सूचना-प्रविधि

फेसबुकले चिनियाँ मोबाइल कम्पनीसँग डाटा शेयर गरेको खुलासा

Posted: 2018-06-09 06:04:02

 
सुनाखरी न्युज/एजेन्सी-
 
प्रयोगकर्ताका डाटा चोरीको आरोपमा आलोचित भइरहेको फेसबुकको अर्को कर्तूत पर्दाफास भएसँगै फेसबुकलाई झनै अप्ठेरो पर्ने देखिएको छ ।
 
फेसबुकले वावेसहित कम्तीमा चारवटा चिनियाँ मोबाइल कम्पनीसँग फेसबुक प्रयोगकर्ताका डाटा शेयर गरेको खुलासा भएको छ ।
 
 
 
 
फेसबुकले प्रयोगकर्ताका डाटाहरु चिनिया कम्पनी वावे, लेनोभो, ओप्पो र टिसिएलसँग शेयर गरेको स्वीकारेको छ ।
 
स्मरणरहोस् चिनियाँ मोबाइल कम्पनी वावेलाई अमेरिकी सुरक्षा एजेन्सीहरुले राष्ट्रिय सुरक्षाका लागि खतराको रुपमा लिने गरेका छन् ।
 
फेसबुकका कार्यकारीले भनेका छन्, ‘अमेरिकी संसदको यो विषयमा रहेको रुचीलाई मध्यनजर गर्दै हामी यो प्रष्ट पार्न चाहन्छौँ कि सम्झौता बमोजिम वावेसँग शेयर गरिएको जानकारीहरु प्रयोगकर्ताका डिभाइसमै स्टोर भएका डाटा हुन् न कि फेसबुकको सर्भरमा रहेका डाटा ।’
 
न्युयोर्क टाइम्सले फेसबुकद्वारा कम्तीमा ६० वटा मोबाइललगायतका डिभाइस निर्माता कम्पनीहरुलाई फेसबुक प्रयोगकर्ताको डाटासम्म पहुँच दिएको खुलासा गरेको भोलिपल्ट फेसबुकले त्यस्तो दाबी स्वीकारेको हो ।  फेसबुकले प्रयोगकर्ताका जानकारीमा पहुँच दिएका कम्पनीमा एप्पल अमेजन, माइक्रोसफ्ट, सामसुङ तथा ब्लाकबेरी पनि रहेका छन् ।
 
यसअघि फेसबुकलाई उधृत गर्दै न्युयोर्क टाइम्सले लेखे अनुसार चिनियाँ कम्पनीहरुसँगको सम्झौता अनुसार प्रयोगकर्ता र उनका साथीहको धार्मिक र राजनीतिक झुकाव, काम तथा शैक्षिक जानकारी र रिलेसनसीप स्टाटससहितका विस्तृत विवरणमा फेसबुकले पहुँच उपलब्ध गराउने गरेको छ । यसैखालको अनुमति ब्लाकबेरीलाई पनि दिइएको थियो ।
 
फेसबुकका अनुसार यो सम्झौता सन् २०१० भन्दा अगाडिको हो र वावेसँगको सम्झौता यसैहप्ता सकिनेछ ।
 
न्युयोर्क टाइम्सका अनुसार फेसबुकले वावे, लेनोभो, ओप्पो र टिसिएल कम्पनीसँग डाटा शेयरिंगका लागि सम्झौता गरेको थियो, जसका कारण चिनियाँ कम्पनीहरुले केही प्रयोगकर्ताका डाटासम्म निजी पहुँच राख्दछन् । मोबाइलमा फेसबुक प्रयोगकर्तालाई बढावा दिने प्रयासको हिस्साको रुपमा उक्त सम्झौता रहेको बताइएको छ ।
 
अमेरिकी सांसदहरुले फेसबुकद्वारा चिनियाँ कम्पनीहरुसँग गरेको त्यस्तोखाले सम्झौताप्रति चिन्ता व्यक्त गरेका छन् ।
 
उता चिनियाँ कम्पनी वावेले फेसबुक प्रयोगकर्ताका डाटा आफूले कहिल्यै पनि एकत्रित वा भण्डारण नगरेको जिकिर गरेको छ । प्रयोगकर्तालाई उत्कृष्ट सेवा दिनका लागि फेसबुकसँग सम्झौता भएको पनि कम्पनीको दाबी छ ।
 



More News



नेपाल टेलिकमले ल्यायो २२ वटा अफर

Posted: 2018-10-16 10:49:31

सुनाखरी न्युज/ काठमाडौं - नेपाल टेलिकमले अटम अफर ल्याएको छ। आजदेखि सुरु भएर पुष २८ गतेसम्म चल्ने अफरमा भ्वाइस र डाटासँग सम्बन्धित २२ वटा रहेका छन । ...


नेट टिभीले सार्वजनिक गर्यो दशैँ अफर

Posted: 2018-10-12 12:23:09

सुनाखरी न्युज/ काठमाडौं - नेपालको पहिलो लाइभ टेलिभिजन एप नेट टिभी मोबाइल एपले दशैँ अफर सार्वजनिक गरेको छ । नेट टिभीले दशैंको अवसरमा “चाडपर्वको लहर नेट टिभीको एकमा एक अफर” ल्याएको छ । यो अफर अनुसार ...


नेपाल टेलिकमको चाडबाड अफर, फोन सेवा देखि इन्टरनेट सेवा सम्मको अफरहरु सार्वजनिक

Posted: 2018-10-10 09:34:07

सुनाखरी न्युज/ काठमाडौं - नेपाल टेलिकमले चाडबाड अफर सार्वजनिक गरेको छ। बुधबारदेखि लागु हुने गरी फोन सेवा देखि इन्टरनेट सेवा सम्मको अफरहरु सार्वजनिक गरेको हो। टेलिकमले सार्वजनिक गरेको अफर अन्तर्गत अनलिमिटेड ...


सरकारले सिंहदरबारमा जीमेल र याहु निषेध गर्दै, सरकारी मेल चलाउने तयारी

Posted: 2018-10-04 14:53:55

सुनाखरी न्युज/ काठमाडौं - सरकारले जीमेल र याहुलाई निषेध गर्ने भएको छ । सिंहदरबारभित्र जीमेल र याहुको सट्टा सरकारी मेल चलाउने तयारी भएको हो । व्यवस्थापिका संसदको विकास समिति बैठकमा सुचना, सञ्चार तथा प्रविधि ...


‘सुबिसु शुभअफर’ डबल मज्जा, पैसाकम, स्पिड ज्यादा

Posted: 2018-10-02 13:08:44

सुनाखरी न्युज/ काठमाडौ - सुबिसु केबल नेट प्रा. लि.ले केबल टेलिभिजन, इन्टरनेट र नेटवर्क सेवामा नेपालीहरुको महान चाड दशैंलाई लक्षित गरि ‘सुविसु शुभ अफर’ ल्याएको छ । जसमा क्लियर टिभि, इन्टरनेट तथा इन्टरनेट र क्लियर ...


Advertisements