सुन-चाँदी

आफैंले चलाएको ट्याक्सीमा चढ्ने यात्रुको सुन चोर्ने ३ ट्याक्सी चालकसहित चारजना पक्राउ

Posted: 2018-06-11 16:05:40

सुनाखरी न्युज/ काठमाडौं - वैशाख १९ गते लैनचौरबाट काँडाघारी जाँदै गर्दा सुनको गरगहना लुटिएको उजुरी परेपछि अनुन्धान गर्दै जाँदा तीन जना ट्याक्सी ड्राईभर सहित चारजना लाई नियन्त्रणमा लिइएको महानगरीय प्रहरी वृत्त लैनचौरका डिएसपी दीपक पोखरेलले बताएका छन । आफ्नै ट्याक्सीमा चढेकी यात्रु को गरगहना लुटेर भाग्ने बा। २ झ ३७८ नम्बरको ट्याक्सी चालक शुक्रबिर तामाङले लुटेको गहना विक्री वितरण गर्नका लागि बिजेश र चिनलाल तामाङले ग्राहक खोजेको प्रहरीको अनुसन्धानबाट खुल्न आएको छ । प्रहरीले ट्याक्सी चालक बिजेश र चिनलालको डेरा कोठाबाठ सुनको बेरुवा औंठी १ थान र चाँदीको ब्रासलेट १ थान बरामद गरेको छ । 
 
 
त्यस्तै कागेश्वरी मनहरा नगरपालिका १ स्थित हिमालय होलमा निमा दोर्जे तामाङको बन्द सटरमा सोही समुहले लुकाएको तिलहरी १ थान, औंठी २ थान, बाला २ थान र झुम्का ३ थान प्रहरीले बरामद गरेको छ । ट्याक्सी चालकहरुले चोरेको सुन खरिद गर्दै आएका सुन ब्यापारी लिलानाथले सञ्चालन गरेको काँडाघारीको ओम लक्ष्मी सुनचाँदी पसलबाट सुनको जन्तर २ थान, सुनको तिलहरी १ थान, सुनको पेण्डल २ थान, सुनको तिलहरी ३ थान र सुनको झुम्का २ थान बरामद गरिएको काठमाडौं प्रहरीले जनाएको छ । सुन चोरीमा संलग्न यो समुहले सिन्धुपाल्चोक बाह्रविसे स्थित शुक्रविर तामाङको घर नजिकै रुखको फेद नजिक माटोमा गाडेको अवस्थामा एक थान सुनको सिक्री प्रहरीले फेला पारेको छ । 



More News



सुनको भाउ ६ वर्ष यताकै महँगो, तोलाको ६० हजार

Posted: 2018-10-13 09:55:32

सुनाखरी न्युज/ काठमाडौं- अन्तर्रा्ष्ट्रिय बजारमा भाउ वृद्धि भएसँगै स्थानीय बजारमा सुनको मूल्य ६ वर्षयताकै उच्च विन्दुमा पुगेको छ। शुक्रबार स्थानीय बजारमा छापावाल सुन प्रतितोला ६० हजारमा किनबेच भएको छ। यो भाउ २०६९ भदौयता सबैभन्दा महँगो हो। नेपाल सुनचाँदी व्यवसायी महासंघका अनुसार शुक्रबार छापावाल सुन प्रतितोला ६० हजार रुपैयाँमा कारोबार भएको छ बिहीबार ५९ हजार ३ सयमा कारोबार भएको सुन एकै दिनमा ७ सयले बढेर उच्च विन्दुमा पुगेको हो।...


सुन प्रतितोला ६० हजार पुग्यो

Posted: 2018-10-12 14:19:06

सुनाखरी न्युज/ काठमाडौं - दसैँ नजिकिँदै गर्दा सुनको मूल्य बढेको छ। शुक्रबार सुनको मूल्य प्रतितोला ६० हजार पुगेको छ। नेपाल सुनचाँदी व्यवसायी महासंघका अनुसार अघिल्लो दिनको तुलनामा प्रतितोला ७ सय रुपैयाँले सुनको मूल्य बढेको ...


नक्कली सुन देखाएर २३ लाख ठगी गर्ने २ जना पक्राउ

Posted: 2018-10-09 15:36:10

सुनाखरी न्युज/ काठमाडौं - नक्कली सुन देखाएर २३ लाख रकम ठगी गर्ने २ जनालाई प्रहरीले पक्राउ गरेको छ। महानगरीय प्रहरी वृत बानेश्वरको टोलीले नक्कली सुनलाई सक्कली सुन भन्दै विक्री गर्ने सिन्धुपालचोकका विशाल तामाङ र ...


सल्लाहकार समिति बैठक सम्पन्न, प्रष्ट कार्य योजनाकासाथ अगाडि बढ्न निर्देशन

Posted: 2018-10-04 22:05:43

सुनाखरी न्युज/ काठमाडौं- नेपाल सुनचाँदी व्यवसायी महासंघको सल्लाहकार समितिको वैठक असोज १८ गते विहिबार काठमाडौंको होटल एल्लो पगोडामा सम्पन्न भएको छ । महासंघका अध्यक्ष मोहन कुमार सुनारको अध्यक्षतामा सम्पन्न सो बैठकमा सल्लाहकार समितिका सदस्य तथा महासंघका पदाधिकारीहरुले महासंघको विद्यमान अखवस्था र आगामी दिनमा महासंघले चाल्नुपर्ने कदमका बारेमा प्रकाश पारेका थिए । ...


सुन खरिदमा नयाँ नियम: १० किलोमाथि किन्‍न गभर्नरको स्वीकृति आवश्यक पर्ने

Posted: 2018-10-04 21:18:38

सुनाखरी न्युज/ काठमाडौं- नेपाल राष्ट्र बैंकले १० किलोग्रामभन्दा धेरै सुन र ८० किलोभन्दा धेरै चाँदी खरिद गर्नु परे गभर्नरबाट स्वीकृत लिनुपर्ने नयाँ व्यवस्था गरेको छ। १० किलोसम्म सुन र ८० किलोसम्म चाँदी खरिदका लागि भने डेपुटी गभर्नरबाट स्वीकृत गराउनुपर्नेछ। राष्ट्र बैंकले यस्तो व्यवस्थासहितको सुनचाँदी तथा अन्य धातु खरिद, टकमरी र बिक्रीसम्बन्धी कार्य्विधि पारित गरेको छ। ५ किलो सुन र ५० किलो चाँदी खरिद गर्न भने मुद्रा व्यवस्थापन विभागबाट सोझै स्वीकृत लिन सकिने व्यवस्था कार्य्विधिले गरेको छ।...


Advertisements