विश्व-प्रवास

थाइल्याण्डमा गुफामा थुनिएका १३ मध्ये ९ बालकको सकुशल उद्धार

Posted: 2018-07-10 07:33:22

 
एजेन्सी/
थाइल्याण्ड — थाइल्याण्डमा गुफामा थुनिएका एक जना फुटबल प्रशिक्षक र १२ जना विद्यार्थीहरु मध्ये ४ जना बालकलाई सोमबार बाहिर निकालिएको छ । आइतबार र सोमबार गरी अहिलेसम्म  ९ जना विद्यार्थीलाई उद्धार गरिएको छ ।
 
 
 
थाइल्याण्डको उत्तरी क्षेत्रमा रहेको गुफामा झण्डै दुई हप्ता अगाडी थुनिएकाहरुलाई बाहिर निकाल्ने क्रम आइतबार बिहानबाट सुरु भएको थियो ।
 
स्थानीय समय अनुसार सोमबार बेलुका पाँच बजे उनीहरूलाई गुफाबाट बाहिर निकालिएको थियो । झण्डै छ घण्टा लामो प्रयासपछि उनीहरूलाई बाहिर निकालिएको प्रत्यक्षदर्शीहरूले बताएका छन् ।
 
बाहिर निकालिएका बालकहरूलाई हेलिकोप्टर मार्फत् सिधैं चियाङ रायमा रहेको अस्पताल लगिएको छ ।
 
घुम्न गएका बेला बाढी आएर गत जुलाई २३ तारिखका दिन उनीहरु गुफामा फसेका थिए । हराएको दिनदेखि खोजी सुरु भए पनि नवौँ दिनमा उनीहरूको अवस्था पत्ता लागेको थियो ।
फसेका १३ जनामध्ये अरु चारजनालाई पहिलो चरणमा आइतबार सकुशल उद्धार गरी बाहिर निकालिएको थियो । उद्धारको कार्य अति कठिन भएकाले हिजो चारजनालाई मात्र बाहिर निकाल्न सकिएको थियो ।
 
सोमबार पनि उद्धार कार्य स्थानीय समयअनुसार बिहान १० बजे सुरु भएकोमा बेलुका मात्रै उनीहरुलाई बाहिर निकालिएको थियो ।
 
उद्धारका लागि अन्तर्रा्ष्ट्रिय गोताखोर, उद्धारको क्षेत्रमा कार्यरत विज्ञहरुलाई परिचालन गरिएको छ । साथै उक्त गुफाको उत्तरतर्फ निर्माण गरिएको ढोकामा एम्बुलेन्स पनि पूर्ण तयारी अवस्थामा राखिएको छ ।
 
उद्धार टोलीमा थाई सेनाको विशेष टोली पनि सहभागी गराइएको छ । उनीहरुलाई बाहिर निकाल्न गुफा वरिपरिको विभिन्न स्थानमा प्वाल पारेर गुफाभित्रको ग्यास बाहिर फाल्ने र बाहिरबाट अक्सिजन भित्र पठाउने ‘चिम्नी’ बनाइएको छ ।
 
गुफा बाहिरबाट करीब ३०० मिटर गहिरो प्वाल पारिएको छ । आइतबार यिनै चिम्नीबाट चारजनालाई निकालिएको हो । उद्धार कार्यमा खटिएकाहरुले बाँकीलाई मंगलबारसम्ममा बाहिर निकालिसकिने जानकारी दिएका छन् ।



More News



कलेजो जोडिएका भुटानी बालिकाको सफल शल्यक्रिया, चिकित्सकहरुले शरीर छुट्टयाएका दुबै बालिकाहरु उपचाररत

Posted: 2018-11-11 10:01:07

सुनाखरी न्युज/ अष्ट्रेलिया — कलेजो जोडिएका १४ महिनाका दुई भुटानी बालिकालाई मेलबर्नका चिकित्सकहरुले सफलतापूर्वक छुट्टयाएका छन् । शरीर जोडिएका निमा र दावा उपचार गराउनका लागि आफ्नी आमासँग करिब २ महिनाअघि अष्ट्रेलिया आइपुगेका थिए । मेलबर्नमा रहेको मेलबर्न रोयल चिल्ड्रेन अस्पतालमा पेडियाट्रिक सर्जन डा. जो क्रामेरीको नेतृत्वमा सम्पन्न भएको उक्त सर्जरी ६ घण्टासम्म चलेको थियो। ...


श्रीलंकामा राजनीतिक संकट बढ्दै, राष्ट्रपतिबाट संसद भंग

Posted: 2018-11-10 09:27:22

सुनाखरी न्युज/ एजेन्सी - (कोलम्बो) श्रीलंकामा राजनीतिक संकट गहिरिँदै गएपछि राष्ट्रपति मैत्रिपाला सिरिसेनाले संसद् नै भंग गरिदिएका छन । राष्ट्रपति सिरिसेनाले गएरातिदेखि लागू हुने गरी संसद् भंग गरेका हुन् । संसद् भंग भएसँगै ...


टर्कीले बनायो विश्वकै सबैभन्दा ठूलो विमानस्थल

Posted: 2018-10-31 16:11:52

सुनाखरी न्युज/ काठमाडौँ — ट्रकीले आफ्नो ९५‌‍‍‍औँ स्थापना दिवसको अवसर पारेर विश्वकै सभैभन्दा ठूलो विमानस्थल आंशिक रुपमा सञ्चालनमा ल्याएको छ । राष्ट्रपति टेयिप एर्डोगानले मुलुकको ९५ औँ स्थापना दिवसको अवसर पारेर गत सोमबार यो विमानस्थलको उद्घाटन गरेका हुन् । करिब १२ बिलियन(१२ अर्ब) डलरमा यो विमानस्थलन निर्माण सम्पन्न भएको सीएनएनले जनाएको छ । ...


श्रीलंकामा राजनीतिक संकट उत्पन्न, अन्तर्राष्ट्रिय समुदायको चासो केन्द्रत

Posted: 2018-10-28 12:23:04

सुनाखरी न्युज/ काठमाडौँ — श्रीलंकाका राष्ट्रपतिले प्रधानमन्त्रीलाई बर्खास्त गर्दै पूर्वराष्ट्रपति महिन्द्रा राजापाक्षेलाई नियुक्त गरेपछि अन्तर्रा्ष्ट्रिय समुदायले चासो व्यक्त गरेका छन  । उनीहरूले राष्ट्रपति मैत्रीपाला सिरिसेनालाई संविधान पालना गर्न आग्रह गरेका छन  । अमेरिकाले सबै पक्षलाई संविधानको अक्षरशः पालना गर्न तथा हिंसाबाट टाढा रहन आग्रह गरेको छ । ...


अमेरिकामा अन्धाधुन्ध गोली प्रहार, ११ को मृत्यु

Posted: 2018-10-28 08:46:34

सुनाखरी न्युज/ अमेरिका - अमेरिकाको पेन्सिलभिनियामा एक बन्दुकधारीले गोली चलाउँदा ११ जनाको मृत्यु भएको छ। बन्दुकधारीलाई प्रहरीको नियन्त्रणमा लिएका छन्। उनको परिचय भने खुलाइएको छैन, यद्यपि अमेरिकी सञ्चारमाध्यमले ती ...


Advertisements