मनोरञ्जन

यौन क्षमता र शुक्रकिट बढाउन मन भए बदाम र ओखर खानुस

Posted: 2018-07-10 16:14:32

 
सुनाखरी न्युज/
काठमाडौं-
 नियमित रूपमा कागजीबदाम, ओखर र हेजलनट जस्ता फल खाँदा शरीरमा स्वस्थ शुक्रकीट उत्पादन बढ्ने एउटा वैज्ञानिक शोधले देखाएको छ ।
 
चौध हप्तासम्म दैनिक दुई मुट्ठी बदाम, ओखरको दिउल र हेजलनट सेवन गरेका पुरुषहरूमा शुक्रकीटको कूल संख्या बढेको र तिनमा भरिला शुक्रकीट पनि धेरै पाइएको वैज्ञानिकहरूले बताएका छन् । पाश्चात्य जगतमा प्रदूषण, धूमपान एवम् खानपिन आदिका कारणले वीर्यमा शुक्रकीटको संख्या घट्ने क्रम देखिएका बेला सो शोध गरिएको हो । शोधकर्ताहरूका अनुसार स्वस्थ खानाले गर्भाधानको सम्भावना बढाई दिने प्रमाण पनि भेटिएको छ । अहिले सातमध्ये एक जोडीमा गर्भाधान नहुने समस्या देखिएको छ । झण्डै ४० देखि ५० प्रतिशत बाँझोपन पुरुषका कारण हुने गरेको बताइन्छ ।
 
वैज्ञानिकहरूले १८ देखि ३५ वर्ष उमेर भएका ११९ स्वस्थ पुरुषहरूलाई दुई समूहमा विभाजित गरे ।  एउटा समूहका प्रत्येक पुरुषलाई ६० ग्राम बदाम, ओखर र हेजलनट नियमित भोजनसँग दिइयो, अर्को समूहको भोजनमा परिवर्तन गरिएन । बदाम आदि फल खाने समूहको शुक्रकीटको संख्या र गुणमा सुधार आयो । यी सबै विश्वस्वास्थ्य संघठनले शुक्रकीटको गुणस्तरका लागि तोकिदिएका मापदण्ड हुन् । र, यिनको पुरुषको प्रजनन क्षमतासँग सम्बन्ध हुन्छ ।
 
ओमिगा–३ फ्याटी एसिड, एन्टिअक्सिडेन्ट र भिटामिन बी फोलेटले प्रजननशक्ति बढाउन सघाउँछन् भन्ने अरू शोधहरूको निष्कर्षलाई यसले समर्थन गरेको विज्ञहरूले बताएका छन् । बदाम र ओखर जस्ता फलहरूमा यी र अन्य पोषक तत्त्वहरू हुन्छन् । ‘स्वस्थ आहार र जीवनशैलीले गर्भाधानको सम्भावना बढाउँछ भन्ने मान्यतालाई समर्थन गर्ने वैज्ञानिक प्रमाण थपिँदैछन्’, शोधको नेतृत्व गरेका स्पेनस्थित रोभिरा ई भिर्जिलीका डा. अल्बर्ट सालास–हुएटोसले भने ।
 
‘’प्राज्ञिक रूपमा चाखलाग्दा’
 
तर अध्ययनमा संलग्न पुरुषहरू स्वस्थ र प्रजनन गर्न सक्षम ठानिएकाले यो शोधको परिणाम प्रजननमा समस्या भएका व्यक्ति र अन्य पुरुषमा लागू होला कि नहोला त्यो स्पष्ट नभएको शोधकर्ताहरूले बताएका छन् । सो शोधमा संलग्न नभएका शेफिल्ड विश्वविद्यालयका प्राध्यापक एवम् पुरुष प्रजनन अङ्गमा हुने रोगका विशेषज्ञ आलन पेसीका अनुसार बदाम र ओखर ख्वाइएका पुरुषहरूमा शोधको परिधिमा नपरेका अन्य सकारात्मक प्रभावहरू पनि भएका हुनसक्छन् ।
 
भ्रुणशास्त्रमा विशेषज्ञता भएकी चिकित्सिक भर्जि्निया बोल्टनले यी खोजहरू ’प्राज्ञिक रूपमा चाखलाग्दा’ भए पनि यिनले कसरी गर्भाधानको सम्भावना बढाउँछन् त्यो भन्न भने असम्भव रहेको बताइन् । ‘तर हामीले बिरामीलाई मदिरा नपिउन, धूमपान नगर्न र स्वस्थ आहारविहार गर्न उत्प्रेरित गरिराख्नु पर्छ’, उनले भनिन् । बीबीसी



More News



बलिउडका चर्चित अभिनेत्रीहरु जसले प्रेमका लागि गरे धर्म परिवर्तन

Posted: 2018-11-15 14:01:46

प्रेममा परेर कसैले आफ्नो जीवन बर्बाद पारेका छन् भने कसैले त्यसैको आडमा आफूमा ठूलो प्रगति पनि गरेका छन् । बलिउड अभिनेत्रीहरुले पनि आफ्नो साँचो प्रेमका पाउनका लागि धर्म परिवर्तन गराएका थिए । भारतमा धर्मलाई महत्वका साथ हेरिन्छ । जहाँ हरेक मानिस आफ्नो धर्मको पालन निष्ठापूर्वक गर्ने गर्छन् ..........


मिडियाका नजरबाट बच्न दीपिका– रणबीरले लिए छाताको सहारा

Posted: 2018-11-15 13:39:12

दीपिका पादुकोण र रणवीर सिंह बुधबार कोंकणी परम्परा अनुसार विवाह बन्धनमा बाँधिएका छन् । यस्तै, आज दुबैको सिन्धी परम्परा अनुसार दोस्रोपटक विवाह गर्नेछन् । दीपिका र रणबीरले आफ्नो विवाहको फोटो एवं भिडियो लिक नहोस् भन्नका लागि कडा व्यवस्था गरेका थिए ................


हरिवंश आचार्यको जन्मदिन पारेर चलचित्र दाल भात तरकारीको शुभ मुहूर्त

Posted: 2018-11-13 16:25:55

सुनाखरी न्युज/ काठमाडौं - मह सञ्चारको निर्माणमा बन्न लागेको चलचित्र दाल भात तरकारीको शुभ मुहूर्त गरिएको छ । वरिष्ठ हास्य कलाकार हरिवंश आचार्यको ६१ औं जन्मदिनको अवसर पारेर मंगलबार कमलादीको गणेश मन्दिरको प्रांगणमा ...


जितुको नेपालको नयाँ शो, ट्रेन्डिङको पहिलो नम्बरमा

Posted: 2018-11-09 08:40:28

सुनाखरी न्युज/ काठमाडौं - हास्य कलाकार जितु नेपालको नयाँ शो ‘मुन्द्रेको कमेडी क्लब’लाई दर्शकहरुले मन पराएका छन् । सोमबार नेपाल टेलिभिजनमा प्रसारण भएको शो, त्यसलगत्तै युट्युबमा पनि सार्वजनिक भएको थियो । शोले ...


यौन सम्पर्क सुरु हुनु अघि के चाहन्छन् महिला ?

Posted: 2018-11-03 08:03:23

सुनाखरी न्युज- यौन सम्बन्ध पुरुष र महिलाबीचको प्राकृतिक आकर्षणको मुख्य कारण हो । तर यौन सम्बन्ध राख्दा महिला र पुरुषको मनमा कस्तो भाव आउँछ भन्ने विषयमा सबैलाई कौतुहलता हुन्छ । यस विषयमा धेरै अध्यन भएका छन् भने लेख रचना समेत लेखिएका छन् । पछिल्लो पटक गरिएको एक शोधले महिलाले ओच्छ्यानमा के चाहन्छन् भन्ने विषयमा नयाँ तथ्य बाहिर ल्याएको छ । यौन विज्ञको सहभागितामा ७०० महिलामा गरिएको अध्यनबाट महिलाहरुले यौन सम्बन्धको बेला के सोंच्छन् भन्ने तथ्य बाहिर आएको हो ।...


Advertisements