सूचना-प्रविधि

रसुवाको मैलुङ निर्माणाधिन जलविद्युत आयोजनाले स्थानीय तह र विद्यालयलाई कम्प्युटर वितरण

Posted: 2018-05-16 11:03:10

सुनाखरी न्युज/रसुवा
रसुवाको मैलुङमा निर्माणाधिन २१६ मेगावाट क्षमताको माथिल्लो त्रिशुली–१ जलविद्युत आयोजनाले स्थानीय तह र विद्यालयलाई कम्प्युटर वितरण गरेको छ । सदरमुकाम धुन्चेमा मंगलबार एक कार्यक्रमको आयोजना गरी ९८ वटा कम्प्युटर वितरण गरिएको हो । कोरिया इनर्जीले उपलब्ध गराएको कम्प्युटर नेपाल वाटर एण्ड इनर्जी डेभलपमेन्ट कम्पनीका प्रमुख कार्यकारी अधिकृत लिबो सकले हस्तान्तरण गरेका हुन् ।
 
आयोजना प्रभावित क्षेत्रमा पर्ने गाउँपालिका, वडा कार्यालय र विद्यालयहरुलाई कम्प्युटर वितरण गरिएको माथिल्लो त्रिशुली–१ जलविद्युत आयोजनाले जनकारी दिए । स्थानीय तहमा कम्प्युटको अभावका कारण काम गर्न असहज भएको हुदाँ र ग्रामीण भेगमा सञ्चालित विद्यालयमा कम्प्युटरको पहुँच पु¥याउनका लागि कम्प्युटर वितरण गरिएको हो ।
 
जिल्लाका गोसाइँकुण्ड, कालिका, उत्तरगया र आमाछोदिङ्मो गरी ४ गाउँपालिकाका ५ वटा वडा र १७ विद्यालयलाई कम्प्युटर वितरण गरिएको हो । विद्यालयले न्युनतम २ देखि अधिकतम १६ वटासम्म कम्प्युटर पाएको छ ।



More News



अब अनलाइनबाटै परीक्षा फारम भर्न सकिने , अनलाइन प्रणालीको काम अन्तिम चरणमा

Posted: 2018-05-24 17:20:19

सुनाखरी न्युज/ काठमाडौँ - राष्ट्रिय परीक्षा बोर्डले माध्यामिक तहको को रजिस्ट्रेसन लगायत बिभिन्न फारम अनलाइनबाटै भर्न सकिने प्रक्रिया अगाडी बढाएको छ । यस संगै विद्यार्थीले आगामी शैक्षिक सत्र देखि परीक्षा, रजिस्ट्रेसन तथा अन्य सम्पूर्ण फारम अनलाइनबाटै भर्न पाउने भएका छन् । राष्ट्रिय परीक्षा बोर्डले अनलाइनबाट फारम भर्ने प्रणाली विकासको काम अन्तिम चरणमा पुगेको जानकारी दिएको छ । ...


नेपाल टेलिकमका डाटा सेवाका प्रयोगकर्ता करोड नाघे

Posted: 2018-05-22 16:33:20

सुनाखरी न्युज/ काठमाडौं - नेपाल टेलिकमको डाटा सेवाका प्रयोगकर्ता एक करोड भन्दा बढी पुगेका छन् । कम्पनीले हालै प्रकाशित गरेको पछिल्लो अर्थात २०७४ चैत महिनाको एमआईएस रिपोर्ट अनुसार डाटा सेवाका प्रयोगकर्ता १ करोड १ लाख ५४ हजार छन् । सो रिपोर्ट अनुसार अनुसार जीएसएम डाटा सेवाका प्रयोगकर्ता ९७ लाख ९५ हजार १ सय, सीडीएमए डाटा सेवाका प्रयोगकर्ता १ लाख ३६ हजार ५ सय, वाइम्याक्स सेवाका १७ हजार र एडीएसएलका १ लाख ९९ हजार ७ सय प्रयोगकर्ता छन् ।...


नेपाल सरकारले फेसबुकसँग माग्यो ११० एकाउन्टको विवरण

Posted: 2018-05-22 16:16:55

सुनाखरी न्युज/ काठमाडौँ — नेपाल सरकारका निकायले सन् २०१७ मा फेसबुकसँग १ सय १० वटा एकाउन्टसम्बन्धी विवरण माग गरेको फेसबुकले सार्वजनिक गरेको छ । फेसबुकले यसैसाता सार्वजनिक गरेको आफ्नो ट्रान्सपरेन्सी रिपोर्टमा नेपाल सरकारबाट पटक पटक गरी एक सय १० फेसबुक एकाउन्टको विवरण माग भएको जनाएको छ । ...


अनलाइन पत्रकारिता र प्रेस स्वतन्त्रता

Posted: 2018-05-20 21:16:04

उज्वल आचार्य/ काठमाडौं- इन्टरनेटलाई माध्यमका रूपमा प्रयोग गरेर आमनागरिकसम्म सूचना र विचार पुर्याउने अनलाइन पत्रकारितामा गएका केही वर्षहरूमा नेपालले उल्लेख्य फड्को मारेको छ । आधारभूत रूपमा अनलाइन पत्रकारिताले प्रचलित पत्रकारिताकै मूल्य मान्यता र सिद्धान्तमा आधारित भए पनि नयाँ माध्यमका लागि चाहिने थप शीप र परिवर्तनका कारण स्थापित मिडिया, पत्रकार र पत्रकारिताकामा यसले केही रूपान्तरण गरेको छ ।...


फेसबुकमा जथाभावी लेख्नेलाई पाँच बर्ष जेल सजाय

Posted: 2018-05-20 21:08:40

सुनाखरी न्युज/ जाकार्ता- फेसबुकमा जथाभावी लेख्ने एक जनालाई सोमबार इन्डोनेसियामा पाँच बर्ष जेल सजाय दिइएको छ। इस्लाम विरुद्ध फेसबुकमा लेखेकाले ती व्यक्तिलाई पाँच बर्षको जेल सजाय गरिएको इन्डोनेसियाली अधिकारीले जनाएका छन्। इन्डोनेसियामा हालै जारी गरिएको विद्युतीय सूचना सम्वन्धी एउटा कानूनी व्यवस्था विवादमा परिरहेको छ। ...


Advertisements