उर्जा-विकास

नेपाल विद्युत प्राधिकरण र काठमाडौं विश्व विद्यालयले ,पनौती जलविद्युत केन्द्रलाई शैक्षिक तथा अनुसन्धान केन्द्रको रुपमा विकास गर्न

Posted: 2018-05-25 15:19:31

सुनाखरी न्युज/ काठमाडौं - काभ्रेको खोपासीस्थित २.४ मेगावाटको ऐतिहासिक पनौती जलविद्युत केन्द्रलाई शैक्षिक ग्रामको रुपमा विकास गरिने भएको छ ।नेपाल विद्युत प्राधिकरण र काठमाडौं विश्व विद्यालयले जलविद्युत केन्द्रलाई शैक्षिक तथा अनुसन्धान केन्द्रको रुपमा विकास गर्न लागेका हुन् । जलविद्युत केन्द्र सञ्चालनको काम प्राधिकरणले आफैंले गर्नेछ । समझदारीपछि प्राधिकरणका कार्यकारी निर्देशक कुलमान घिसिङले विश्व विद्यालयसँगको सहकार्यले जलविद्युत केन्द्रको संरक्षण तथा प्रवर्द्धन हुने बताए । विश्व विद्यालयको रेखदेखमा प्राधिकरणको सम्पत्ति संरक्षण हुने बताउँदै उनले सुख्खायाम उत्पादन बढाउन पानी पम्प गर्ने प्रविधिसहितको संरचना निर्माण गर्ने बताए । उपकुलपति श्रेष्ठले विद्युतगृहलाई विश्वविद्यालयले ज्ञान र सीप आर्जन गर्ने थलोको रुपमा विकास गर्ने प्रतिबद्धता जनाए । प्राधिकरणले फर्पिङ, सुन्दरीजललगायत ऐतिहासिक महत्वका जलविद्युत केन्द्रलाई शैक्षिक प्रयोजनका लागि प्रयोग गर्न दिने तयारी गरेको छ । नेपालको पहिलो विद्युतगृह फर्पिङलाई त्रिभुवन विश्वविद्यालयलाई दिने तयारी भइरहेको प्राधिकरणले जनाएको छ । सरकार र तत्कालीन सोभियत संघको आर्थिक तथा प्राविधिक सहयोगमा पनौती जलविद्युत केन्द्र निर्माण गरिएको थियो ।
 
 
प्राधिकरण र विश्वविद्यालयबीच जलविद्युत केन्द्रलाई शैक्षिक तथा अनुसन्धान केन्द्र बनाउन समझदारी ९एमओयू० भएको छ । समझदारीमा प्राधिकरणका कार्यकारी निर्देशक कुलमान घिसिङ र विश्व विद्यालयका उपकुलपति रामकण्ठ मकाजू श्रेष्ठले हस्ताक्षर गरेका छन् ।  यो समझदारी १० वर्षका लागि गरिएको छ । हस्ताक्षरपछि समझदारी बिहीबारबाट कार्यान्वयन भएको छ । समझदारी अनुसार विश्वविद्यालयले प्राधिकरणलाई वित्तीय भार नपर्ने गरी जलविद्युत केन्द्रको सदृढीकरण तथा खाली ठाउँमा नयाँ संरचना निर्माण गर्न सक्नेछ । विश्व विद्यालयले अहिलेको उत्पादन क्षमता नघट्ने गरी संरचनाको निर्माण तथा प्रयोग गर्नुपर्नेछ । टर्बाइन, जेनेरेटर, नहरलगायत संरचनाको सुदृढीकरण विश्वविद्यालयले आफ्नै खर्चमा गर्ने समझदारीमा उल्लेख छ । विश्वविद्यालयले सिभिल, मेकानिकल र इलेक्ट्रिकल इन्जिनियरिङ विषयमा स्नातक, स्नातकोत्तर, विद्यावारिधि गर्ने विद्यार्थीका लागि शैक्षिक कार्यक्रम सञ्चालन गर्न खाली जग्गा तथा संरचनाको प्रयोग गर्न पाउनेछ ।
 
 
यो जलविद्युत केन्द्र २०२२ असार ३१ बाट सञ्चालनमा आएको थियो । यो जलविद्युत केन्द्रबाट हाल वार्षिक २६ लाख ३० हजार युनिट विद्युत उत्पादन भइरहेको छ ।
 



More News



रसुवागढी जलविद्युत आयोजनाको सुरुङ निर्माण सम्पन्न

Posted: 2018-08-21 14:42:40

सुनाखरी न्युज/ रसुवा - निर्माणाधीन १११ मेगावाट रसुवागढी जलविद्युत् आयोजनाको हेडरेस सुरुङ निर्माण गर्ने कार्य आजदेखि सम्पन्न भएको छ । राष्ट्रिय प्राथमिकताअन्तर्गत रहेको उक्त आयोजनाको चार हजार १८५ मिटर ...


माथिल्लो त्रिशूली थ्री ‘बी’ तीन वर्षमा निर्माण हुने

Posted: 2018-08-21 12:06:32

सुनाखरी न्युज/ काठमाडौं - नुवाकोटमा आयोजनास्थल रहेको माथिल्लो त्रिशूली थ्री ‘बी’ जलविद्युत् आयोजनाको वित्तीय व्यवस्थापन गरिएको छ । सो आयोजनामा विभिन्न वाणिज्य बैंक र जलविद्युत् लगानी तथा विकास कम्पनी लिमिटेडले लगानी गर्ने भएका छन । ...


नेपाल र चीनबीचको उर्जा आदानप्रदान समझदारी कार्यान्वयन प्रक्रिया शुरु

Posted: 2018-08-20 13:20:23

सुनाखरी न्युज/ काठमाडौं - सरकारले मित्रराष्ट्र चीनसँग भएको ऊर्जा आदानप्रदान तथा द्विपक्षीय सम्झौता कार्यान्वयन प्रक्रिया शुरु गरेको छ। नेपालको ऊर्जा क्षेत्रमा विदेशी लगानी भित्र्याउने लक्ष्यसाथ सरकारले चीन, भारत र पछिल्लो पटक ...


११ लघु जलविद्युत् आयोजना अलपत्र

Posted: 2018-08-19 15:21:07

सुनाखरी न्युज/ पर्वत - जिल्लाका दुर्गम भेगमा रहेका अँध्यारा बस्तीमा उज्यालो पुर्याउने भन्दै लाखौँ रकम लगानी गरेर स्थापना गरिएका लघु जलविद्युत् आयोजना अहिले अलपत्र छन् । विगत दुई दशकअघिदेखि युएनडिपी, विश्व बैंक र नेपाल ...


ज्यालादारी कर्मचारीले भने मन्त्रीज्यू पहिला तलब भत्ता दिनुस, जलविद्युतमा लगानी गर्न सकिँदैन

Posted: 2018-08-19 12:45:56

सुनाखरी न्युज/ काठमाडौँ- नेपाल विद्युत प्राधिकरणमा लामो समयदेखि ज्यालादारीमा काम गर्दै आएका कर्मचारीले जलविद्युत आयोजनामा सेयर लगानी गर्न नसक्ने बताएका छन् । दैनिक ज्यालाले घरखर्च चलाउनसमेत समस्या भएको भन्दै उनीहरूले यस्तो गुनासो गरेका हुन् । ...


Advertisements