विश्व-प्रवास

९२ बर्षिय महाथिर मोहम्मद जसले मलेसिया वनाएका थिए, उनले फेरी एकपटक प्रधानमन्त्रीको रुपमा मेलिसिया हाँक्दैछन्

Posted: 2018-05-10 08:55:27

 
सुनाखरी न्युज/
काठमाडौं-
 
महाथिर मोहम्मद मलेसियाका सबैभन्दा लामो समय शासन गर्ने प्रधानमन्त्री हुन् । सन् १९८१ देखि २००३ सम्म मलेसियाको प्रधानमन्त्री रहेका महाथिर आधुनिक मलेसियाका जन्मदाता हुन् जसले मलेसियालाई विकाशको पथमा डोर्‍याए ।
 
पेशाले चिकित्सक महाथिर त्यतिबेलाको सत्तारुढ बारिसन नेशनलबाट राजनीति गरी सत्तामा पुगेका थिए । आफ्नो प्रधानमन्त्रीकालमा उनले सत्ता गठबन्धन र देश दुवैलाई बलियो बनाए ।
 
 
 
 
विकाश र प्रजातन्त्रको पश्चिामा मोडललाई अश्विकार गर्दै महाथिरले ‘पूर्व्तिर हेर’ भन्ने नारा दिएका थिए । जसका कारण उनी मलेसियाभित्र मात्र नभई पुरै एशियाली क्षेत्रका नेताका रुपमा स्थापित हुन सफल भएका थिए ।
 
सन् २००३ मा अवकाश लिएपछि पनि उनको मलेसियाली सत्तामा पकड थियो । कुनै बेला उनकै चेला रहेका नाजिब रजाक सन् २००९ मा मलेसियाका प्रधानमन्त्री बने ।
 
तर नाजिबका क्रियाकलापले मलेसियाली सत्तारुढ पार्टीलाई अलोकप्रिय बनाउँदै लग्यो । उनले नाजिबलाई प्रधानमन्त्रीबाट हटाउन पार्टी्भित्रैबाट कोसिस पनि गरे । तर नाजिबले महाथिरका समर्थकलाई कारबाही गरेपछि सत्तारुढ दलभित्र रहेका महाथिरका समर्थकहरु बाहिर निस्के ।
 
सन् २०१५ मा महाथिरले सत्तारुढ पार्टी परित्याग गर्दै नाजिवलाई सत्ताच्यूत गर्ने अभियानमा सहयोग गर्न जनतासँग अपिल गरे । ९० वर्ष कटिसकेका बयोवृद्ध यी नेता कुनैबेला आफैंले बलियो बनाएको पार्टी र आफ्नै चेलाविरुद्ध सडकमा उत्रिए, ठूलाठूला प्रर्दशनको नेतृत्व गरे ।
 
प्रधानमन्त्री नाजिव रजाकले वान मलेसिया डेभलपमेन्ट बर्हाद नामक परियोजनामा ७ सय मिलियन डलर भ्रष्टाचार गरेको अभियोग लाग्यो । उनले ठूलो रकम आफ्नो निजी खातामा सारेको देखियो । तर उनले आफ्नो कर्तुत खुलासा हुने डरले धेरै उच्च सरकारी अधिकारीलाई बर्खास्त गरे, मिडिया र विपक्षीमाथि कडाइ शुरु गरे ।
 
महाथिर २ वर्षसम्म मात्रै प्रधानमन्त्री
 
प्रधानमन्त्रीका यी क्रियाकलापले मलेसियाली जनता आजित भए र उनको विकल्प खोज्ने मनस्थिीतिमा पुगे ।
 
कुनैबेला मलेसियालाई विकाशको पथमा लगेका महाथिर नै नाजिवको विकल्पमा आएपछि जनताले यसपटक नाजिवको विपक्षमा आफ्नो मत जाहेर गरे । जसले महाथिरलाई १५ वर्षको विश्रामपछि पुनः सत्तामा फर्कायो ।
 
९२ वर्षीय महाथिर पुनः मलेसियाको प्रधानमन्त्री बन्ने भएका छन् । उनी संसारकै सबैभन्दा वृद्ध निर्वा्चित प्रधानमन्त्री हुनेछन् ।
 
महाथिर २ वर्षसम्म मात्रै प्रधानमन्त्री बन्नेछन् । त्यसपछि उनले अर्का नेता अनबर इब्राहिमलाई सत्ता हस्तान्तरण गर्नेछन् । इब्राहिम हाल यौन उत्पीडनको आरोपमा जेलमा छन् । उनलाई आममाफी दिलाउने र उप–निर्वाचन गराएर प्रधानमन्त्री पद हस्तान्तरण गर्ने महाथिरको योजना रहेको बताइन्छ ।



More News



सबैभन्दा सानो घर

Posted: 2018-05-26 05:55:13

सुनाखरी न्युज- वैज्ञानिकहरुले संसारकै सबैभन्दा सानो घर बनाएका छन् । ३०० वर्ग माइक्रोमिटर क्षेत्रफलको सो घर अहिलेसम्मकै सबैभन्दा सानो हो । यो घर रोवोटिक प्रणालीमा प्रयोग हुनेछ। भ्याकुम साइन्स एण्ड टेक्नोलोजी ए नामक पत्रिकामा विवरण दिइएअनुसार यो सबैभन्दा सानो घर निर्माणबाट अनुसन्धानकर्ताहरुले अप्टिकल सेन्सिङ प्रविधिको थप विकास गर्न सक्नेछन् । ...


बहुचर्चित किम–ट्रम्प शिखरवार्ता रद्द

Posted: 2018-05-25 07:12:20

सुनाखरी न्युज/ कोरिया- अमेरिकी राष्ट्रपति डोनाल्ड ट्रम्पले निकट भविष्यमा हुने भनिएको उत्तर कोरियाका सर्वोच्च नेता किम जोङ उनसँगको शिखरवार्ता रद्द भएको घोषणा गरेका छन्। उत्तर कोरियाले हालै क्रोध र शत्रुता देखाउँदै अभिव्यक्ति दिएको भन्दै ट्रम्पले वार्ता रद्द भएको घोषणा गरेका हुन्।...


जताततै वेहाल, दोहाका गल्ली गल्लीमा ‘आजाद भिसा’ पीडित

Posted: 2018-05-25 06:56:00

सुनाखरी न्युज/ काठमाडौँ — वैदेशिक रोजगारका लागि इनरुवा ८, सुनसरीका इन्द्रदेव मल्लले ५ कट्ठा जग्गा बेच्नुपर्‍यो । त्यसबाट आएको दुई लाख रुपैयाँमध्ये एक लाख ७० हजार रुपैयाँ कतार पठाउने रेडियन्ट म्यानपावरलाई बुझाए । बाँकी ३० हजार इनरुवादेखि काठमाडौंसम्मको आवतजावत, एक महिनासम्मको बसाइ, स्वास्थ्य परीक्षण र खानामै सकियो ।...


ट्रम्पले रद्द गरे उत्तर कोरियाली नेता किमसितको शिखर वार्ता, यो हो कारण?

Posted: 2018-05-24 21:23:19

सुनाखरी न्युज- अमेरिकी राष्ट्रपति डोनल्ड ट्रम्पले जुन १२ मा सिंगापुरमा हुने भनिएको उत्तर कोरियाली सर्वोच्च नेता किम जोङ उनसितको शिखर वार्ता रद्द गरेका छन्। ह्वाइट हाउसले बिहीबार सार्वजनिक गरेको किमलाई ट्रम्पले लेखेको पत्रमा ट्रम्पले लामो समयदेखि प्रतीक्षा गरिएको यो बैठक अहिले यो समयमा गर्न उपयुक्त नभएको उल्लेख छ। ...


सुरक्षाकर्मीको गोली लागि नौ जनाको मृत्यु

Posted: 2018-05-24 11:55:41

सुनाखरी न्युज/ नयाँ दिल्ली- भारतको दक्षिणी राज्य तामिल नाडुमा तामा खानी बन्द गर्न भन्दै विगत तीन महिनादेखि जारी आन्दोलनमा प्रहरीले चलाएको गोली लागि कम्तीमा नौ जनाको मृत्यु भएका र अन्य २० जना घाइते भएका स्थानीय सञ्चारमाध्यमले जनाएका छन्।...


Advertisements