विश्व-प्रवास

क्रोएशियाकी राष्ट्रपति जर्सी लगाएर दर्शकदिर्घामा बसिन्

Posted: 2018-07-11 11:32:46

 
एजेन्सी/
काठमाडौं-
कोलिन्डा ग्राबर किटारोभिच क्रोएशियाकी पहिलो महिला राष्ट्रपति हुन्। तीन वर्षअघि राष्ट्रपति चुनिएकी कोलिन्डा गत साता जहाजको इकोनोमी क्लासमा बसेर रसिया पुगिन्।
 
त्यो जहाजको भाडा सरकारले तिरेको थिएन। कोलिन्डा आफूजस्तै फुटबल फ्यानहरूले चार्टर्ड गरेको जहाजमा चढेकी थिइन्। जहाजमा उनले औपचारिक पहिरनको साटो राष्ट्रिय टोलीको रातो र सेतो बुट्टा भएको जर्सी लगाएकी थिइन्।
 
रसियामा उनको कुनै राजनीतिक एजेन्डा थिएन। आफ्ना खेलाडीको हौसला बढाउन र खेलको उत्सव मनाउन उनी आयोजक रसिया र क्रोएशियाबीचको क्वार्टर फाइनल खेल हेर्न सोची सहर पुगिन्।
 
रंगशालाको  भिआइपी कक्षमा उनले रूसी प्रधानमन्त्री डिमित्री मेडभेडेभ र फिफाका अधिकारीसँग बसेर आफ्नो टोलीको फुटबल हेरिन्। क्रोएशियाले गोल हान्दा उनी आमसमर्थकजस्तै कुर्सीबाट उठेर चिच्याएर खुसी हुन्थिन्।
 
त्यो खेलको निर्धा्रित र थपिएको समयमा दुबै टोलीले २र२ गोल गरेकाले टाइब्रेकर हुने भयो। टाइब्रेकरमा क्रोएशियाले रसियालाई ३ का विरूद्ध ४ गोलले हरायो र २० वर्षपछि विश्वकपको सेमिफाइनलमा स्थान बनायो। त्यसपछि कोलिन्डाले आफूलाई भिआइपी कक्षमा थाम्न सकिनन् उनी ड्रेसिङ रूममा पुगिन्।  खेलाडीलाई अंकमाल गरिन्। लुका मोड्रिचलगायत स्टार खेलाडीसँग तस्बिर खिचिन्। उनीहरूले सँगै खुसी मनाए।
 
कोलिन्डाले यसअघि जुलाई १ मा डेनमार्क्विरुद्ध भएको प्रिक्वार्टर फाइनल खेल भिआइपी कक्षमा नभई फ्यान आइडी लगाएर आमदर्शकसँगै बसेर हेरेकी थिइन्।   
 
‘म अरू फुटबल फ्यानजस्तै हुँ भनेर देखाउन र अरू फ्यानसँगै बसेर टोलीलाई समर्थन गर्न चाहन्थें,’ रसियन  अनलाइन स्पोर्टबक्ससँग कुरा गर्दै कोलिन्डाले भनिन्, ‘मैले राष्ट्रिय चिन्हहरू भएको सर्ट लगाएँ। भिआइपी कक्षमा लामो गाउन लगाउनु पर्ने भएकाले त्यो पहिरनलाई अनुमति हुन्नथ्यो।’
 
कोलिन्डाले रसियाले स्पेनमाथि प्रिक्वार्टर फाइनलमा पाएको जितपछि ट्विटरमा रसियाली राष्ट्रपति भ्लादमिर पुटिनको अंग्रेजी भाषाको ह्यान्डललाई मेन्सन गर्दै ‘राम्रो खेलेको’ बधाई दिएकी थिइन् र आफू सोचीमा हुने रसियासँगको क्वार्टर फाइनल खेल हेर्न पनि आउने वाचा गरेकी थिइन्।
 
क्रोएशिया र रसियाको क्वार्टर फाइनल खेलमा पुटिन भने रंगशालामा थिएनन्।
 
रसियालाई हराएर सेमिफाइनल पुगेको क्रोएशिया फाइनलका लागि बुधबार इंग्ल्याण्डसँग भिड्दैछ



More News



अमेरिकका पूर्व राष्ट्रपति बुशको निधन

Posted: 2018-12-01 17:50:36

सुनाखरी न्युज/ काठमाडौँ — अमेरिकाका पूर्व राष्ट्रपति जर्ज एच डब्लू बुशको निधन भएको छ। शुक्रबार साँझ ९४ वर्षको उमेरमा निधन भएको हो । अमेरिकाका ४१ औं राष्ट्रपति बुश सन् १९८९ देखि सन् १९९३ सम्म सत्तामा रहेका थिए। सन् १९२४ मा अमेरिकाको मिल्टनमा जन्मिएका बुश रिपब्लिकन पार्टीको तर्फबाट राष्ट्रपति चुनिएका थिए । उनी यस्ता भाग्मानी राष्ट्रपति हुन् जो ८ वर्ष उपराष्ट्रपति हुँदै राष्ट्रपतिमा पदमा चुनिए ।...


इन्टरपोलको अध्यक्षमा रूसी उम्मेदवारलाई हराएर दक्षिण कोरियाका किम निर्वा्चित

Posted: 2018-11-22 07:26:59

सुनाखरी न्युज/ एजेन्सी - अन्तर्रा्ष्ट्रिय प्रहरी संगठन (इन्टरपोल) को नयाँ अध्यक्षमा दक्षिण कोरियाका किम जोङ याङ निर्वा्चित भएका छन । दुबईमा भएका वार्षिक सम्मेलनमा १९४ सदस्य राष्ट्रको मत पाएर याङ निर्वा्चित भएका ...


अमेरिकाको एक अस्पतालमा अन्धाधुन्द गोली प्रहार, चार जनाको मृत्यु

Posted: 2018-11-20 11:18:03

सुनाखरी न्युज/ काठमाडौं - अमेरिकाको एक अस्पतालमा एक व्यक्तिले अन्धाधुन्द गोली चलाउँदा एक डाक्टरसहित चार जनाको ज्यान गएको छ। अमेरिकाको सिकागोस्थित मर्सी अस्पतालमा स्थानीय समयअनुसार सोमबार ...


कलेजो जोडिएका भुटानी बालिकाको सफल शल्यक्रिया, चिकित्सकहरुले शरीर छुट्टयाएका दुबै बालिकाहरु उपचाररत

Posted: 2018-11-11 10:01:07

सुनाखरी न्युज/ अष्ट्रेलिया — कलेजो जोडिएका १४ महिनाका दुई भुटानी बालिकालाई मेलबर्नका चिकित्सकहरुले सफलतापूर्वक छुट्टयाएका छन् । शरीर जोडिएका निमा र दावा उपचार गराउनका लागि आफ्नी आमासँग करिब २ महिनाअघि अष्ट्रेलिया आइपुगेका थिए । मेलबर्नमा रहेको मेलबर्न रोयल चिल्ड्रेन अस्पतालमा पेडियाट्रिक सर्जन डा. जो क्रामेरीको नेतृत्वमा सम्पन्न भएको उक्त सर्जरी ६ घण्टासम्म चलेको थियो। ...


श्रीलंकामा राजनीतिक संकट बढ्दै, राष्ट्रपतिबाट संसद भंग

Posted: 2018-11-10 09:27:22

सुनाखरी न्युज/ एजेन्सी - (कोलम्बो) श्रीलंकामा राजनीतिक संकट गहिरिँदै गएपछि राष्ट्रपति मैत्रिपाला सिरिसेनाले संसद् नै भंग गरिदिएका छन । राष्ट्रपति सिरिसेनाले गएरातिदेखि लागू हुने गरी संसद् भंग गरेका हुन् । संसद् भंग भएसँगै ...


Advertisements