सूचना-प्रविधि

यसरी पु¥यायो फेसबुकले पुर्यायो ‘कोठी’

Posted: 2018-05-15 15:53:04

 
सुनाखरी न्युज/
कोहलपुर-
राप्तीसोनारीकी १९ वर्षीया युवतीलाई सुनील नाम गरेका व्यक्तिले फेसबुकमा ‘फ्रेन्ड रिक्वेस्ट’ पठाए । उनले ‘एसेप्ट’ गरिन् । उनीहरूबीच कुराकानी सुरु भयो । मोबाइल नम्बर आदानप्रदान भयो । कुरा गर्दै जाँदा उनीहरुले कोहलपुरमा भेट गर्ने योजना बनाए । सुनीलले ती युवतीलाई बिहे गर्ने आश्वासन दिए । ती युवतीले आफ्नो बिहे भएको र साथमा चार वर्षीय छोरो रहेको बताइन् । त्यसले आफूलाई केही फरक नपर्ने प्रतिक्रिया सुनीलबाट आयो ।
 
ती युवीको चार वर्षपहिले बिहे भएको थियो । १५ वर्षको उमेरमै बिहे गरेकी उनलाई छोरो जन्मने बेला श्रीमान्ले छाडे । ‘सधैं रक्सी खाएर कुटपिट गर्ने गरेपछि म पनि आजित भइसकेकी थिएँ,’ ती युवतीले भनिन् । श्रीमान्ले छाडेपछि उनी माइतीमा बस्न थालिन् ।
 
छोराको अभिभावक र आफ्नो सारथि बन्ला भन्ने आशमा उनले सुनीलको प्रस्ताव स्विकारिन् । चार महिनाको फेसबुके कुराकानीपछि उनी सुनीलसँग भाग्न राजी भइन् । मौकाको फाइदा उठाउँदै सुनीलले रुपैडिया बोर्डर कटाए अनि भारतीय यौनबजारको कोठीमा पु¥याए । आँखा चिम्लेर विश्वास गरेको मान्छेले ‘कोठी’ मा पु¥याउला भन्ने उनले कल्पनै गरेकी थिइनन् ।
बोर्डर कटाइसकेपछि सुनीलले आफ्नो साथीको कोठामा बस्ने भन्दै दिल्लीस्थित रमेश ठाकुरको कोठामा लगे अनि बहाना बनाउँदै बाहिरिए । रमेशले ‘सुनीलले तँलाई बेचिसकेको’ भनेपछि उनी छाँगाबाट खसिन् । उनको आँखामा कालो बादल मडारियो । नसोचेको धोका पाउँदा रुनुबाहेक विकल्प थिएन उनीसँग ।
 
त्यहाँबाट उनलाई एक महिनासम्म ‘प्राइभेट’ (निश्चित ग्राहक) कहाँ पठाइयो । रमेशले उनलाई जबर्जस्ती लठ्याउने औषधि खुवाउँथे, जुन औषधिले एक हप्तासम्म एकोहोरो बनाउँथ्यो । ‘लठ्याउने औषधि भन्ने थाहा पाएपछि त्यसपछिका दिनमा मैले खान्छु भनेर फाल्दिन थालें,’ उनले भनिन्, ‘उनीहरुको मन जित्नलाई जे भने त्यही मानें ।’
 
महिना दिनपछि उनलाई दिल्ली जिबिरोडस्थित कोठी नं. ६४ पुर्याइयो । उनको दुःख झन् बढ्यो । दिनमै १५ देखि ३० जनासम्म ग्राहक आउँथे । पहिलेपहिले चिच्याइन्, कराइन् तर सुन्ने कोही थिएन । पछिपछि उनले ग्राहकसँग राम्रो व्यवहार गर्न थालिन् । उनीहरुलाई फकाउन थालिन् । यस्तैमा एउटा ग्राहकसँग उनले फोन मागिन् । बुवाको नम्बर याद भएकाले उनले सबैभन्दा पहिला बुवालाई फोन गरिन् र आफ्नो अवस्थाबारे जानकारी दिइन् । चार महिनादेखि हराएकी छोरीले कोठीमा छु भनेर फोन गर्दा बुवाका आँसु रोकिएनन् ।
 
त्यसपछि ती युवतीका बुवाले मानव बेचबिखनविरुद्ध काम गर्ने संस्थामा निवेदन दिए । लगत्तै भारतस्थित नेपाली दूतावासमा जानकारी गराएर केआई नेपालले भारतीय प्रहरीको सहयोगमा उनलाई कोठीबाट उद्धार ग¥यो । उद्धारपछि दिल्लीबाट काठमाडौं हुँदै शनिबार उनी घर आइपुगिन् । ‘त्यो कालकोठरीबाट फुत्किन सफल भएँ,’ उनले भनिन्, ‘म फर्कन्छु भन्ने लागेको थिएन, भाग्यले साथ दियो ।’ आफ्नो पुनर्जन्म भएको महसुस भएको उनले बताइन् ।
 
पछिल्लो समय प्रविधिको विकाससँगसँगै दुरुपयोग पनि बढ्दा भएको दुर्घटनाको एउटा उदाहरण हो यो । केआई नेपाल बाँके इन्चार्ज अपना भट्टले प्रविधिको विकाससँगै मानव बेचबिखनका घटना बढ्दै गएको बताइन् । प्रविधिको सदुपयोगभन्दा पनि दुरुपयोग गर्दा परिपक्व भइनसकेका महिला यसको सिकार बन्ने गरेको उनको भनाइ छ । ‘अहिले ग्रामीण भेगका महिला प्रविधिको सहज पहुँचमा छन्, जसकारण मानव तस्करहरु एक ठाउँमा बसेर योजना बनाउँछन् र सामाजिक सञ्जालको माध्यमबाट आफ्नो जालमा पार्छन्’, उनले भनिन् । यसरी बेचबिखनको सिकार हुनेमा बढीजसो विपन्न वर्गका महिला हुने गरेको उनले बताइन् । उनका अनुसार कतिपयलाई विवाह गर्छु भनेर त कतिपयलाई जागिरको लोभमा मानव तस्करले फसाउने गरेका छन् ।
 
मानव तस्करहरूले बेचबिखन गर्ने उद्देश्य राखेर विभिन्न प्रलोभनमा पारी भारतीय नागरिकसँग विवाहसमेत गरिदिन्छन् । चैत ११ गते कोहलपुरकी १४ वर्षीया किशोरीलाई भारतीय नागरिकसँग विवाह गरेर लैजाने तयारी हुँदै थियो । ती किशोरीले अभिभावकलाई जानकारी गराएपछि भने प्रहरी तस्करहरुलाई पक्राउ गर्न सफल भयो ।
 
किशोरीहरु वैदेशिक रोजगारीको प्रलोभनमा समेत बेचिने गरेका छन् । भारतको सीमावर्ती क्षेत्रबाट दिल्ली पु¥याई विभिन्न मुलुकमा किशोरी ‘सप्लाई’ हुने गरेको प्रहरीले जनाएको छ । मानव तस्करले नेपालगन्ज–रुपैडिहा नाका बढी प्रयोग गर्ने गरेका छन् । ‘हिजोआज मोटरसाइकलमा समेत बोर्डर कटाइन्छ,’ केआई नेपालकी भट्टले भनिन्, ‘गाडी, रिक्सामा समेत चेकजाँच गर्न गाह्रो हुन्छ, मोटरसाइकलमा चेकजाँच गर्न अझ गाह्रो हुन्छ ।’
 
पहिले अशिक्षा, चेतनाको कमीले बेचबिखन बढेको भनिए पनि हिजोआज शिक्षित पनि मानव बेचबिखनको जालमा पर्ने गरेका छन् । छिटो धनी बन्ने चाहनाले पनि यस्तो समस्या आउने गरेको कोहलपुर प्रहरी प्रमुख डिएसपी यज्ञप्रसाद भट्टराईले बताए । उनले कोहलपुर क्षेत्र संवेदशील भएकाले सुरक्षा व्यवस्थामा कडाइ गरिरहेको दाबी गरे । उनले आपराधिक गिरोहसँग बच्न सामाजिक सञ्जालमा अपरिचित मानिससँग टाढै रहन सुझाए ।
नागरिकवाट



More News



एन्पिनोग (npNOG) ले काठमाडौंमा सूचना प्रविधि सम्मेलन गर्ने

Posted: 2018-12-07 11:21:01

सुनाखरी न्युज/ काठमाडौ - इन्टरनेट सेवा प्रदायक एवं सूचना संचार प्रविधिको क्षेत्रमा कार्यरत ब्यक्ति एवं संस्थाहरु को समूह नेपाल नेटवर्क अपरेटर्स ग्रुप (एन्पिनोग) ले यही मंसिर २३ देखि २८ गते सम्म एनपिएनओजी–४ नामक छ दिने कार्यक्रम आयोजना गर्नेभएको छ।कार्यक्रममा नेटवर्किङ एवं सूचना तथा संचार ...


दूरसञ्चार कम्पनी लिमिटेडको प्रबन्ध निर्देशकमा नियुक्तिका लागि सिफारिस गर्न तीन सदस्य छनोट समिति गठन

Posted: 2018-12-06 20:40:01

सुनाखरी न्युज/ काठमाडौं- मन्त्रिपरिषदले नेपाल दूरसञ्चार कम्पनी लिमिटेडको प्रबन्ध निर्देशकमा नियुक्तिका लागि सिफारिस गर्न तीन सदस्य छनोट समिति गठन गरेको छ । विहिबारको मन्त्रिपरिषदको वैठकले यस्तो समिित गठन गरेको हो । वैठकले स्वास्थ्य बिमा बोर्डको कार्यकारी निर्देशकमा विराटनगरका रमेशकुमार पोखरेललाई नियुक्त गरिएको छ।...


धुलिखेल नगरपालिकाले पर्यटकको सुविधाका लागि फ्रि वाइफाइ सेवा

Posted: 2018-12-03 14:08:58

सुनाखरी न्युज/ काभ्रेपलाञ्चोक - धुलिखेल नगरपालिकाले पर्यटकको सुविधाका लागि फ्रि वाइफाइ सेवा शुरु गरेको छ । आइतबार सरस्वती बजार परिसर (पार्क)बाट फ्रि वाइफाइ सेवा शुरु गरिएको हो । नगरप्रमुख अशोक ब्याञ्जूले ...


सामसङको आधिकारिक सेवा केन्द्र भक्तपुर मोबाइल कम्प्लेक्स सूर्यविनायकमा सुरु

Posted: 2018-11-23 17:12:52

सुनाखरी न्युज/ काठमाण्डौ- नेपाल भरी १४ वटा सामसङ का सेवा केन्द्रहरु भएको, आइएमएस केयरले आफ्नो १५ औं सेवा केन्द्र भक्तपुर मोबाइलकम्प्लेक्स, दोश्रो तल्ला सूर्यविनायक, भक्तपुरमा सुरु गरेको छ । सो सेवा केन्द्रको उद्घाटन आइएमएस ग्रुपका अध्यक्ष दिपक मल्होत्रा, सामसङ इलेक्टो«निक्सका काकार्यकारी निर्देशकयुबियमवोन, आइएमएस ग्रुपका प्रमुख कार्यकारी अधिकृत दिकेश मल्होत्रा र सामसङ इलेक्ट्रोनिक्सका काजुङ्सिक (बबि) योले गरे । ...


एनसेलद्वारा ‘रिचार्ज एण्ड विन’अफर अन्र्तगत नवौं र दशौं हप्ताका भाग्यशाली विजेताहरुलाई नगद पुरस्कार वितरण

Posted: 2018-11-17 11:38:19

सुनाखरी न्युज/ काठमाडौं - एनसेल प्राईभेट लिमिटेडले चाडपर्वको अवसर पारी संचालन गरेको आकर्षक ‘रिचार्ज एण्ड विन’ अफर अन्तर्गत बिहीबार (कार्तिक २९ गते) नवौं र दशौं हप्ताका विजेताहरुलाई नगद पुरस्कार हस्तान्तरण गरेको छ । प्रत्येक हप्ता १० भाग्यशाली ग्राहकले जनही रु एक लाख जित्ने ‘रिचार्ज एण्ड विन’ ...


Advertisements