उर्जा-विकास

नीति तथा कार्यक्रम: १० वर्ष्भित्र मध्यमस्तरको विकास, रेल र जलमार्ग प्राथमिकतामा

Posted: 2018-05-21 17:32:31

 
सुनाखरी न्युज/
काठमाडौं– सरकारले आगामी आर्थिक वर्षको नीति तथा कार्यक्रम सार्वजनिक गरेको छ। 
 
सोमबार प्रतिनिधिसभा र राष्ट्रियसभाको संयुक्त बैठकमा राष्ट्रपति विद्यादेवी भण्डारीले प्रस्तुत गरेको नीति तथा कार्यक्रममा नेपाललाई १० वर्ष्भित्र मध्यमस्तरको आयसहित विकासशील राष्ट्र बनाउने उल्लेख गरिएको छ। 
 
आगामी आर्थिक वर्षमा आर्थिक सुधारको प्रयास गरिने, ५ वर्ष्भित्र दोहोरो अंकको आर्थिक वृद्धिदर हासिल गरिने र १० वर्ष्भित्र मध्यस्तरको विकास प्राप्तीको लक्ष्य नीति तथा कार्यक्रममा राखिएको छ। साथै आय असमानता पनि कम गरिने उल्लेख छ।
समृद्ध नेपाल र सुखी नेपालको अवधारणालाई एक दशकभित्र पूरा गरिने पनि भनिएको छ। नीति तथा कार्यक्रम समद्धिको इतिहासको आधार वर्ष भएको भन्दै सरकारले विकासनीति, कार्यनीतिमा आमुल परिवर्तन गरिने जनाएको छ।
 
‘अबको हाम्रो विकास, सूचना र अनुसन्धानमा आधारित हुनेछन्। राष्ट्रिय तथ्यगत विवरण तयार गरिनेछ’, नीति तथा कार्यक्रममा भनिएको छ– ‘सुरक्षा, परराष्ट्र सम्बन्धका विषयमा अध्ययनका लागि विज्ञहरुको थिंक ट्यांक बनाइनेछ।’
 
नेपालको अर्थतन्त्रलाई उच्च आर्थिक वृद्धिदरसहित सबल बनाइने र त्यसका लागि अर्थतन्त्रको संरचनामै परिमार्जन गरिने योजना पनि सरकारको रहेको छ।
 
कृषि, उर्जा, उद्योग, पर्यटन सहरी उर्जालाई प्रोत्साहन गरेको नीति तथा कार्यक्रममा भनिएको छ– ‘वित्तीय अनुसशासनमा कडाई गरिनेछ, सरकारी कोष दुरुपयोगमा अंकुश लगाइनेछ। आन्तरिक स्रोत परिचालनमा बढावा, पूँजी बजारको विस्तार, आन्तरिक बजारलाई गतिशीलता र सम्पत्ति शुद्धिकरणमा कठोर कदम चालिनेछ।’ 
 
५ वर्षमा कृषिमा आश्रित जनशक्ति उत्पादन, कृषि उत्पादन बढाउन आधुनिकीकरण र प्राविधिकीकरण गरिने पनि सरकारको नीति रहेको छ। ‘कृषियोग्य भुमिको खण्डिकर र अतिग्रहण रोकिनेछ, उत्पादन विविधिकरण गरिनेछ’, कार्यक्रममा भनिएको छ।
 
‘कृषि उत्पादनलाई चाहिने मल विउ पशु सेवा केन्द्रमार्फत उपलब्ध, कृषि ज्ञान केन्द्र स्थापना गरिनेछ, उत्पादन, विक्री वितरण मूल्य नियन्त्रण गरिनेछ। वन व्यवस्थापनलाई बैज्ञानिक बनाइनेछ’, सरकारको नीति तथा कार्यान्वयनमा भनिएको छ।
 
रेल र जलमार्ग प्राथमिकता
 
सरकारको नीति तथा कार्यक्रममा रेलमार्ग र जलमार्ग निर्माण प्राथमिकतामा परेको छ। राष्ट्रपति भण्डारीले प्रस्तुत गरेको नीति तथा कार्यक्रममा लगानी प्रोत्साहन गरी मेची–महाकाली, रक्सौल–काठमाडौं, रसुवागढी काठमाडौं रेलमार्ग निर्माण गरिने तथा कोशी, गण्डकी रकर्णाली नदीमा जल यातायात सञ्चालन गर्न कानूनी तथा संस्थागत वातावरण बनाइने उल्लेख छ।
 
पेट्रोलियम पदार्थको भण्डारण क्षमता विस्तार गर्ने योजना रहेको नीति तथा कार्यक्रममा वर्तमान पुस्ताले महसुस गर्नेगरी नै विकास र समृद्धि गरिने उल्लेख छ। 
 
सरकार असल छिमेक नीतिमा विश्वास गर्ने भन्दै देश भक्तिलाई होच्याउने कुरा सरकालाई स्वीकार्य नहुने भनिएको छ। ‘जोरजुलुम र अराजकता सरकारले स्वीकार्दैन। लोकतन्त्रका आधारभुत मान्यता सरकारले कायम गराउँछ। लोकतन्त्र मासिएला र अराजकता आउला भन्ने कुरामा सरकार विश्वास गर्दैन।’ शान्ति, विकास र अग्रगमनलाई अगाडि बढाइने पनि उल्लेख छ। 



More News



नेपाल विद्युत प्राधिकरणमा लामो समयदेखि दैनिक ज्यालादारीमा काम गर्दै आएका कर्मचारीहरुको आन्दोलन, मन्त्रीको आश्वासन पछी आन्दोलनका कार्यक्रम स्थगित

Posted: 2018-06-07 11:27:58

सुनाखरी न्युज/ काठमाडौं - नेपाल विद्युत प्राधिकरणमा लामो समयदेखि दैनिक ज्यालादारीमा काम गर्दै आएका कर्मचारीको माग शुक्रबार सम्म सुनुवाई हुने ऊर्जा, जलस्रोत तथा सिँचाइ मन्त्री वर्षमान पुनले आश्वासन दिएका छन । दैनिक ज्यालादारी कर्मचारी केन्द्रीय संघर्ष समितिका केही पदाधिकारीसँग दाङमा कुरा गर्दै मागबारे काठमाडौं फर्केपछि छलफल हुने हुँदा आन्दोलन नगर्न आग्रहसमेत गरेका छन् । मन्त्री पुन विद्युतीकरणको अवस्था र राष्ट्रिय गौरवका सिँचाइ आयोजनाको निरिक्षणमा मध्य तथा सुदूरपश्चिममा छन् । आफू शुक्रबार काठमाडौं आउने र कर्मचारीको मागबारे विस्तृत छलफल हुने बताएका छन् । समितिले राखेका माग पूरा नगरेको भन्दै कर्मचारीहरूले सोमबारदेखि पुनः आन्दोलन गर्ने चेतावनी दिएका थिए । ...


मेलम्चीमा फेरी चलखेल शुरु, लागत बढाउन कामै वन्द !

Posted: 2018-06-07 09:01:59

सुनाखरी न्युज/ काठमाडौं -मेलम्ची खानेपानी आयोजनाको समयसँगै लागत बढाउन पुनः चलखुल शुरु भएको छ । इटालियन ठेकदार कम्पनी सीएमसीले १ अर्ब ६५ करोड क्षतिपूर्ति र ५४० दिन थप समय माग गरिरहेका बेला परामर्शता कम्पनीले नेपाल प्रमुखलाई बर्खास्त गरेको हो । चिनियाँ कम्पनीले बीचमै काम छाडेपछि सीएमसीसँग सन् २०१३ मा निर्माण सम्झौता गरेको हो । सम्झौता अनुसार २०१७ सम्म निर्माण सक्नुपर्ने हो ।...


टुंगिएन साढे ३ वर्षसम्म पनि पञ्चेश्वरको डिपिआर,थपियो विज्ञ समूहको म्याद

Posted: 2018-06-04 15:25:31

सुनाखरी न्युज/ काठमाडौं - सरकारले पञ्चेश्वर बहुउद्देश्यीय आयोजनाको विस्तृत आयोजना प्रतिवेदन (डिपिआर) मा उठेका विवाद तथा समस्या समाधान गरी अन्तिम रूप दिन गठन भएको विज्ञ समूह (टिम अफ एक्सपर्ट) को पुनर्गठन गरेको छ । ऊर्जा तथा सिँचाइ मन्त्रालय गाभिएर ऊर्जा, जलस्रोत तथा सिँचाइ भएपछि पुरानो समूहमा केही फेरबदल गरिएको हो । समूहको को–चेयर (सहअध्यक्ष) ऊर्जा, जलस्रोत तथा सिँचाइ सचिव सञ्जय शर्मालाई तोकिएको छ । यसअघि अर्का सचिव अनुपकुमार उपाध्यायले यो जिम्मेवारी सम्हालेका थिए । समूहमा यसअघि नेपालबाट १८ र भारतका तर्फबाट ११ विज्ञ सम्मिलित थिए । ...


ढल्केवरको काम असार सम्म नसके कारवाही गर्ने कुलमान घिसिङ्को चेतावनी

Posted: 2018-06-03 16:47:35

सुनाखरी न्युज/ काठमाडौं - नेपाल विद्युत प्राधिकरणका कार्यकारी निर्देशक कुलमान घिसिङले आउदो असारभित्र धनुषास्थित ढल्केबर सव स्टेशनको काम सम्पन्न नगरे निर्माण कम्पनीलाई कारवाही गर्ने चेतावनी दिएका छन । आइतबार आयोजना स्थलको अनुगमनका लागि पुगेका घिसिङले सम्झौता भएको समयभित्र काम नभए निर्माण कम्पनीलाई कारवाही गर्ने चेतावनी दिदै समयमै काम सक्न निर्देशन दिए । उनको निर्देशनपछि आयोजना निर्माण गरिरहेको कम्पनी टेल्मोस इलेक्ट्रोनिसले असार महिना भित्र सम्पूर्ण काम सक्ने प्रतिबद्धता जनाएको छ । यसअघि पहिलो ठेकेदार कम्पनी सिसिपिजीले गएको कार्तिक १७ भित्र सक्ने प्रतिबद्धता जनाएको थियो । ...


नेपाल विद्युत प्राधिकरणका ज्यालादारी कर्माचारिका माग लाई बेवस्था, माग सम्बोधन नभए फेरि आन्दोलन गर्ने चेतावनी

Posted: 2018-06-03 09:17:49

सुनाखरी न्युज/ काठमाडौ - दैनिक ज्यालादारीमा काम गर्दै आएका कर्मचारीको मागलाई नेपाल विद्युत प्राधिकरण काठमाडौं आएर सोमबार कार्यकारी निर्देशकलाई मागबारे स्मरण गराउने दैनिक ज्यालादारी कर्मचारी केन्द्रीय संघर्ष समितिका अध्यक्ष नरेन्द्र यादवले बताए । सुरुमा १५ दिनभित्र माग पूरा गर्ने सर्त किन अघि बढेन भन्ने प्रश्न राख्छौं उहाँले अनाकानी गर्नुभयो वा फेरि समय माग्नुभयो भने हामी आन्दोलन सुरु गर्छौं । स्थायी कर्मचारी सरह सुविधा पाउनुपर्ने माग राख्दै गत बैशाख २५ गतेदेखि ज्यालादारीले केन्द्रीय कार्यालयमा आन्दोलन सुरु गरेका थिए । ...


Advertisements