सुन-चाँदी

एमके अग्रवालको घरबाट नगगसहित सुन र चाँदी बरामद

Posted: 2018-06-09 06:10:01

 
सुनाखरी न्युज/
काठमाडौं– नेपालमा हुने सुन तस्करीका लगानीकर्ता भनिएका एमके भनिने मोहन कुमार अग्रवालको घरबाट ३० लाख रुपैयाँ नगदसहित सुन र चाँदी फेला परेको छ । 
 
साढे ३३ किलोसहितको ३८ क्वीन्टल सुन तस्करी र मोरङका सनम शाक्य हत्या प्रकरणका फरार अभियुक्त अग्रवालको काठमाडौंको अनामनगरस्थित घरमा छापा मार्दा नगदसहित सुन र चाँदी फेला परेको हो । 
 
सुन तस्करी सनम शाक्य हत्या प्रकरणको छानबिनका लागि गृह मन्त्रालयसका सह–सचिव इश्वर पौडेल नेतृत्वमा गठित समितिले शुक्रवार दिउँसो अग्रवालको घरमा छापा मारेको थियो । घरमा छापा मार्दा ३० लाख रुपैयाँ नगदसहित २ किलो चाँदी र १० तोला सुन फेला परेको गृह मन्त्रालय स्रोतले जनाएको छ । 
 
समितिले अग्रवालको घरबाट बा १० च २८२ नम्बरको टाटा कम्पनीको कारसमेत बरामद गरेको छ । 
 
सुनसरीको धरान उपमहानगरपालिका–३ स्थायी घर भएका अग्रवालको अनामनगरस्थित घर २ महिनादेखि खाली थियो । गृह मन्त्रालयको समितिले सुन तस्करी प्रकरणको छानबिन शुरु गरेपछि अग्रवाल फरार भएका थिए । घरमा अग्रवालकी श्रीमती बस्ने गरेको भनिएपनि उनीपनि २ महिना अगाडि घर छाडेर भारततर्फ गएकी थिइन् । 
 
गृह मन्त्रालयको समितिले अग्रवालको श्रीमतीले आफूसँगै अन्य गरगहना र नगदसमेत लगेको हुनसक्ने जनाएको छ । 
 
सुन तस्करी प्रकरणमा पक्राउ परेका राप्रपा प्रजातान्त्रिकका नेता समेत रहेका भुजुङ गुरुङले तस्करीको सुनमा एमके अग्रवालले लगानी गर्ने गरेको बताएका थिए । गृह मन्त्रालयको समितिसमक्ष दिएको बयानमा गुरुङले हराएको ३३ किलो सुनमा पनि अग्रवालकै लगानी रहेको बताएका थिए । 
 
 



More News



सुनको भाउ ६ वर्ष यताकै महँगो, तोलाको ६० हजार

Posted: 2018-10-13 09:55:32

सुनाखरी न्युज/ काठमाडौं- अन्तर्रा्ष्ट्रिय बजारमा भाउ वृद्धि भएसँगै स्थानीय बजारमा सुनको मूल्य ६ वर्षयताकै उच्च विन्दुमा पुगेको छ। शुक्रबार स्थानीय बजारमा छापावाल सुन प्रतितोला ६० हजारमा किनबेच भएको छ। यो भाउ २०६९ भदौयता सबैभन्दा महँगो हो। नेपाल सुनचाँदी व्यवसायी महासंघका अनुसार शुक्रबार छापावाल सुन प्रतितोला ६० हजार रुपैयाँमा कारोबार भएको छ बिहीबार ५९ हजार ३ सयमा कारोबार भएको सुन एकै दिनमा ७ सयले बढेर उच्च विन्दुमा पुगेको हो।...


सुन प्रतितोला ६० हजार पुग्यो

Posted: 2018-10-12 14:19:06

सुनाखरी न्युज/ काठमाडौं - दसैँ नजिकिँदै गर्दा सुनको मूल्य बढेको छ। शुक्रबार सुनको मूल्य प्रतितोला ६० हजार पुगेको छ। नेपाल सुनचाँदी व्यवसायी महासंघका अनुसार अघिल्लो दिनको तुलनामा प्रतितोला ७ सय रुपैयाँले सुनको मूल्य बढेको ...


नक्कली सुन देखाएर २३ लाख ठगी गर्ने २ जना पक्राउ

Posted: 2018-10-09 15:36:10

सुनाखरी न्युज/ काठमाडौं - नक्कली सुन देखाएर २३ लाख रकम ठगी गर्ने २ जनालाई प्रहरीले पक्राउ गरेको छ। महानगरीय प्रहरी वृत बानेश्वरको टोलीले नक्कली सुनलाई सक्कली सुन भन्दै विक्री गर्ने सिन्धुपालचोकका विशाल तामाङ र ...


सल्लाहकार समिति बैठक सम्पन्न, प्रष्ट कार्य योजनाकासाथ अगाडि बढ्न निर्देशन

Posted: 2018-10-04 22:05:43

सुनाखरी न्युज/ काठमाडौं- नेपाल सुनचाँदी व्यवसायी महासंघको सल्लाहकार समितिको वैठक असोज १८ गते विहिबार काठमाडौंको होटल एल्लो पगोडामा सम्पन्न भएको छ । महासंघका अध्यक्ष मोहन कुमार सुनारको अध्यक्षतामा सम्पन्न सो बैठकमा सल्लाहकार समितिका सदस्य तथा महासंघका पदाधिकारीहरुले महासंघको विद्यमान अखवस्था र आगामी दिनमा महासंघले चाल्नुपर्ने कदमका बारेमा प्रकाश पारेका थिए । ...


सुन खरिदमा नयाँ नियम: १० किलोमाथि किन्‍न गभर्नरको स्वीकृति आवश्यक पर्ने

Posted: 2018-10-04 21:18:38

सुनाखरी न्युज/ काठमाडौं- नेपाल राष्ट्र बैंकले १० किलोग्रामभन्दा धेरै सुन र ८० किलोभन्दा धेरै चाँदी खरिद गर्नु परे गभर्नरबाट स्वीकृत लिनुपर्ने नयाँ व्यवस्था गरेको छ। १० किलोसम्म सुन र ८० किलोसम्म चाँदी खरिदका लागि भने डेपुटी गभर्नरबाट स्वीकृत गराउनुपर्नेछ। राष्ट्र बैंकले यस्तो व्यवस्थासहितको सुनचाँदी तथा अन्य धातु खरिद, टकमरी र बिक्रीसम्बन्धी कार्य्विधि पारित गरेको छ। ५ किलो सुन र ५० किलो चाँदी खरिद गर्न भने मुद्रा व्यवस्थापन विभागबाट सोझै स्वीकृत लिन सकिने व्यवस्था कार्य्विधिले गरेको छ।...


Advertisements