सुन-चाँदी

माग अनुसार सुन नपाएको भन्दै चितवनमा व्यवसायीद्धारा पसल बन्द

Posted: 2018-08-21 21:42:28

 
सुनाखरी न्युज/
चितवन-
नेपाल सुनचाँदी व्यवसायी संघ चितवनले आजदेखि जिल्लाका सबै सुनचाँदी पसल बन्द गराएको छ । माग बमोजिम सुन नपाएपछि संघ आन्दोलनमा उत्रिएको हो । संघले विरोध स्वरुप आज (मंगलबार) चितवनका सबै सुनचाँदी पसल बन्द गरेको छ । आन्दोलनको कार्यक्रम अनुसार भोली (बुधबार) पनि पसल बन्द रहने संघका अध्यक्ष जीवनज्योति सदाशंकरले जानकारी दिए ।
 
संघले सोमबार अपरान्ह पत्रकार सम्मेलन गरी राज्यलाई आफूहरुको माग बारे दवाब दिन दुई दिन पसल बन्द गर्ने निर्णय भएको जानकारी दिएको थियो ।
 
 
  
संघका अध्यक्ष सदाशंकरले सरकारसंग पटक–पटक माग बमोजिम सुन उपलब्ध गराउन आग्रह गरिएपनि कुनै सुनुवाई नभएपछि बाध्य भएर आन्दोलनमा उत्रिनु परेको बताए । उनले चाँडबाडको बेला सुनको माग झनै बढेकोले सरकारलाई दवाब स्वरुप पसल बन्द गरिएको बताए । उनले प्रयाप्त मात्रामा सुन नआएकोले ग्राहकहरुलाई उपलब्ध गराउन सक्ने अवस्था नरहेको बताए । “माग बढ्दो छ, ग्राहकलाई मागेजति सुन उपलब्ध गराउन सकेका छैनौं”–अध्यक्ष सदाशंकरले भने । उनले बजारबाटै खरिद भएका सुनचाँदीबाट केही मात्रामा भएपनि बजार धान्ने गरेको बताए ।
 
व्यवसायीहरुले नेपाल राष्ट्र बैंकको सिण्डिकेटका कारण यो समस्या आएको आरोप लगाएका छन् । राष्ट्र बैंकले चितवनमा सातामा २ केजी मात्रै सुन उपलब्ध गराउने गरेको छ । तर यहाँको माग ५ केजीसम्म भएकोले बजारमा सुन अभाव भएको अध्यक्ष सदाशंकरको भनाई छ । सबै भन्दा बढि काठमाडौं उपत्यका बाहिरका सुनचाँदी व्यवसायीहरु यसको मारमा परेका छन् । काठमाडौंमा राष्ट्र बैंकले ६५ प्रति सुन काठमाडौंमा र बाँकी उपत्यका बाहिर पठाउने गरेको छ । साताको दुई केजीले पुरै चितवनको सुनचाँदी बजार धान्नुपर्ने अवस्था आएकोले समस्या सिर्जना भएको युवा उद्योगी व्यवसयी रुविन रामदामु बताउँछन् । “सुनचाँदी किन्न आउने ग्राहकहरुलाई रित्तो हात फर्काउनु पर्ने अवस्था आएको छ, चाँडबाडको बेला यस्तो समस्याले सबैलाई कठिन बनाएको छ”–रामुदामुले भने ।
 
सुनचाँदी व्यवसायी ज्ञानेन्द्रमान शाक्यले राष्ट्र बैंकको सिण्डिकेट नतोडिएसम्म यो समस्या जारी रहने बताए । उनले भने–“राष्ट्र बैंकको सिण्डिकेटले सारा सुनचाँदी व्यवसायी मारमा परेका छन्, सरकारले यस तर्फ सोच्नु पर्छ ।” चितवनमा करिव ५ सय सुनचाँदी पसलहरु रहेका छन् ।



More News



माग अनुसार सुन नपाएको भन्दै चितवनमा व्यवसायीद्धारा पसल बन्द

Posted: 2018-08-21 21:42:28

सुनाखरी न्युज/ चितवन- नेपाल सुनचाँदी व्यवसायी संघ चितवनले आजदेखि जिल्लाका सबै सुनचाँदी पसल बन्द गराएको छ । माग बमोजिम सुन नपाएपछि संघ आन्दोलनमा उत्रिएको हो । संघले विरोध स्वरुप आज (मंगलबार) चितवनका सबै सुनचाँदी पसल बन्द गरेको छ । आन्दोलनको कार्यक्रम अनुसार भोली (बुधबार) पनि पसल बन्द रहने संघका अध्यक्ष जीवनज्योति सदाशंकरले जानकारी दिए ।...


विमानस्थलमा पुन तस्करीको सुन सहित २ पक्राउ

Posted: 2018-08-15 13:13:07

सुनाखरी न्युज/ काठमाडौं - त्रिभुवन अन्तराष्ट्रिय बिमानस्थलबाट तस्करीको सुनसहित दुई युवक पक्राउ परेका छन। विमानस्थलको कार पार्किङ एरियाबाट बिदेशबाट आगमन भएका यात्रुहरुलाई भंसार छली गर्न लगाई अवैध रुपमा सुन ...


सरकारको दाबी पाँच महिनामा सुन तस्करीको सञ्जाल छिन्नभिन्न पारियो

Posted: 2018-08-13 16:48:52

सुनाखरी न्युज/ काठमाडौं - सुन तस्करी र सनम शाक्य हत्या प्रकरणमा फरार रहेका ३१ जना फरार अभियुक्त मध्ये थप ८ जना विरुद्ध रेड कर्नर नोटिस र १ जना विरुद्ध डिफ्युजन नोटिस जारी गर्न जिल्ला प्रहरी कार्यालय मोरङमार्फत् सरकारले ...


आज कति छ सुनचाँदीको मूल्य

Posted: 2018-08-08 13:40:29

सुनाखरी न्युज/ काठमाडौं - बुधबार सुनचाँदीको मूल्यमा कुनै परिवर्तन आएको छैन । नेपाल सुनचाँदी व्यवसायी महासंघका अनुसार आज छापावाला सुन प्रतितोला ५६ हजार एक सयमा कारोबार भएको छ । ...


विमानस्थलबाट तस्करी गरेको आधा किलो सुन सहित एक पक्राउ

Posted: 2018-08-07 12:50:38

सुनाखरी न्युज/ काठमाडौं - विमानस्थलबाट तस्करी गरेको करिब आधा किलो सुनसहित एक युवक पक्राउ परेका छन। सुनसरी घर भई फैयाज आलमलाई महानगरीय प्रहरी वृत्त गौशालाले पक्राउ गरेको हो। उनले वैदेशिक रोजगारीमा ...


Advertisements