सुन-चाँदी

सुन तस्करीको नयाँ रुटः यूएई–चीन–रसुवा–काठमाडौं हुँदै भारत, नागढुंगामा फेरि समातियो ६ किलो सुन

Posted: 2018-07-02 08:14:32

 
सुनाखरी न्युज/
काठमाडौं-
सुन तस्करीको नयाँ रुट प्रयोग हुन थाल्ेको छ । सरकारले गठन गरेको उच्च स्तरीय सुन अनुसन्धान समितिले त्रिभुवन अन्तर्रा्ष्ट्रिय विमानस्थलबाट ३ वर्षको अवधिमा चुडामणि उप्रेती ‘गोरे’को समूहले ३८ क्वीन्टल सुन तस्करी गरेको पर्दाफास गर्दै ६३ जनाविरुद्ध मुद्दा दायर गरेसँगै तस्करहरुले वैकल्पिक मार्ग खोज्न थालेका छन् ।
 
 
 
 
समितिको अनुसन्धान पूरा हुनु अगावै अन्य तस्कर समूहले सुन तस्करी थालेको भेटिएको हो । यसअघि दूबईबाट त्रिभुवन अन्तर्रा्ष्ट्रिय विमानस्थल हुँदै नेपाल भित्रिएर तस्करीको सुन भारत जाने गरेको थियो ।
 
तर, अहिले विमास्थलमा कडाईपछि तस्करहरुको समूहले यूएईबाट चीन हुँदै रसुवा नाका भएर काठमाडौंसम्म सुन भित्र्याउने गरेको भेटिएको छ । त्यसपछि उनीहरुले स्थलमार्ग हुँदै भारतसम्म सुन पठाउने गरेका छन् ।
 
काठमाडौंबाट बाहिरिने नागढुंगा नाकामा ट्याक्सीमा लुकाएर ल्याइएको ३ किलो सुन बरामद भएको भोलिपल्टै आइतबार राति बा ९५ प ८१६४ नम्बरको पल्सर मोटरसाइकलमा ल्याउँदै गरेको ६ किलो सुन बरामद भएसँगै तस्करीको नयाँ रुटको रहस्य खुलेको हो ।
 
पक्राउ पर्नेमा सिन्धुपाल्चोकका २३ वर्षीय तेन्जिङ तामाङ छन् ।  उनले बोकेको सुन यूएईबाट चीन हुँदै रसुवा नाकाबाट काठमाडौं आएको प्रहरी स्रोतको दाबी छ ।
 
‘विमानस्थलमा कडाइँपछि तस्करहरुले नयाँ रुट प्रयोग गरेको देखिएको छ’, अनुसन्धानमा संलग्न एक अधिकारीले अनलाइनखबरसँग भने, ‘यसले सुन तस्करीको ठूलो ¥याकेट सार्वजनिक भइसक्दा पनि अझै तस्करी नरोकिएको देखाएको छ ।’
प्रारम्भिक अनुसन्धानका क्रममा सुन तस्करीका लागि नयाँ रुट प्रयोग भएको पाइएको पुष्टि भएको नागढुंगा प्रहरीका एक अधिकारी बताउँछन् ।
 
लामो समयदेखि त्रिभुवन अन्तराष्ट्रिय विमानस्थलबाटै सुन तस्करी हुँदै आएको थियो ।
 
रसुवाबाट सुन तस्करी हुँदै गरेको गोप्य सूराकी पाएपछि काठमाडौं प्रहरीले नागढुंगा नाकामा चेकजाँच कडा बनाएको थियो । त्यसक्रममा प्रहरी निरीक्षक केशव भट्टको टोलीले आइतबार साँझ सुन बरामद गरेको हो ।
 
तर, काठमाडौं प्रहरी पक्राउ परेका व्यक्तिमाथि अनुसन्धान भइरहेको भन्दै विस्तृत विवरण खुलाउने चाहेको छैन । परिसरले यसबारे थप सार्वजनिक गर्न सोमबार पत्रकार सम्मलेन आयोजना गर्ने बताइएको छ ।
 
सुन तस्करीबारे अनुसन्धान गरिरहेको उच्चस्तरीय समितिले पनि यसबारे चासो देखाएको छ । समितिले यसबारे पनि अध्ययन गर्ने एक सदस्यले बताए ।



More News



नक्कली सुन लाई सक्कली सुन भनी विक्रि वितरण गर्ने पक्राउ

Posted: 2018-12-11 09:55:38

सुनाखरी न्युज/ काठमाडौं - काठमाडौं बौद्ध स्तुपाबाट नक्कली सुनलाई सक्कली सुन भनी नगद ६६ हजार रुपैयाँमा विक्रि वितरण गर्न लागेको अवस्थामा २ जनालाई सोमबार साझँ प्रहरीले पक्राउ गरेको छ । पक्राउ पर्नेहरुमा चाबहिल बस्ने ...


सुन जस्तो देखिने पहेलो धातु सहित २ जना पक्राउ

Posted: 2018-12-10 14:30:18

सुनाखरी न्युज/ काठमाडौ - त्रिभुवन अन्तर्रा्ष्ट्रिय विमानस्थलको पार्किङबाट करिब ३ सय ८८ ग्राम सुन जस्तो देखिने पहेलो धातु सहित रुपन्देही तिलोत्तमा नगरपालिका ८ का २२ वर्षीय द्वारिकालाल चौधरी र गुल्मी छत्रकोट गाउँपालिका ३ ...


दुई किलो सुनसहित पक्राउ

Posted: 2018-12-10 11:02:21

सुनाखरी न्युज/ रसुवा – रसुवाको गोसाईंकुण्ड गाउँपालिका–६ धुन्चेबाट दुई किलो सुनसहित एक जना पक्राउ परेका छन्। पक्राउ पर्नेमा गोसाईंकुण्ड गाउँपालिका – १ थुमनका ३७ वर्षीय निमा दोर्जे तामाङ रहेका छन्। विशेष सुराकीको आधारमा ना १ ज ६१७६ को टाटा सुमोमा स्याफ्रुबाट काठमाडौं जादै गरेको अवस्थामा तामाङलाई प्रहरीले पक्राउ गरेको हो। उनलाई पक्राउ गरेर थप अनुसन्धान थालिएको प्रहरी नायव उपरीक्षक सन्तोष तामाङले बताएका छन्।...


सुन आज प्रतितोला ५८ हजार ७ सयमा कारोबार

Posted: 2018-12-06 12:42:12

सुनाखरी न्युज/ काठमाडौ - सुन आज प्रतितोला ५८ हजार ७ सय रुपैयाँमा कारोबार भइरहेको छ। नेपाल सुनचाँदी व्यवसायी महासंघका अनुसार हिजो ५८ हजार ४ सय रुपैयाँमा कारोबार भएको थियो। हिजोको तुलनामा सुन प्रतितोला ३ सय रुपैयाँ बढेको हो। ...


सुन जस्तो देखिने पहेंलो धातु सहित पक्राउ

Posted: 2018-12-04 12:44:42

सुनाखरी न्युज/ काठमाडौ - त्रिभुवन अन्तर्रा्ष्ट्रिय बिमानस्थलको पार्किङ एरियाबाट सुन जस्तो देखिने पहेंलो धातुको बाला ३ थान (अन्दाजी १ सय ५० ग्राम) सहित धनुषा गणेशमान नगरपालिका ४ घर भएका २० वर्षीय शकिल महमदलाई ...


Advertisements