उर्जा-विकास

उपत्यकामा अघोषित लोडसेडिङ, प्राविधिक गडबडीमात्र भएको प्राधिकरणको दावी

Posted: 2018-03-26 10:50:47

 
सुनाखरी न्युज/
काठमाडौं-
नेपाल विद्युत प्राधिकरणले पछिल्ला केही दिनयता काठमाडौं उपत्यका लागायत मुलुकका बिभिन्न भागका अघोषितरुपमा बिद्युत कटौती (लोडसेडिङ) गर्न शुरु गरेको छ । नदिमा पानीको बहाव घटेसँगै माग र आपूर्तिवीचको सन्तुलन कायमगर्न नसक्दा प्राधिकरणलाई अप्ठ्यारो परेको हो । 
नेपाल विद्युत प्राधिकरणले अहिले काठमाडौं उपत्ययका लगायत मुलुकभर घोषित÷अघोषित कुनै पनि प्रकारको लोडसेडिङ नगरिएको जनाएको छ । उसले अहिलेको अवस्थामा नै लोडेडिङ गर्न नपर्ने दावी गरेको छ ।
औद्योगिक ग्राहकलाई केही घण्टाको  लोडसेडिङ बाहेक अन्य ग्राहकलाई पूर्णरुपमा विद्युत आपूर्ति भइरहेको जानकारी दिंदै प्राधिकरणका कार्यकारी निर्देशक कुलमान घिसिङले प्रणालीमा आउने प्राविधिक गडबडीले केहीबेर झ्याप्प विद्युत जाँदैमा उपभोक्ताले त्यसलाई लोडसेडिङ भन्ने गरेको बताए ।  
शुख्खायामसँगै सुरु भएको हावाहुरीले विद्युत प्रसारण तथा बितरण प्रणाली टिपिङ हुँदा विद्युत आपूर्तिमा समस्या हुने गरेको प्राधिकरणले जनाएको छ । ‘विगतमा पनि यस्तो ट्रिपिङ भएता पनि त्यतिबेला लोडसेडिङ हुँदा उपभोक्ताले  विद्युत आपूर्तिमा समस्या आएको थाहा नै पाउँदैन थिए’, घिसिङले भने ‘प्राधिकरणले त्यस्ता प्राविधिक समस्या समाधान गर्न मुलुकभर नै कर्मचारीको टिमलाई २४सै घण्टा तयारी अवस्थामा राखेको छ ।’ 
सडक तथा खानेपानी पाइप विस्तारका कारण हाम्रा भूमिगत केवलमा क्षति पुग्ने, केही स्थापनमा पोल तथा टान्सर्फमर सार्नु पर्र्ने लगायतका प्राविधिक कारणले त्यस आसपसमा क्षेत्रमा केही समय विद्युत कटौती भएको हुन सक्ने उनले बताए । ‘यस्ता समस्या तत्काल समाधान गरी विद्युत आपूर्ति नियमित गर्न मन्त्रीबाट समेत निर्देशन भइसकेको छ,’ उनले भने ‘सोहीअनुसार काम गरिरहेका छौ ।’ 
ऊर्जा, जलस्रोत तथा सिंचाई मन्त्री वर्षमान पुनले केही दिन अघि विद्युत आपूर्तिमा अहिले भइरहेको प्राविधिक समस्यालाई छिट्टो र छरितोरुपमा समाधान गरी विद्युत आपूर्ति नियमित गर्न प्राधिकरणलाई निर्देशन दिएका थिए । 
प्राधिकरणका प्रवक्ता प्रबल अधिकारीले विद्युत आपूर्तिलाई विश्वसनीय र भरपर्दो बनाउन कन्डक्टर फेर्ने, ट्रिपिङको समस्या समाधान गर्न विद्युतको मागलाई ध्यान दिएर फिडर तथा ट्रान्सफर्मरको क्षमता बढाउने कामलाई उच्च प्राथमिकतामा राखी सोही अनुसार काम भइरहेको बताए । ‘ओभरलोड भएका सब–स्टेसन मर्मत गर्दा विद्युत आपूर्ति कटौती गर्न परेको हुन सक्छ’, उनले भने ‘मर्मत सम्भारमा लाग्ने समयलाई घटाएर जतिसक्दो छिट्टो विद्युत आपूर्ति नियमित गर्न प्राधिकरण क्रियाशील छ ।’
हाल विद्युत उच्च मागको समयमा प्राधिकरणले आफ्ना जलविद्युत आयोजनाहरुबाट ३३६ मेगावाट, निजी क्षेत्रबाट १४५ मेगावाट र भारतबाट ४२८ मेगावाट गरी कूल ९०९ मेगावाट विद्युत आपूर्ति गरिरहेको छ । प्राधिकरणका अनुसार हाल बिद्युतको उच्चतममाग ११९८ मेगावाट छ । उपलब्ध विद्युतवाट माग आपूर्तिवीचको सन्तुलन कायम हुन नसकेपछि प्राधिरकणले घोषितरुपमा औद्योगिक ग्राहकको हकमा उच्चतम् विद्युत माग हुने समयमा मात्र करिव तीन घण्टा विद्युत कटौती गरेको छ ।
माग बढी हुने साँझ र बिहान विद्युत खपत बढी गर्ने हिटर, वासिङ मेसिन, आइरन, पानी तान्ने पम्पलगायतका विद्युतीय उपकरण प्रयोग नगरिदिन प्राधिकरणले आग्रह गरेको छ । मुलुकको करिब ६५ प्रतिशत भूभागमा मात्रै विद्युत् सेवा पुगेको छ । केन्द्रीय प्रसारण लाइन नपुगेका धेरैजसो जिल्ला र पुगेका जिल्लामा पनि सबै स्थानमा विद्युत् सेवा सहजरूपमा उपलब्ध हुन सकेको छैन । 
सरकारले विद्युत् सेवा पाउने अधिकार आमनागरिकको भएको जनाए पनि साधन र स्रोतको अभावमा सबै नेपालीले त्यस प्रकारको सेवा पाउन सकेका छैनन् । विद्युत् सेवा पुगेका स्थानमा समेत प्राविधिक समस्या तथा अन्य कमजोरीका कारण ग्राहकले नियमितरूपमा विद्युत् पाउन सकेका छैनन् । कर्णाली र सेती अञ्चलका पहाडी जिल्लाका सदरमुकाममा अझैसम्म पनि केन्द्रीय प्रसारण लाइन पुग्न सकेको छैन । 
करिब ३५ प्रतिशत जनता अझै पनि २४ सै घन्टा विद्युत्भार कटौतीको मारमा छन् । सामुदायिक विद्युतीकरण कार्यक्रमबाट समुदायले सो पहलमा विद्युत् सेवा दिने प्रयास गरेको भए पनि लगानी र व्यवस्थापनका कारण सोचेजति प्रगति हुन सकेको छैन । प्राधिकरणले विद्युत् सेवा नपुगेका सबै जिल्ला र बस्तीमा योजनाबद्ध रूपमा कार्यक्रम लैजान सकेको छैन । 
 
 



More News



विद्युत चोरी नियन्त्रण र सेवा सुधार प्राधिकरणको प्राथमिकतामा

Posted: 2018-12-09 17:48:50

सुनाखरी न्युज/ काठमाडौं- नेपाल विद्युत प्राधिकरणले विद्युत् चोरी नियन्त्रण र सेवा प्रवाह सुधारमा केन्द्रित भई ग्राहकसँग प्रत्यक्ष सम्पर्क राख्ने वितरण तथा ग्राहक केन्द्रका प्रमुखसँग कार्यसम्पादन सम्झौता गरिरहेको छ । प्राधिकरणले जनकपुर क्षेत्रीय कार्यालय अन्तर्गतका १६वटा वितरण तथा ग्राहक सेवा केन्द्र प्रमुखसँग कार्यसम्पादन सम्झौता गरेको छ ।...


दुई नम्वर प्रदेशमा संचालित उर्जा र सिंचाईका आयोजनाहरुको वारेमा छलफल

Posted: 2018-12-08 10:41:58

सुनाखरी न्युज/ काठमाडौं- उर्जा,जलस्रोत तथा सिंचाईमन्त्री वर्षमान पुन अनन्त र प्रदेश नम्बर २ का मुख्यमन्त्री लालवावु रावतबीच भेटवार्ता भएको छ । जनकपुरस्थित मुख्यमन्त्री रावतको निवासमा भएको भेटवार्तामा कर्मचारी व्यवस्थापन र उर्जा,जलस्रोत सिंचाई मन्त्रालय मातहतको आयोजनाको विषयमा छलफल भएको थियो । ...


ऊर्जा सचिव उपाध्यायको राजीनामा, उपाध्यायले विद्युत नियमन आयोगको अध्यक्ष पदमा प्रतिस्पर्धा गर्ने

Posted: 2018-12-06 14:31:10

सुनाखरी न्युज/ काठमाडौं - ऊर्जा सचिव उपाध्यायले अवकास पाउन केही महिना मात्र बाँकी रहेका बेला राजीनामा दिएका छन् । उनले आगामी फागुनमा अवकास पाउँदै थिए ।उपाध्यायले विद्युत नियमन आयोगको अध्यक्ष पदमा प्रतिस्पर्धा गर्न


नेपाल विद्युत प्राधिकरणले भित्र्यायो नयाँ प्रविधि

Posted: 2018-12-05 11:58:11

सुनाखरी न्युज/ काठमाडौ - नेपाल विद्युत् प्राधिकरणले ग्राहकको घर तथा कार्यालयमा नै नगई प्रविधिको प्रयोग गरेर मिटर रिडिङ गर्न सक्ने प्रविधि भित्र्याएको छ । प्राधिकरणले सो प्रविधिलाई एडभान्स मिटरिङ इन्फास्टक्चर ...


नेपालको विजलुली किन्न वंगलादेश तयार, माथिल्लो कर्णालीबाट ५ सय मेगावाट विद्युत् किन्ने घोषणा

Posted: 2018-12-04 20:24:54

सुनाखरी न्युज/ काठमाडौं- नेपाल—बङ्गलादेशबीच उर्जासम्वन्धि सहसचिव तथा सचिव स्तरीय संयुक्त स्थायी बैठकमा माथिल्लो कर्णालीबाट ५ सय मेगावाट विद्युत् किन्न बंगलादेश राजी भएको छ । काठमाडौंमा दुइ दिन भएको बैठकमा विद्युत् किन्न बङ्गलादेश र नेपालका उर्जा सहसचिव तथा सचिवबीच सहमति भएको हो ।...


Advertisements