उर्जा-विकास

नीति तथा कार्यक्रम: १० वर्ष्भित्र मध्यमस्तरको विकास, रेल र जलमार्ग प्राथमिकतामा

Posted: 2018-05-21 17:32:31

 
सुनाखरी न्युज/
काठमाडौं– सरकारले आगामी आर्थिक वर्षको नीति तथा कार्यक्रम सार्वजनिक गरेको छ। 
 
सोमबार प्रतिनिधिसभा र राष्ट्रियसभाको संयुक्त बैठकमा राष्ट्रपति विद्यादेवी भण्डारीले प्रस्तुत गरेको नीति तथा कार्यक्रममा नेपाललाई १० वर्ष्भित्र मध्यमस्तरको आयसहित विकासशील राष्ट्र बनाउने उल्लेख गरिएको छ। 
 
आगामी आर्थिक वर्षमा आर्थिक सुधारको प्रयास गरिने, ५ वर्ष्भित्र दोहोरो अंकको आर्थिक वृद्धिदर हासिल गरिने र १० वर्ष्भित्र मध्यस्तरको विकास प्राप्तीको लक्ष्य नीति तथा कार्यक्रममा राखिएको छ। साथै आय असमानता पनि कम गरिने उल्लेख छ।
समृद्ध नेपाल र सुखी नेपालको अवधारणालाई एक दशकभित्र पूरा गरिने पनि भनिएको छ। नीति तथा कार्यक्रम समद्धिको इतिहासको आधार वर्ष भएको भन्दै सरकारले विकासनीति, कार्यनीतिमा आमुल परिवर्तन गरिने जनाएको छ।
 
‘अबको हाम्रो विकास, सूचना र अनुसन्धानमा आधारित हुनेछन्। राष्ट्रिय तथ्यगत विवरण तयार गरिनेछ’, नीति तथा कार्यक्रममा भनिएको छ– ‘सुरक्षा, परराष्ट्र सम्बन्धका विषयमा अध्ययनका लागि विज्ञहरुको थिंक ट्यांक बनाइनेछ।’
 
नेपालको अर्थतन्त्रलाई उच्च आर्थिक वृद्धिदरसहित सबल बनाइने र त्यसका लागि अर्थतन्त्रको संरचनामै परिमार्जन गरिने योजना पनि सरकारको रहेको छ।
 
कृषि, उर्जा, उद्योग, पर्यटन सहरी उर्जालाई प्रोत्साहन गरेको नीति तथा कार्यक्रममा भनिएको छ– ‘वित्तीय अनुसशासनमा कडाई गरिनेछ, सरकारी कोष दुरुपयोगमा अंकुश लगाइनेछ। आन्तरिक स्रोत परिचालनमा बढावा, पूँजी बजारको विस्तार, आन्तरिक बजारलाई गतिशीलता र सम्पत्ति शुद्धिकरणमा कठोर कदम चालिनेछ।’ 
 
५ वर्षमा कृषिमा आश्रित जनशक्ति उत्पादन, कृषि उत्पादन बढाउन आधुनिकीकरण र प्राविधिकीकरण गरिने पनि सरकारको नीति रहेको छ। ‘कृषियोग्य भुमिको खण्डिकर र अतिग्रहण रोकिनेछ, उत्पादन विविधिकरण गरिनेछ’, कार्यक्रममा भनिएको छ।
 
‘कृषि उत्पादनलाई चाहिने मल विउ पशु सेवा केन्द्रमार्फत उपलब्ध, कृषि ज्ञान केन्द्र स्थापना गरिनेछ, उत्पादन, विक्री वितरण मूल्य नियन्त्रण गरिनेछ। वन व्यवस्थापनलाई बैज्ञानिक बनाइनेछ’, सरकारको नीति तथा कार्यान्वयनमा भनिएको छ।
 
रेल र जलमार्ग प्राथमिकता
 
सरकारको नीति तथा कार्यक्रममा रेलमार्ग र जलमार्ग निर्माण प्राथमिकतामा परेको छ। राष्ट्रपति भण्डारीले प्रस्तुत गरेको नीति तथा कार्यक्रममा लगानी प्रोत्साहन गरी मेची–महाकाली, रक्सौल–काठमाडौं, रसुवागढी काठमाडौं रेलमार्ग निर्माण गरिने तथा कोशी, गण्डकी रकर्णाली नदीमा जल यातायात सञ्चालन गर्न कानूनी तथा संस्थागत वातावरण बनाइने उल्लेख छ।
 
पेट्रोलियम पदार्थको भण्डारण क्षमता विस्तार गर्ने योजना रहेको नीति तथा कार्यक्रममा वर्तमान पुस्ताले महसुस गर्नेगरी नै विकास र समृद्धि गरिने उल्लेख छ। 
 
सरकार असल छिमेक नीतिमा विश्वास गर्ने भन्दै देश भक्तिलाई होच्याउने कुरा सरकालाई स्वीकार्य नहुने भनिएको छ। ‘जोरजुलुम र अराजकता सरकारले स्वीकार्दैन। लोकतन्त्रका आधारभुत मान्यता सरकारले कायम गराउँछ। लोकतन्त्र मासिएला र अराजकता आउला भन्ने कुरामा सरकार विश्वास गर्दैन।’ शान्ति, विकास र अग्रगमनलाई अगाडि बढाइने पनि उल्लेख छ। 



More News



अरुण तेस्रोको सुरुङमा पुरिएका ४ जनाको २ दिनपछि जीवितै उद्धार

Posted: 2018-06-17 12:39:20

सुनाखरी न्युज/ काठमाडौं- अरुण तेस्रोको सुरुङ खन्ने क्रममा मकालु गाउँपालिकाको फ्याक्सिन्दामा शुक्रबार राती पुरिएका ४ जनाको आईतबार सुरक्षाकर्मीले सकुशल उद्धार गरेका छन् । प्रदेश १ का प्रहरी प्रमुख डिआईजी केदार रिजालले संखुवासभामा रहेको अरुण तेस्रो जलविद्युत आयोजनामा कार्यरत चारजना कामदारलाई सकुशल उद्दार गरिएको जानकारी दिए ।...


जनप्रतिनिधि नै चोर्छन् बिजुली, दुई वडाध्यक्ष समातिए

Posted: 2018-06-16 06:55:41

सुनाखरी न्युज/ काठमाडौ- बिजुली चोरीमा जनप्रतिनिधि नै संलग्न भएको पाइएको छ । बिजुली चोरी नियन्त्रण गर्ने अभियान थालेको नेपाल विद्युत् प्राधिकरणले बिजुली चोरेर प्रयोग गरेको भेटेपछि बिहीबार दुई वडाध्यक्ष पक्राउ परे । चोरी नियन्त्रणका लागि बिहीबार खटिएको विद्युत् प्राधिकरणको टोलीले काभ्रेको मण्डनदेउपुर नगरपालिका वडा नम्बर ७ का वडाध्यक्ष...


मन्त्री पुनको दबाबपछि लामो समयदेखि दैनिक ज्यालादारीमा काम गर्दै आएका कर्मचारीको माग पूरा गर्न नेपाल विद्युत प्राधिकरण सहमत

Posted: 2018-06-14 14:14:37

सुनाखरी न्युज/ काठमाडौं - लामो समयदेखि दैनिक ज्यालादारीमा काम गर्दै आएका कर्मचारीले राखेका माग पूरा गर्न नेपाल विद्युत प्राधिकरण सहमत भएको छ । ऊर्जा, जलस्रोत तथा सिँचाइ मन्त्री वर्षमान पुनको निर्देशन तथा दबाबपछि कार्यकारी निर्देशक कुलमान घिसिङले माग पूरा गर्ने बाचा गरेका हुन् । बुधबार घिसिङलाई भेटेका ज्यालादारी कर्मचारी माग पूरा हुने संकेत देखिएपछि उत्साहित छन् । प्राधिकरणले तत्काल पूरा गर्न सकिने माग असारभित्र समाधान हुने प्रतिबद्धता जनाएको दैनिक ज्यालादारी कर्मचारी केन्द्रीय संघर्ष समितिका अध्यक्ष नरेन्द्र यादवले बताए । कार्यकारी निर्देशक निकै सकारात्मक देखिनुभएको छ ...


उर्जा र गृहमन्त्री वीच ५ वुँदे समझदारी, निर्धारित समयभित्रै गुणस्तरीय काम नगरे कारवाही

Posted: 2018-06-13 20:25:31

सुनाखरी न्युज/ काठमाडौं- सरकारले तोकिएको समयभित्र गुणस्तरीय काम नगर्ने माथि ठाउँको ठाउँ कारवाही गर्ने भएको छ । अनावश्यक झमेला र वाहानावाजी गरी आयोजनाहरु समयमा सम्पन्न नगर्ने र सम्पन्न गरेको कामपनि तोकिए भन्दा कम गुणस्तरको गर्ने गरेको पाइएपछि त्यसलाई रोक्न दुई मन्त्रीवीच यस्तो सहमति भएको हो । ...


विद्युत प्राधिकरणका ज्यालादारीलाई ऊर्जा जलस्रोत तथा सिँचाइ मन्त्री वर्षमान पुनको समर्थन

Posted: 2018-06-10 09:45:27

सुनाखरी न्युज/ काठमाडौं - नेपाल विद्युत प्राधिकरणमा लामो समयदेखि दैनिक ज्यालादारीमा काम गर्दै आएका कर्मचारीले राखेका माग पूरा हुने भएको छ । आइतबार मन्त्रीसँगको छलफलपछि निष्कर्ष निस्किने दैनिक ज्यालादारी कर्मचारी केन्द्रीय संघर्ष समितिका अध्यक्ष नरेन्द्र यादवले बताए । छलफल निकै सकारात्मक भयो मन्त्रीज्यूले तत्काल पूरा गर्न सकिने माग सम्बोधन हुने बताउनुभएको छ उनले भने अन्य माग छलफल गरेर पूरा गर्दै जाने भन्नुभएको छ । प्राधिकरणले मागबारे बेवास्ता गरेपछि समितिले गत सोमबारदेखि पुनः आन्दोलन गर्ने चेतावनी दिएको थियो । मन्त्री पुनसँग दाङमा भएको छलफलपछि सोमबार गर्ने भनेको आन्दोलन रोकिएको थियो । शुक्रबार दिनभरि कार्यकारी निर्देशक कुलमान घिसिङलाई कुरेका कर्मचारीले उनलाई भेट्न पाएनन् । ...


Advertisements