018-08-19 21:23:57

सुनाखरी न्युज/ काठमाडौं– त्रिभुवन अन्तर्रा्ष्ट्रिय विमानस्थलबाट २० राउन्ड गोलीसहित एकजना पक्राउ परेका छन् । विमानस्थलको आन्तरिक टर्मिनलमा चेकजाँचको क्रममा २० राउन्ड गोलीसहित १ जना प्रक्राउ परेका प्रहरीले जनाएको छ । पक्राउ पर्नेमा म्याग्दीको साविकको शिखर गाविस घर भएका ४१ वर्षीय बलबहादुर पुन छन् । त्रिभुवन अन्तर्रा्ष्ट्रिय विमानस्थलबाट पोखरा जान लागेका पुनको ...


Advertisements