उर्जा-विकास

नुवाकोटको त्रिशुली जलविद्युत गृहमा भिषण आगलागी, जिल्ला भरी विद्युत आपुर्ती बन्द, आगो निभाउने प्रयास जारी

Posted: 2018-07-10 16:11:09

सुनाखरी न्युज/ विदुर -नुवाकोटको त्रिशूलीस्थित त्रिशूली जलविद्युत् केन्द्रमा मंगलबार दिउँसो भीषण आगलागी भएको छ । २१ मेगावाट क्षमताको उक्त जलविद्युत् केन्द्रको ब्रेकर पड्केर आगलागी भएको बताइएको छ । करीब २ घण्टा अघिबाट लागेको आगो अझै नियन्त्रणमा आउन सकेको छैन । अहिले नेपाली सेना, नेपाल प्रहरी र नगर प्रहरीले आगो निभाउने प्रयास गरिरहेका छन ।  तर पनि प्रयास सफल हुन नसकेको जनाईएको छ । 
 
 
ब्रेकर पड्केर सुरु भएको आगलागी बाट सबै १३ वटैब्रेकर जलेकाले ठुलो क्षती भएको अनुमान गरिएको छ । आगलागीका कारण अधिकांश स्थानमा अहिले विद्युत आपुर्ति बन्द भएको छ । आगलागी निभाउने प्रयास भइरहेको जिल्ला प्रहरी कार्यालय नुवाकोटले जनाएको छ । आगलागी भएपछि जिल्लाभर विद्युत प्रवाह बन्द भएको छ । 



More News



पश्तिम सेती कम क्षमतामै बनाउने निर्णय, थ्री गर्जेजसँग लगानीवोर्डले वार्ता गर्ने

Posted: 2018-07-18 07:00:02

सुनाखरी न्युज/ काठमाडौं -पश्चित सेती जलविद्युत आयोजनाको कम क्षमतामा बनाउन चिनियाँ कम्पनी थ्री गर्जेजसँग वार्ता गरिने भएको छ । लगानी बोर्डको मंगलबार बसेको बैठकले सुझाव समितिको प्रतिवेदन अनुसार आयोजनाको क्षमता घटाएर बनाउन चिनियाँ कम्पनीसँग वार्ता गर्ने निर्णय गरेको हो । ...


जल यातायात सञ्चालनका लागि संस्थागत संरचना गठन गर्न नेपाल–भारतवीच सहमति

Posted: 2018-07-17 06:57:42

सुनाखरी न्युज/ काठमाडौं- नेपाल–भारतवीच जल यातायात सञ्चालनका लागि दुवै पक्षबीच द्विपक्षीय संस्थागत संरचना गठन गर्ने सहमति भएको छ । जल यातायात सञ्चालन सम्बन्धमा नेपाली पक्ष र भारतीय पक्षबीच भएको वार्तामा अध्ययन टोलीहरुको स्थलगत अध्ययनबाट प्राप्त सिफारिसका आधारमा संस्थागत संरचना बनाउने सहमति भएको हो ।...


३ दिनपछि कोहलपुर सबस्टेसन सुचारु, ३ जिल्लाको विद्युत आपूर्ति नियमित

Posted: 2018-07-16 11:17:55

सुनाखरी न्युज/ काठमाडौं - १३२ - ३३ केभी कोहलपुर सबस्टेसनको ट्रान्सफर्मर मर्मतपछि ३ दिन यता आंशिक अवरुद्ध विद्युत आपूर्ति नियमति भएको छ । सबस्टेसनमा जडित ३० एमभिए क्षमताको एउटा ट्रान्सफर्मरको समस्याग्रस्त ब्रेकर परिवर्तन गरी चार्ज ...


माथिल्लो कर्णाली जलविद्युत आयोजनामा जीएमआरले झुलाएको झुलायै

Posted: 2018-07-15 07:14:58

सुनाखरी न्युज/ काठमाडौं- ९०० मेगावाट क्षमताको बहुप्रतिक्षित माथिल्लो कर्णाली जलविद्युत आयोजनाको प्रवर्द्धक भारतीय कम्पनी जीएमआरले दोस्रो पटक थपिएको समय सीमामा पनि लगानी जुटाउन सकेको छैन। लगानी बोर्डले गत वर्ष वित्तीय व्यवस्थापनको लागि थप एक वर्षको समय दिएको थियो। समय सकिन दुई महिना मात्रै बाँकी रहँदा पनि आयोजनाले वित्तीय व्यवस्थापन गर्न नसकेको लगानी बोर्डका प्रमुख कार्यकारी अधिकृत महाप्रसाद अधिकारीले बताए।...


बेलायती लगानीकर्तालाई ऊर्जा क्षेत्रमा लगानी गर्न ऊर्जामन्त्री पुनको आग्रह

Posted: 2018-07-14 06:53:45

सुनाखरी न्युज/ काठमाडौं -ऊर्जा, सिँचाइ तथा जलस्रोतमन्त्री वर्षमान पुनले बेलायत सरकारलाई नेपालको ऊर्जा क्षेत्रमा लगानी गर्न आग्रह गरेका छन् । नेपालका लागि बेलायती राजदूत रिचार्ड मोरीमार्फत मन्त्री पुनले ऊर्जाको क्षेत्रमा लगानी गर्न सरकारलाई प्रेरित गरिदिन आग्रह गरेका हुन् । ऊर्जामन्त्री पुनले नेपालमा राजनीतिक स्थायीत्वको युग सुरु भइसकेको भन्दै बेलायती लगानीकर्तालाई आकषिर्त गर्न प्रेरित गरिदिन आग्रह गरेका थिए ।...


Advertisements