विश्व-प्रवास

अमेरिका कोरिया शिखर वार्ताका लागि किम सिङ्गापुर पुगे, ट्रम्प पुग्दै

Posted: 2018-06-10 16:17:29

 
सुनाखरी न्युज/
काठमाडौँ — अमेरिकी राष्ट्रपति डोनाल्ड ट्रम्पसंगको शिखर बार्ताका लागि उत्तर कोरियाली सर्वोच्च नेता किम जोङ उन आइतबार सिङ्गापुर पुगेका छन् । अमेरिकी राष्ट्रपति ट्रम्प आइतवार नै अवेर पुग्ने कार्यक्रम रहेको छ ।
 
 
 
अमेरिकी राष्ट्रपति ट्रम्प क्यानाडामा जारी रहेको जी सेभेन समूहको बैठकका लागि शनिबार नै क्यानाडा पुगेका छन् । उनी त्यतैबाट सिङ्गापुर जाने तयारीमा छन् ।
 
राष्ट्रपति ट्रम्पले आफ्नो त्यतैबाट सिङ्गापुर जाने कार्यक्रम रहेको यसअघि नै बताइसकेका छन् ।
 
अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीच यही जुन १२ अर्थात् आगामी मङ्गलबार सिङ्गापुरमा भेटवार्ता हुँदैछ । अहिले त्यसको तयारीमा दुवै देश जुटेको बताइएको छ ।
 
सिङ्गापुर सरकारले पनि यस वार्ताको अन्तिम तयारी सकिएको जानकारी दिइसकेको छ । उता उत्तर कोरियाले आफूले उक्त वार्ताका लागि आवश्यक सबै तयारी पूरा गरेको जानकारी दिएको छ ।
 
उत्तर कोरियाली सरकारी समाचार समिति केसिएनएले दिएको जानकारीअनुसार त्यहाँका नेता किम आइतबार सिङ्गापुर प्रस्थान गर्दै छन् ।
 
सिङ्गापुर पुगेका किमले यहाँका राष्ट्रपतिसँग द्विपक्षीय भेटवार्ता गर्ने छन् ।
 
ट्रम्प र किमबीचको वार्ताले कोरियाली प्रायद्धीप शान्ति स्थापना गर्ने र यसको विश्वमा नै सकारात्मक प्रभाव पार्ने विश्लेषणहरु आएका छन् ।
 
उक्त शिखर बार्ताको समाचार संकलनका लागि विश्वका कैयौँ देशका पत्रकारहरु सिङ्गापुर पुगिसकेका छन् । सबैभन्दा धेरै अमेरिकी पत्रकार रहेको बताइएको छ ।
 
यस वार्तालाई विश्वमा नै बडो महत्वका साथ हेरिएको छ । कोरियाको विभाजनपछिको दुई कोरिया र अमेरिका कोरिया सम्बन्ध विकासमा सहयोग पुग्ने बताइएको छ ।
 
गत अप्रिल २७ मा दुई कोरियाबीच ऐतिहासिक भेटवार्ता भयो । उत्तर कोरियाली सर्वोच्च नेता किम जोङ उन र दक्षिण कोरियाका राष्ट्रपति मुन जाय इनबीच भएको सो भेटवार्तापछि मङ्गलबारको शिखर वार्ताको वातावरण बनेको थियो ।
 
सो वार्तामा यी दुई देशबीच ऐतिहासिक सम्झौता पनि भयो । यसैले नै अमेरिका र उत्तर कोरियाबीच वार्ताको मार्ग प्रशस्त गरेको बताइएको छ ।
 
आणविक अस्त्र उत्पादन गर्न नपाइने र परीक्षणस्थल भत्काउनुपर्ने शर्त अमेरिकाले राखेको र ती शर्त पूरा गरेपछि सिङ्गापुर वार्ताको वातावरण सकारात्मक रुपमा निर्माण भएको अमेरिकीहरुको भनाई छ ।



More News



अमेरिकाको बाल्टिमोरमा पशुपतिनाथको मन्दिर

Posted: 2018-06-20 07:42:17

सुनाखरी न्युज/ वाल्टिमोर (अमेरिका)- वाशिंगटन डीसी र बाल्टिमोरस्थित पशुपतिनाथ मन्दिरको विधिवत उदघाटन गरिएको छ । गत जुन १७ का दिन अमेरिकाको लागि मरिससका राजदूत सुरज फोकिरको प्रमुख आतिथ्यमा भव्यताको साथ मन्दिरको उद्घाटन गरिएको हो ।...


ग्यास सिलिन्डर पड्किँदा एक नेपालीको कोरियामा मृत्यु

Posted: 2018-06-20 07:09:18

सुनाखरी न्युज/ सोल — दक्षिण कोरियाको ख्यङसाङनामदो प्रान्तको मिरयाङ छोदोङ सहरस्थित माछाको दाना बनाउने कम्पनीमा कार्यरत एक नेपालीको मृत्यु भएको छ । मंगलबार भएको औद्योगिक दुर्घटनामा मोरङ बेलबारीका बलकुमार राईको मृत्यु भएको हो । दाना पकाउने भाँडामा सोमबार बिहान ग्यास लिक भएर सिलिन्डर पड्किँदा राई घाइते भएका थिए । ...


अमेरिकी राष्ट्रपति डोनल्ड ट्रम्पको घोषणा, नयाँ अन्तरिक्ष सेना अर्थात् स्पेस फोर्स तयार गर्ने

Posted: 2018-06-19 12:43:57

सुनाखरी न्युज/ बीबीसी - अमेरिकी राष्ट्रपति डोनल्ड ट्रम्पले अमेरिकी सेनाको छैटौं शाखालाई बिस्तार गर्दै अंतरिक्ष सेना अर्थात् स्पेस फोर्स बनाउन चाहेको बताएका छन् । ट्रम्पले सोमबार देशको सुरक्षाका लागि अंतरिक्षमा अमेरिकाको दमदार र प्रभावकारी उपस्थिती हुनुपर्ने इच्छा व्यक्त गरेका छन् ।...


युद्ध अन्त्यको घोषणा गर्दै दुई कोरिया

Posted: 2018-06-19 08:03:24

रासस/सिन्ह्वा सोल — उत्तर र दक्षिण कोरियाले विगत लामो समयदेखि उनीहरुबीच जारी घोषित युद्ध अन्त्यको घोषणा गर्ने भएका छन् । यसै वर्षको अन्त्यतिर उसले युद्ध अन्त्यको घोषणा गर्ने भएको दक्षिण कोरियाली विदेशमन्त्रीले जानकारी दिएका छन्। उत्तर कोरियासँगको युद्ध अन्त्यको घोषणा गर्ने तयारी दक्षिणले गरेको जनाएको हो।...


अफगानिस्तानमा तालिवानले थाल्यो आक्रमण, युद्धविराम लम्ब्याउने प्रयास असफल

Posted: 2018-06-18 08:27:00

एजेन्सी/ काठमाडौं - अफगानिस्तान सरकारले गरेको युद्धबिरामको प्रयास असफल भएको छ । तालिवानले युद्ध विराम समाप्त भएको घोषणा गर्दै सरकारी सुरक्षाकर्मीहरुमाथि आक्रमण सुरु गरेको छ । ईदको अवसरमा घोषणा गरिएको युद्धविरामलाई अफगान राष्ट्रपति असरफ गनीले थप बढाउन तालिवानलाई अपिल गरेका थिए । ...


Advertisements