सुन-चाँदी

सुन व्यवसायी साजनको हत्या गर्न साढे १० लाख ‘सुपारी’ ! रेडबुलमा हाइअल्कोहल र क्लोरोफम मिसाई खुवाएर बेहोस बनाई हत्या गरिएको

Posted: 2018-04-17 15:14:31

 
 
सुनाखरी न्युज/
काठमाडौं -झापा बिर्तामोडका सुन व्यवसायी साजन मुखियाको हत्या गर्न १० लाख ५० हजार रुपैयाँ सुपारी दिइएको प्रहरी अनुसन्धानले देखाएको छ ।
 
 
 
 
हत्या योजनाकार स्थानीय ऋद्धिसिद्धि ज्वेलर्सका सञ्चालक २९ वर्षीय पारसकुमार देवले मुखियाको हत्या गर्न दुई जनालाई १० लाख ५० हजार रुपैयाँ सुपारी दिएको खुलेको हो ।
 
थप दुई जनालाई देवले ‘बाँकी’ मै मुखियाको हत्यामा संलग्न गराएको अनुसन्धानमा संलग्न एक अधिकारी बताउँछन् ।
 
शुक्रबार भारतबाट पक्राउ परेका बिर्तामोड–३ का २२ वर्षीय राहुल भनिने राजेश शाहलाई देवले १० लाख रुपैयाँ दिएका थिए । शाह घटनापछि सुनसरीको भन्टाबारी हुँदै भारततिर छिरेका थिए ।
 
उनी समातिएपछि घटनामा बिर्तामोड–५ का २१ वर्षीय मामा भान्जा भनिने सुरज चौधरीको पनि नेक्सस खुल्यो । र, उनले ५० हजार रुपैयाँ भुक्तानी लिएको खुलेको छ ।
 
‘देवले आईएमईबाट पठाएको रकम चौधरीले इटहरीबाट निकालेको भेटिएको छ’, प्रहरी स्रोतले भन्यो, ‘उनले ३ लाख रुपैयाँ मागेको भए पनि अरु रकम पछि दिने गरी ५० हजार रुपैयाँको मात्रै कारोबार भएको भेटिएको हो ।’
 
घटनामा प्रत्यक्ष रुपमा संलग्न १९ वर्षीय दिपेश पौडेल र तेह्रथुमका २३ वर्षीय प्रकाश भनिने चिरञ्जीवी ओलीलाई भने देवले रकम दिएका थिएनन् ।
 
‘आफ्नै ज्वलर्समा कार्यरत् उनीहरुलाई देवले घटना सेटल भएपछि रकम दिने आवश्सन दिएका थिए’, ती प्रहरी अधिकारीले भने, ‘चारले जम्मा २५ लाख रुपैयाँ मागेको देखिन्छ ।’
 
रेडबुलमा हाइअल्कोहल र क्लोरोफम मिसाएर साजनलाई खुवाएर बेहोस बनाई हत्या गरिएको अनुसन्धानले देखाएको छ
 
‘ईर्ष्या नै हत्याको कारण’
 
जिल्ला प्रहरी कार्यालय, झापाका प्रमुख प्रहरी उपरीक्षक (एसपी) विष्णुकुमार केसीका अनुसार साजन हत्याको मुख्या कारण ईर्ष्या नै हो ।
 
‘बिर्तामोडमा रहेको साजनको दावा ज्वलर्सको आम्दानी दिन प्रतिदिन बढ्दै थियो । त्यस अनुपातमा देवको बढेको थिएन’, केसी भन्छन्, ‘छोटो समयमा साजनले हाँसिल गरेको उचाई र उसको व्यापारमा आएको गिरावट नै हत्याको कारण भएको देखिएको छ ।’
 
साजनको हत्यापछि उसको कारोबार आफूले आफ्नो हातमा आउने सोचाइले देवले हत्या गरेको देखिएको प्रहरी बताउँछ । उनीहरुबीच आर्थिक लेनदेन पनि रहेको प्रहरीको भनाइ छ ।
 
हत्या योजना अनुसार चार जनाले २० फागुनमा साजनलाई सुन किन्ने बहानामा बिर्तामोडको एभरेष्ट बैंक नजिक बोलाएका थिए । त्यहाँ उनीहरुले रेडबुलमा हाइअल्कोहल र क्लोरोफम मिसाएर साजनलाई खुवाएर बेहोस बनाएको अनुसन्धानले देखाएको छ ।
 
उनी बेहोस भएपछि कार्टुन बाँध्न प्रयोग हुने प्लाष्टिकको चोया र डोरीले उनको हात बाँधेर कुटपिट गरेको देखिएको छ ।
 
हत्यापछि उनको शवलाई ठेगान लगाउन देवको समूहले साजनको शवलाई जुटको बोरामा हालेर इलामतर्फ लगेका थिए ।
 
उनीहरुले मेची सडकखण्ड अन्तर्गत इलामको रोङ नगरपालिका–३, कोल्बुङ, अर्यालचोक नजिक रहेको ठाडो भिरमा लगेर उनको शवसहितको बोह्रालाई लडाएका थिए ।
 
अनुसन्धानका क्रममा अपहरणमा पर्नुअघि पारस र चिरञ्जीवीले नयाँ नम्बरबाट पटकपटक सम्वाद गरेको पाइएपछि उनीहरुतिरै अनुसन्धान सोझिएको थियो ।
 
इलाका प्रहरी कार्यालय, बिर्तामोडका प्रहरी नायब उपरीक्षक (डिएसपी) कृष्ण कोइरालाका अनुसार पक्राउ परेका चारै जनाविरुद्ध मानव अपहरण तथा शरिर बन्धक, खुनडाँका र संगठित अपराध अन्तरगत मुद्दा चलाइएको छ ।



More News



सुन जस्तो देखिने पहेलो धातु सहित २ जना पक्राउ

Posted: 2018-12-10 14:30:18

सुनाखरी न्युज/ काठमाडौ - त्रिभुवन अन्तर्रा्ष्ट्रिय विमानस्थलको पार्किङबाट करिब ३ सय ८८ ग्राम सुन जस्तो देखिने पहेलो धातु सहित रुपन्देही तिलोत्तमा नगरपालिका ८ का २२ वर्षीय द्वारिकालाल चौधरी र गुल्मी छत्रकोट गाउँपालिका ३ ...


दुई किलो सुनसहित पक्राउ

Posted: 2018-12-10 11:02:21

सुनाखरी न्युज/ रसुवा – रसुवाको गोसाईंकुण्ड गाउँपालिका–६ धुन्चेबाट दुई किलो सुनसहित एक जना पक्राउ परेका छन्। पक्राउ पर्नेमा गोसाईंकुण्ड गाउँपालिका – १ थुमनका ३७ वर्षीय निमा दोर्जे तामाङ रहेका छन्। विशेष सुराकीको आधारमा ना १ ज ६१७६ को टाटा सुमोमा स्याफ्रुबाट काठमाडौं जादै गरेको अवस्थामा तामाङलाई प्रहरीले पक्राउ गरेको हो। उनलाई पक्राउ गरेर थप अनुसन्धान थालिएको प्रहरी नायव उपरीक्षक सन्तोष तामाङले बताएका छन्।...


सुन आज प्रतितोला ५८ हजार ७ सयमा कारोबार

Posted: 2018-12-06 12:42:12

सुनाखरी न्युज/ काठमाडौ - सुन आज प्रतितोला ५८ हजार ७ सय रुपैयाँमा कारोबार भइरहेको छ। नेपाल सुनचाँदी व्यवसायी महासंघका अनुसार हिजो ५८ हजार ४ सय रुपैयाँमा कारोबार भएको थियो। हिजोको तुलनामा सुन प्रतितोला ३ सय रुपैयाँ बढेको हो। ...


सुन जस्तो देखिने पहेंलो धातु सहित पक्राउ

Posted: 2018-12-04 12:44:42

सुनाखरी न्युज/ काठमाडौ - त्रिभुवन अन्तर्रा्ष्ट्रिय बिमानस्थलको पार्किङ एरियाबाट सुन जस्तो देखिने पहेंलो धातुको बाला ३ थान (अन्दाजी १ सय ५० ग्राम) सहित धनुषा गणेशमान नगरपालिका ४ घर भएका २० वर्षीय शकिल महमदलाई ...


सुन जस्तो देखिने पहेँलो धातु सहित पक्राउ

Posted: 2018-11-29 13:51:31

सुनाखरी न्युज/ काठमाडौ -त्रिभुवन अन्तर्रा्ष्ट्रिय बिमानस्थलको अन्तर्रा्ष्ट्रिय उडान तर्फको पार्किङ एरियाबाट नुवाकोट दुईपिपल ३ बस्ने २४ वर्षीय पर्शुराम भण्डारीलाई सुन जस्तो देखिने पहेँलो धातु करिब १ सय ४९ ग्राम संकलन ...


Advertisements