मनोरञ्जन

श्रीमती बाहेकको महिलासँग सम्पर्क गर्दा शीघ्र स्खलन हुन्छ, के गरौं ?

Posted: 2018-06-10 09:16:04

 
सुनाखरी न्युज/
काठमाडौं-
 
करुणाजी,  म ३७ वर्षीय स्वस्थ पुरुष हुँ । मेरो विवाह भएको ११ वर्ष पूरा भयो । आफ्नी श्रीमतीसँग सम्बन्ध सहज नै छ तर उनी मजस्तो यौनमा क्रेजी छैनन् । म सातामा दुईपटक यौन सम्पर्क राख्न चाहन्छु । तर उनी एक महिनाभन्दा बढी बितिसक्दा पनि सम्पर्कका लागि तयार हुन्नन् । सुरुमा मैले उनलाई ‘सातामा एकपटक यौन सम्पर्क राख्नै पर्छ’ भनेर कर गरेँ । तर उनले यसलाई गलत रुपमा लिन थालिन् । अरु कुरा ठीक भए पनि हाम्रो यौन व्यवहार नमिलेपछि समस्या आउन थाल्यो ।
 
म घर बिगार्न चाहन्न थिएँ । यही कारण मेरो एक जना एकल महिला साथीसँग सहमतिमा यौन सम्बन्ध रहँदै आएको छ । मेरो समस्या ती महिलालाई थाहा भएको र उनी पनि एक्लै भएकाले हामीले अति गोप्यरुपमा केही वर्षदेखि हाम्रो सम्बन्धलाई सहजरुपमा अघि बढाउँदै आएका छौं । उनी मेरो घर बिगार्न नहुने पक्षमा छिन् । किनभने हामी दुवैको स्वार्थ केवल सम्पर्क मात्र हुने गरेको छ । आजभोलि म श्रीमतीसँग महिनाको एकपटक र मेरो यौन साथीसँग साताको एकपटक यौनसम्पर्क राख्छु ।
 
 
 
 
सबै कुरा ठीक भए पनि एउटा कुरा गलत भइरहेको छ । त्यो के भने श्रीमतीसँग सम्पर्क राख्दा मेरो यौनअवघि लामो हुन्छ, श्रीमती सन्तुष्ट हुन्छिन् । जब मेरी साथीसँग सम्पर्क राख्छु, त्यो बेला उनी सन्तुष्ट हुनुअघि नै मेरो शीघ्र स्खलन हुन्छ ।
 
मेरो यौन जीवनलाई सरल बनाउने मेरी साथीप्रति म अनुग्रहित छु । उनलाई पनि मेरी श्रीमती झैं सन्तुष्टि दिन चाहन्छु । उनका लागि मैले केही औषधिको प्रयोग गरें । श्रीमतीको हकमा ती औषधीले राम्रै काम गरे पनि उनको हकमा भने औषधीले पनि काम गर्दैन । पहिले एउटा समस्या थियो, अहिले दोहोरो समस्या थपिएको छ । म के गरौं  ?
 
प्यारो मान्छे ,
 
प्यारेजी, तपाईंको कुरा इन्ट्रेस्टिङ् छ । एक प्रकारले हेर्दा तपाईंले श्रीमतीलाई यौनमा धोका दिएको जस्तो लाग्छ । तर उनको इच्छाअनुसार प्रेमपूर्वक नै तपाईंले भनेजस्तै तपाईंको जीवन चलेको हो भने यसलाई अन्यथा भनिहाल्न मिल्दैन । तर हेक्का राख्नुपर्ने कुरा के हो भने दुवै डुंगामा एकसाथ सवार गर्दा भविष्यमा केही समस्या आउँछ कि भन्नेमा सचेत हुनुपर्छ । तपाईंको एकल महिलासँगको सम्बन्ध केवल दुवैको यौन इच्छा पूरा गर्नेसम्म मात्र सीमित हुनुपर्छ । एकल महिलालाई पनि यौनको उत्तिकै आवश्यकता हुन्छ, जति तपाईंलाई हुन्छ । अझ ४० वर्षसम्म त यो शरीरका लागि अनिवार्य आवश्यकता बन्न पुग्छ । तर यौनको साथी अन्य कुरामा पनि नजिक हुने भएकाले दुबै बौद्धिक, समाजको समस्या बुझ्ने र एकअर्कालाई हानी नपुर्याउने किसिमले अघि बढ्नुपर्छ । तपाईंकि यौनसाथी यस कुरामा सचेत हुनुहुन्छ भने धेरै राम्रो हो ।
 
अचेल म श्रीमतीसँग महिनाको एकपटक र मेरी यौन साथीसँग साताको एकपटक यौनसम्पर्क राख्छु । श्रीमतीसँग यौनअवधि लामो हुन्छ, साथीसँग सम्पर्क राख्दा शीघ्र स्खलन हुन्छ
 
अब जाउँ, तपाईंको समस्यामा । धेरै मानिस यौनको कुरा गर्नासाथ सीधै यौन सम्पर्क हो भन्ने बुझ्ने गर्छन् । तर यो सही होइन । यौनका कुरा गर्दा यसका चरणहरुका बारेमा जानकारी राख्नुपर्ने हुन्छ । यौनसम्पर्क भनेको माया व्यक्त गर्ने, प्रतिबद्धता व्यक्त गर्ने माध्यम वा भनौं एकअर्कालाई केयरिङ गरिरहेको अभिव्यक्ति पनि हो । यौनका रहस्यमय पक्षका बारेमा थुप्रै अध्ययन अनुुसन्धान पनि भएका छन् । यौनपूर्वका तयारीहरु या भनौं पूर्वाभ्यासहरु विना सीधै यौन सम्पर्कमा पुग्ने मानिस कोही पनि खुसी हुँदैनन् । यस तथ्यलाई मैले पहिला पनि उल्लेख गरेकी थिएँ ।
 
यौन सम्पर्कका लागि सबैभन्दा महत्वपूर्ण पक्ष भनेको व्यक्ति यसका लागि तयार भएको अवस्था हो कि होइन ? हो भने त्यस जोडीको यौन सम्पर्कलाई समाजले स्वीकृति दिन्छ कि दिँदैन ? राज्यको कानूनले अनुमति दिन्छ कि दिँदैन ? यस्ता थुप्रै प्रश्नहरुको जवाफ खोज्नुपर्ने हुन्छ ।
 
त्यसपछिको दोस्रो चरणमा यदि यी सबै परीक्षामा उत्तीर्ण भैसकेको हो भने यौन सम्पर्कका लागि तयार भएका जोडीले यौनमय परिवेश निर्माण गर्न सकेका छन् कि छैनन् भन्ने थाहा पाउनुपर्ने हुन्छ । संसारमा मान्छेहरुले विभिन्न किसिमले यौन आनन्द लिने गरेका हुन्छन । तीमध्ये यौन सम्पर्कका लागि तयारी भएको त्यस जोडीले कुन विधि र प्रक्रियाबाट बढी सन्तुष्टि प्राप्त गर्न सकिन्छ भन्ने ठानेका हुन्, यी सबै पक्षको लेखाजोखा गरेपछि कुनै पनि जोडीले सन्तुष्टि प्राप्त गर्न थाल्छ ।
 
जस्तो कि यौनसँग सम्वन्धित विषयवस्तुका बारेमा छलफल तथा कुराकानीहरु गर्ने, यौनका लागि आत्मियता कायम गर्ने, आपसमा माया र भावना साटासाट गर्ने, आपसमा शारीरिक घर्षणहरु, चुम्बन, मसाजलगायतका गतिबिधि गर्ने अर्को चरणका महत्वपूर्ण पक्ष हुन् । अन्त्यमा यौन सम्पर्क गर्दै यसको चरमोत्कर्षमा पुग्ने विधि सही हो ।
 
तर धेरै मानिसहरु यी सबै प्रक्रियाहरु पार गर्दैनन् र चरम सन्तुष्टि पनि प्राप्त गर्न सक्दैनन् । यी सम्पूर्ण कुराहरुको अभावमा मानिसहरुमा केही न केही त्रास, डर वा शंका उपशंकाहरु हुन्छन् र यिनले गर्दा यौन सम्पर्कबाट पूर्ण आनन्द प्राप्त गर्न कठिन हुन्छ । यसलाई मानिसका व्यवहारजन्य समस्या भनिन्छ र यी मनोबिज्ञानसँग पनि सम्वन्धित छन् ।
 
यौन सम्पर्कको क्रममा एउटा तहमा पुगेपछि स्खलन आवश्यक छ । दुवैजनालाई सन्तुष्टिको समान उचाइ प्राप्त हुँदा नै स्खलनको अवस्था आउँछ । सामान्यरुपमा भन्दा दुवैलाई यौन सन्तुष्टिको चरम अवस्थामा पुग्दा खास समस्या पनि आउँदैन । तर शीघ्र स्खलनको समस्या दुईजना पार्टनरबीचमा फरकफरक हो भने यसमा विशेषगरी माया गर्ने, त्यसलाई व्यक्त गर्ने र भावना साटासाट गर्ने बानीको कमी हो कि भन्ने बुझिन्छ । अर्को व्यवहारजन्य र मनोबैज्ञानिक कारणमा चाहिँ यौनको बारेमा कम ज्ञान, यौन सम्पर्कका बेला दिमागमा आउने चिन्ता तथा अन्य गलत सोच र विभिन्न किसिमका डर त्रासजन्य कुराहरु जिम्मेवार रहने गरेका छन् ।
 
अस्वीकृत यौन सम्वन्ध, परस्त्रीगमन, एकान्तपनको अभाव वा सामाजिक बन्धनका सीमाबाहिर जाँदा हुने बिभिन्न किसिमका डर त्रासका कारणले यौनमा चुर्लुम्म डुब्न नसक्ने अवस्था आउँछ । यस्तो बेलामा शीघ्र स्खलन हुनसक्छ ।
यौनका विषय अनि शीघ्र स्खलनका बारेमा थुप्रै अध्ययनहरु भएका छन् । स्खलनका लागि आवश्यक समयावधिका बारेमा पनि थुप्रै अध्ययनहरु भएका छन् । अध्ययनहरुले देखाएअनुसार आनन्दको चरम अवस्थामा पुग्नु अघिको समयावधि औसतमा ३ देखि ७ मिनेट हुनु आवश्यक छ । केहीमा ७ देखि १३ मिनेटसम्म लम्बिने गरेको छ । तर चरम आनन्दको अवस्थामा नपुग्दै अर्थात अर्गाज्म प्राप्त हुने अवस्थाभन्दा पहिला यौनसम्पर्क १ मिनेट पनि टिकेन भने त्यसलाई शीघ्र स्खलनको अवस्था भनेर परिभाषित गरिएको छ ।
 
अर्को कुरा, टेस्टोस्टेरोन हर्मोन बढी भएमा पनि यस्तो स्थिति आउने तथ्यहरुले देखाएका छन् । मधुमेहका रोगीहरुमध्ये केहीमा यौनांग उत्तेजित कम मात्रामा हुने कारणले गर्दा पनि शीघ्र स्खलन हुने गरेको अध्ययनहरुबाट पत्ता लागेको छ । हाइपरथाइरोइडिज्म र शीघ्र स्खलनको पनि सम्वन्ध छ । हाइपरथाइरोइडिज्म भएका ७२ प्रतिशत मानिस शीघ्र स्खलनबाट पीडित हुने गरेको अध्ययनहरुले देखाएका छन् । यसकालागि भने डाक्टरसँग सम्पर्क गर्नुपर्ने हुन्छ । डर, चिन्ता तथा ग्लानी भएको खण्डमा मनोविद् या मनोचिकित्सक समक्ष गएर आवश्यक परामर्श लिनु उपयुक्त हुन्छ ।
 
तपाईंको श्रीमतीको हकमा लामो समय यौन सम्पर्क गर्न सक्नु र यौनसाथीको हकमा छिटो स्खलन हुनुले तपाईंको मनमा यो गलत काम हो भन्ने भाव परेको हुनसक्छ । यसलाई हटाउन पनि तपाईंले मनोविज्ञसँग सम्पर्क गर्नु आवश्यक छ । अनलाइनवाट साभार



More News



धिरज र साम्राज्ञीको मस्ती मुड

Posted: 2018-10-15 06:11:36

सुनाखरी न्युज/ काठमाडौ- एजुकेशन एन्ड माइग्रेसन कर्नरले अष्ट्रेलियामा चलचित्र ‘इन्टु मिन्टु लण्डनमा’को प्रदर्शन गरिरहेको छ । चलचित्रको अष्ट्रेलिया शोमा सहभागी हुन यो चलचित्रका मुख्य कलाकारद्धय नायक धिरज मगर र नायिका साम्राज्ञी राज्यलक्ष्मी शाह अहिले कंगारुको देशमा छन् । पछिल्लो समयमा अष्ट्रेलिया नेपाली चलचित्रका लागि सबैभन्दा राम्रो बजारको रुपमा रहेको छ । ...


लामो समय यौनसम्पर्क नगरे के हुन्छ ?

Posted: 2018-10-13 07:07:17

सुनाखरी न्युज/ काठमाडौं- मानव जीवनको चार आधारभूत आवश्यकता मध्ये एउटा हो सहवास । गास, बास र कपासपछि आउने सहवासको महत्व आजभोली झनैं बढेको छ । यसबारेमा के भन्छन डा. राजेन्द्र भद्रा, यौन विनाको जीवन कल्पना गर्न सकिदैन। शारिरीक सम्वन्ध विनाको संसार नै अधुरो जस्तो हुन्छ। लामो समय शाररिक सम्बन्ध नराख्दा यस्ता किसिमका हानी हुन सक्छन् । कामुकतामा कमी- यदि कुनै कारणबस लामो समयसम्म योनसम्पर्क गरिएन भने कामुकतामा कमी आउँछ। यसले कामवासनामा कमी ल्याउँछ। जसले गर्दा यौनसम्पर्कमा सन्तुष्टि र आन्नदको महशुस हुदैन।...


यौन सम्वन्धी अनौठा तथ्यहरु (बृहत्त सर्वेक्षण अनुसार)

Posted: 2018-10-13 07:02:54

सुनाखरी न्युज/ काठमाडौं- ड्युरेक्स फेस अफ ग्लोबल सेक्स सर्वेका क्रममा केहि अविश्वसनिय र विचित्र तथ्य वाहिर आएको छ । कुन देशका महिलारपुरुषले कुन उमेरमा आफ्नो कौमार्य भंग गर्छन्, वर्षमा कतिपटक यौन सम्वन्ध राख्छन्, यौन जीवनवाट कति सन्तुष्ट छन् जस्ता यौन प्रवृत्ति सम्वन्धिका यावत विषयमा सर्वेले नयाँ तथ्य उजागर गरेको हो । यसमा २६ देशका २७ हजार भन्दा वढीको सहभागिता थियो ।...


सपनामा सेक्स किन हुन्छ ? यस्ता छन् कारण

Posted: 2018-10-13 06:57:50

सुनाखरी न्युज/ काठमाडौ- निदाएपछि सपना हरेक मानिसले देख्छन् । केही व्यक्तिहरु सपनालाई आफ्नो अवचेतन मनको इच्छाहरुसँग जोड्छन् भने कसैले यसलाई जिन्दगीको कामनाको रुपमा अथ्र्याउँछन् । यहाँ चाहिँ हामी गर्दैछौं सेक्ससम्वन्धी सपनाका कुरा । यस्ता वयस्क मानिसहरु कमै होलान्, जसले सपनामा सेक्स गरेको देख्दैनन् । यस्तोमा कोही चरमोत्कर्ष अगाडि नै निद्राबाट ब्यूँझन्छन् भने कोही स्वप्नदोषको शिकार हुन्छन् । ब्यूँझेपछि उनीहरु खिन्न बन्छन् । यस्ता छन् सपनामा सेक्स गरेको देख्नुको अर्थ र वास्तविकताः ...


वैवाहिक जीवनमा सुहागरातको महत्व

Posted: 2018-10-13 06:52:18

सुनाखरी न्युज/ काठमाडौं- विवाहपछिको पहिलो रात सुहागरातको वैवाहिक जीवनमा ठूलो महत्त्व हुन्छ । दुई भिन्न भिन्न् परिवेश घर परिवार (कूल), गाउँ, ठाउँ, संस्कार संस्कृतिबाट आएका नव विवाहित जोडीलाई पहिलो पटक सँगै रात बिताउँदा स्वभाविक रुपमा केही असजिलो, अप्ठ्यारो, डर, संकोच पक्कै हुने गर्छ । साथै दुई विपरीत लिंगका जवान जोडीको लागि यो पहिलो अनुभूति हुने हुँदा, सुहागरात उत्सुकता र कौतुहलताले भरिएको पनि हुन्छ ।...


Advertisements