उर्जा-विकास

भारतबाट आयात गर्ने बिजुली महँगिने, ढल्केबर–मुजफ्फरपुरबाट १२० मेगावाट विद्युत् ल्याउन १५ महिने सम्झौता

Posted: 2018-03-29 10:51:06

 
 
काठमाडौँ — भारतीय बजारमा विद्युत् मूल्य वृद्धि भएपछि नेपाल आयात हुने बिजुली महँगिने भएको छ । मुजफ्फरपुर क्रसबोर्डर प्रसारण लाइनमार्फत भारतबाट विद्युत् आयात गर्न नेपाल विद्युत् प्राधिकरणले बुधबार १५ महिने विद्युत् खरिद सम्झौता (पीपीए) गरेको छ ।
 
 
 
भारतको राजधानी नयाँ दिल्लीमा भएको तीन दिन लामो वार्तापछि अहिलेको दरभन्दा केही महँगोमा विद्युत् किन्ने सम्झौता भएको हो ।
 
नयाँ सम्झौता अप्रिलबाट सुरु भई सन् २०१९ को जुनसम्म कायम रहन्छ । प्राधिकरणका कार्यकारी निर्देशक कुलमान घिसिङ नेतृत्वको टोली सोमबारदेखि भारतीय पक्षसँग वार्तारत थियो । प्राधिकरणले भारतीय पक्ष एनटीपीसीसँग यसअघि गरेको सम्झौताको म्याद शनिबार सकिँदै छ ।
 
पीपीएमा बुधबार प्राधिकरणका कार्यकारी निर्देशक घिसिङ र एनटीपीसी विद्युत् व्यापार निगम (एनभीभीएन) का प्रमुख कार्यकारी अधिकृत अरुणकुमार गर्गले हस्ताक्षर गरेका हुन् । ‘वार्तामा हामीले पुरानै दरमा विद्युत् किन्ने अडान राख्यौं,’ प्राधिकरणका प्रवक्ता एवं विद्युत् व्यापार विभाग प्रमुख प्रबल अधिकारीले भने, ‘मूल्य बढेकाले पुरानै दरमा विद्युत् दिन नक्सने अडान भारतीय पक्षको रहयो ।’
 
भारतीय सर्वोच्च अदालतले पेट्रोलियम कोक (न्यूनस्तरको इन्धन) र फर्नेस आयलमा प्रतिबन्ध लगाउँदा त्यसबाट विद्युत् उत्पादन गर्ने प्लान्टहरू बन्द भएको, विद्युत् उत्पादनमा प्रयोग हुने इन्धनको मूल्य बढेको, भारतको विद्युत् एक्सचेन्ज बजारमा विद्युत्को मूल्य महँगो रहेको कारण देखाउँदै एनभीभीएनले अहिलेकै दरमा विद्युत् बिक्री गर्न नसकिने अडान राख्दै आएको थियो ।
 
प्राधिकरणले अहिले ढल्केबर– मुजफ्फरपुर प्रसारण लाइनमार्फत प्रतियूनिट ३.६० भारुमा विद्युत आयात गरिरहेको छ । अबको नयाँ मूल्य भने केही महँगिने भएको छ । प्राधिकरणले ६ महिनाका लागि प्रतियुनिट ३.९८ भारु ६.३६ र त्यस बाँकीको अवधिका लागि उक्त मूल्यमा ५ प्रतिशतले वृद्धि हुने गरी सम्झौता गरेको हो । सम्झौतापछि ढल्केबर–मुजफ्फरपुर प्रसारण लाइनमार्फत १ सय २० मेगावाट विद्युत् आयात सुनिश्चित भएको प्रवक्ता अधिकारीले बताए ।
 
प्राधिकरणले एनभीभीएसँग सुरुमा प्रतियुनिट भारु ३.४४ (५.५० नेरु) मा पीपीए गरेको थियो । भारतीय बजारमा विद्युत् मूल्य वृद्धि भएपछि बढेर प्रतियुनिट भारु ३.६० पुगेको थियो ।
 
नेपाल–भारत सचिवस्तरीय विद्युत् व्यापार संयन्त्रको बैठकको निर्णयअनुसार प्राधिकरणले ढल्केबर–मुजफ्फरपुर क्रसबोर्डर प्रसारण लाइनमार्फत विद्युत् आयात गरिरहेको छ ।
 
भारतले एनटीपीसी विद्युत् व्यापार निगम (एनभीभीएन) लाई नोडल एजेन्सी तोकेको छ । प्राधिकरणले एनभीभीएनसँग विद्युत् खरिद सम्झौता (पीपीए) गरी विद्युत् आयात गरिरहेको हो ।
 
भारतको विद्युत् एक्सचेन्जको औसत ‘मार्केट क्लियरिङ प्राइस’ प्रतियुनिट भारु ४.१९ (६.७० नेरु) छ ।
 
प्राधिकरणले व्यापारिक सम्झौता, विद्युत् आदानप्रदान सम्झौता (पावर एक्सेन्ज) र महाकाली सन्धिअन्तर्गतको बिजुली भारतबाट ल्याइरहेको छ । व्यापारिक सम्झौताअनुसार ढल्केबर–मुजफ्फरपुर क्रसबोर्डर प्रसारण लाइनमार्फत र अन्य स्थानबाट पावर एक्सेन्जअन्तर्गत भारतबाट बिजुली ल्याइरहेको छ । दुई मुलुकबीचको पावर एक्सचेन्च कमिटी (पीईसी) ले तय गरेको मूल्यका आधारमा प्राधिकरणले बिहार, उत्तरप्रदेश र उत्तराखण्डबाट विद्युत् आयात गर्छ ।



More News



विद्युत चोरी नियन्त्रण र सेवा सुधार प्राधिकरणको प्राथमिकतामा

Posted: 2018-12-09 17:48:50

सुनाखरी न्युज/ काठमाडौं- नेपाल विद्युत प्राधिकरणले विद्युत् चोरी नियन्त्रण र सेवा प्रवाह सुधारमा केन्द्रित भई ग्राहकसँग प्रत्यक्ष सम्पर्क राख्ने वितरण तथा ग्राहक केन्द्रका प्रमुखसँग कार्यसम्पादन सम्झौता गरिरहेको छ । प्राधिकरणले जनकपुर क्षेत्रीय कार्यालय अन्तर्गतका १६वटा वितरण तथा ग्राहक सेवा केन्द्र प्रमुखसँग कार्यसम्पादन सम्झौता गरेको छ ।...


दुई नम्वर प्रदेशमा संचालित उर्जा र सिंचाईका आयोजनाहरुको वारेमा छलफल

Posted: 2018-12-08 10:41:58

सुनाखरी न्युज/ काठमाडौं- उर्जा,जलस्रोत तथा सिंचाईमन्त्री वर्षमान पुन अनन्त र प्रदेश नम्बर २ का मुख्यमन्त्री लालवावु रावतबीच भेटवार्ता भएको छ । जनकपुरस्थित मुख्यमन्त्री रावतको निवासमा भएको भेटवार्तामा कर्मचारी व्यवस्थापन र उर्जा,जलस्रोत सिंचाई मन्त्रालय मातहतको आयोजनाको विषयमा छलफल भएको थियो । ...


ऊर्जा सचिव उपाध्यायको राजीनामा, उपाध्यायले विद्युत नियमन आयोगको अध्यक्ष पदमा प्रतिस्पर्धा गर्ने

Posted: 2018-12-06 14:31:10

सुनाखरी न्युज/ काठमाडौं - ऊर्जा सचिव उपाध्यायले अवकास पाउन केही महिना मात्र बाँकी रहेका बेला राजीनामा दिएका छन् । उनले आगामी फागुनमा अवकास पाउँदै थिए ।उपाध्यायले विद्युत नियमन आयोगको अध्यक्ष पदमा प्रतिस्पर्धा गर्न


नेपाल विद्युत प्राधिकरणले भित्र्यायो नयाँ प्रविधि

Posted: 2018-12-05 11:58:11

सुनाखरी न्युज/ काठमाडौ - नेपाल विद्युत् प्राधिकरणले ग्राहकको घर तथा कार्यालयमा नै नगई प्रविधिको प्रयोग गरेर मिटर रिडिङ गर्न सक्ने प्रविधि भित्र्याएको छ । प्राधिकरणले सो प्रविधिलाई एडभान्स मिटरिङ इन्फास्टक्चर ...


नेपालको विजलुली किन्न वंगलादेश तयार, माथिल्लो कर्णालीबाट ५ सय मेगावाट विद्युत् किन्ने घोषणा

Posted: 2018-12-04 20:24:54

सुनाखरी न्युज/ काठमाडौं- नेपाल—बङ्गलादेशबीच उर्जासम्वन्धि सहसचिव तथा सचिव स्तरीय संयुक्त स्थायी बैठकमा माथिल्लो कर्णालीबाट ५ सय मेगावाट विद्युत् किन्न बंगलादेश राजी भएको छ । काठमाडौंमा दुइ दिन भएको बैठकमा विद्युत् किन्न बङ्गलादेश र नेपालका उर्जा सहसचिव तथा सचिवबीच सहमति भएको हो ।...


Advertisements