उर्जा-विकास

विद्युत प्राधिकरणका ज्यालादारीलाई ऊर्जा जलस्रोत तथा सिँचाइ मन्त्री वर्षमान पुनको समर्थन

Posted: 2018-06-10 09:45:27

सुनाखरी न्युज/ काठमाडौं - नेपाल विद्युत प्राधिकरणमा लामो समयदेखि दैनिक ज्यालादारीमा काम गर्दै आएका कर्मचारीले राखेका माग पूरा हुने भएको छ । आइतबार मन्त्रीसँगको छलफलपछि निष्कर्ष निस्किने दैनिक ज्यालादारी कर्मचारी केन्द्रीय संघर्ष समितिका अध्यक्ष नरेन्द्र यादवले बताए । छलफल निकै सकारात्मक भयो मन्त्रीज्यूले तत्काल पूरा गर्न सकिने माग सम्बोधन हुने बताउनुभएको छ उनले  भने अन्य माग छलफल गरेर पूरा गर्दै जाने भन्नुभएको छ । प्राधिकरणले मागबारे बेवास्ता गरेपछि समितिले गत सोमबारदेखि पुनः आन्दोलन गर्ने चेतावनी दिएको थियो । मन्त्री पुनसँग दाङमा भएको छलफलपछि सोमबार गर्ने भनेको आन्दोलन रोकिएको थियो । शुक्रबार दिनभरि कार्यकारी निर्देशक कुलमान घिसिङलाई कुरेका कर्मचारीले उनलाई भेट्न पाएनन् । घिसिङले ज्यालादारीको माग बेवास्ता गरेको समितिको आरोप छ । ज्यालादारीका माग प्राधिकरणले त्यहीँबाट समाधान गर्नुपर्छ, मन्त्रीसमक्ष पुग्नुपर्ने समस्या नै होइन,एक कर्मचारीले भने, तर, कार्यकारी निर्देशकले बेवास्ता गरेपछि मन्त्रीज्यू सम्म पुग्नुपर्यो, उहाँले अग्रसरता लिनुभएको छ । ज्यालदारीका समस्या तथा माग पूरा गर्नेबारे प्राधिकरण आधिकारिक टे«ड युनियन तथा अन्य संगठनको पनि पूर्ण समर्थन रहेको यादवले बताए । सरकारले नयाँ श्रम नियमावली समेत जारी गरेको सन्दर्भमा प्राधिकरणले श्रमिकलाई शोषण गरेको उनीहरूको गुनासो छ । 
 
 
नयाँ श्रम नियमावलीले औद्योगिक, व्यवसायिक, निर्माण र घरेलु कामदारलाई पनि समेटेको छ । यस्ता कामदारको मासिक तलब छुट्टै बैंक खाता खोली भुक्तानी दिनुपर्ने व्यवस्था समेत गरिएको छ । एउटै संस्था वा कम्पनीले वर्षमा १५ दिनभन्दा बढी काम लगाए पनि यो नियम लागू हुन्छ । श्रम तथा रोजगार मन्त्रालयले अब कबोल गरेको वा सम्झौता अनुसार तलब नदिने कम्पनी वा संस्थालाई दबाब दिन पनि यस्तो व्यवस्था गरेको जनाएको छ । नियमावली लागू भएपछि न्यूनतम पारिश्रमिक लागू हुने हुँदा कागजमा तलब देखाउन पाइने छैन । यसो गर्ने कम्पनी वा संस्थालाई सरकारले कारबाही समेत गर्ने चेतावनी दिएको छ । ऊर्जा, जलस्रोत तथा सिँचाइ मन्त्री वर्षमान पुनले अग्रसरताले लिएर माग पूरा गर्न लागेका हुन् । शुक्रबार ऊर्जा, जलस्रोत तथा सिँचाइ मन्त्रालयमा मन्त्री पुनसँगको छलफलपछि ज्यालादारी कर्मचारी उत्साहित देखिएका छन । उनले आइतबार विस्तृत छलफल गरेर तत्काल पूरा गर्न सकिने माग सम्बोधन हुने बताएका छन् । गत साता राष्ट्रिय गौरवका आयोजनाको निरिक्षणक्रममा मध्य तथा सुदूरपश्चिम पुगेका मन्त्री पुनसँग ज्यालादारी कर्मचारीले दाङमै भेटेर आफ्ना कुरा राखेका थिए । उनले शुक्रबार आफू काठमाडौं फर्किने र यसपछि छलफल गरेर माग सम्बोधन गरिने आश्वासन दिएका थिए । शुक्रबार प्राधिकरण सम्बद्ध ट्रेड युनियन कर्मचारीसँगै मन्त्रालय पुगेका ज्यालादारीको माग पूरा गर्न उनीहरूले पनि मन्त्रीलाई आग्रह गरेका थिए । 
 
 
गत बैशाख २५ गते केन्द्रीय कार्यालयमा धर्ना दिएका कर्मचारीलाई १५ दिनभित्र माग पूरा गर्ने सर्तमा आन्दोलन रोक्न लगाइएको थियो । उनीहरूले २६ गते नै आन्दोलन स्थगित गरेका थिए । आन्दोलन रोकेको एक महिना भइसकेको छ ।
 



More News



गुजरातले हावाबाट ४ हजार मेगावाट विद्युत उत्पादन ग¥यो

Posted: 2018-06-20 08:32:22

सुनाखरी न्युज/ काठमाडौं- ऊर्जा उत्पादनका सबै स्रोतको उपयोग बढाउँदै आएको भारतले पछिल्लो समय हावाबाट ४ हजार मेगावाटभन्दा बढी विद्युत उत्पादन गरेको छ । यो भारतको एउटै प्रान्तमा उत्पादित विद्युत हो । गुजरातस्थित सौरस्ताको तटीय क्षेत्रमा बढी हावा चलेका कारण गत शुक्रबार हावाबाट ४ हजार २ सय ८० मेगावाट विद्युत उत्पादन भएको थियो ।...


अघि बढ्यो विद्युत् नियमन आयोग गठन प्रक्रिया

Posted: 2018-06-19 07:40:28

सुनाखरी न्युज/ काठमाडौँ — विद्युत् नियमन आयोग गठनसम्बन्धी ऐन बनेको करिब एक वर्षपछि गठनको प्रक्रिया अघि बढेको छ । आयोग गठनका लागि ऊर्जा मन्त्रालयले विद्युत् नियमन आयोगको नियमावली मन्त्रिपरिषद्मा पठाएको छ । विद्युत्को उत्पादन, प्रसारण र वितरणका लागि बृहत् जिम्मेवारी दिइएको आयोगको नियमावली मन्त्रिपरिषद्ले स्वीकृत गरेपछि आयोग गठनको बाटो खुल्नेछ । ...


अरुण तेस्रोको सुरुङमा पुरिएका ४ जनाको २ दिनपछि जीवितै उद्धार

Posted: 2018-06-17 12:39:20

सुनाखरी न्युज/ काठमाडौं- अरुण तेस्रोको सुरुङ खन्ने क्रममा मकालु गाउँपालिकाको फ्याक्सिन्दामा शुक्रबार राती पुरिएका ४ जनाको आईतबार सुरक्षाकर्मीले सकुशल उद्धार गरेका छन् । प्रदेश १ का प्रहरी प्रमुख डिआईजी केदार रिजालले संखुवासभामा रहेको अरुण तेस्रो जलविद्युत आयोजनामा कार्यरत चारजना कामदारलाई सकुशल उद्दार गरिएको जानकारी दिए ।...


जनप्रतिनिधि नै चोर्छन् बिजुली, दुई वडाध्यक्ष समातिए

Posted: 2018-06-16 06:55:41

सुनाखरी न्युज/ काठमाडौ- बिजुली चोरीमा जनप्रतिनिधि नै संलग्न भएको पाइएको छ । बिजुली चोरी नियन्त्रण गर्ने अभियान थालेको नेपाल विद्युत् प्राधिकरणले बिजुली चोरेर प्रयोग गरेको भेटेपछि बिहीबार दुई वडाध्यक्ष पक्राउ परे । चोरी नियन्त्रणका लागि बिहीबार खटिएको विद्युत् प्राधिकरणको टोलीले काभ्रेको मण्डनदेउपुर नगरपालिका वडा नम्बर ७ का वडाध्यक्ष...


मन्त्री पुनको दबाबपछि लामो समयदेखि दैनिक ज्यालादारीमा काम गर्दै आएका कर्मचारीको माग पूरा गर्न नेपाल विद्युत प्राधिकरण सहमत

Posted: 2018-06-14 14:14:37

सुनाखरी न्युज/ काठमाडौं - लामो समयदेखि दैनिक ज्यालादारीमा काम गर्दै आएका कर्मचारीले राखेका माग पूरा गर्न नेपाल विद्युत प्राधिकरण सहमत भएको छ । ऊर्जा, जलस्रोत तथा सिँचाइ मन्त्री वर्षमान पुनको निर्देशन तथा दबाबपछि कार्यकारी निर्देशक कुलमान घिसिङले माग पूरा गर्ने बाचा गरेका हुन् । बुधबार घिसिङलाई भेटेका ज्यालादारी कर्मचारी माग पूरा हुने संकेत देखिएपछि उत्साहित छन् । प्राधिकरणले तत्काल पूरा गर्न सकिने माग असारभित्र समाधान हुने प्रतिबद्धता जनाएको दैनिक ज्यालादारी कर्मचारी केन्द्रीय संघर्ष समितिका अध्यक्ष नरेन्द्र यादवले बताए । कार्यकारी निर्देशक निकै सकारात्मक देखिनुभएको छ ...


Advertisements