उर्जा-विकास

आर्थिक सम्वृद्धिको प्रमुख आधारस्तम्भ ऊर्जाः मन्त्री पुन

Posted: 2018-03-23 14:41:45

 

सुनाखरी न्युज-
ऊर्जा, जलस्रोत तथा सिञ्चाई मन्त्री बर्षमान पुनले आर्थिक सम्वृद्धिका लागि ऊर्जा प्रमुख आधारस्तम्भ भएको बताएका छन् । 
नेपाल आर्थिक पत्रकार समाज (सेजन) ले आज काठमाण्डौमा आयोजना गरेको कार्यक्रममा मन्त्री पुनले सरकारले दोहोर आर्थिक वृद्धिदरको संकल्प लिएको र त्यसका लागि ऊर्जानै प्रमुख आधार स्तम्भ भएको बताएका हुन् । ‘अब दोहोरो आर्थिक वृद्धिदर हासिल गर्नुपर्ने छ, सरकारले यसको संकल्प पनि लिएको छ ।’–उनले भने–‘यसका लागि जलविद्युतनै मुख्य आधार हो ।’
आर्थिक सम्वृद्धिमा ऊर्जा क्षेत्रले पहिलो योगदान दिने गरी आयोजना विकास गर्ने बताउँदै यसमा नीजि क्षेत्रलाई प्रोत्साहन र सहजीकरणका लागि सबै किसिमतका नीतिगत र प्रकृयागत झन्झट हटाउनका लागि आफू सकृय हुने बताए । ठूलो जोखिमका साथ नीजि क्षेत्रले जलविद्युतमा लगानी गरिरहेको र उनीहरुलाई उत्साह जगाउने गरी आफूले काम गर्ने मन्त्री पुनले बताए । 
आगामी १० बर्षभित्र १० हजार मेगावाट उत्पादन र खपत गर्ने गरी सरकारले योजना बनाउने बताउँदै आफूले पुराना मन्त्रीहरुको योजना र घोषणालाई निरन्तरता दिँदै यस क्षेत्रको विकासका लागि केही नयाँ योजनासहित अघि बढ्ने बताए । उनले १० हजार ८ सय मेगावाटको कर्णाली चिसापानी आयोजना समेत अघि बढाउने लक्ष्य राखेको जानकारी दिँदै सार्क राष्ट्रभित्र विद्युत जोड्नका लागि पहल गर्ने बताए । 
प्रशारण लाइन निर्माणमा देखिएको समस्या समाधानका लागि नेपाल विद्यु्त प्राधिकरण, नीजि क्षेत्र र सम्वद्ध निकायहरुलाई राखेर अघि बढन्े उनको भनाई थियो । 
स्वतन्त्र ऊर्जा उत्पादकहरुको संस्था (इप्पान) का अध्यक्ष शैलेन्द्र गुरागाईले ऊर्जा क्षेत्रमा नयाँ नयाँ योजना र कार्यक्रमभन्दा पुराना प्रतिवद्धता र योजना कार्यान्वयन गरे मात्र पनि जलविद्युतको विकास हुन सक्ने बताए । उनले सरकारले जलविद्युत विकासका लागि सिंगल डेस्कको व्यवस्था गर्नुपर्ने बताउँदै प्रशारण लाइनमा देखिएको ढिलाईको अन्त्य गर्नुपर्ने बताए । 
कार्यक्रममा कार्यपत्र प्रश्तुत गर्दै इप्पानका पुर्व अध्यक्ष शैलेन्द्र गुरागाईले १० बर्षमा १० हजार मेगावाट विद्युत उत्पादन गर्ने लक्ष्य हासिल गर्नका लागि नीजि क्षेत्रलाई प्रोत्साहन र सहभागी वृद्धिमा विशेष ध्यान दिनुपर्ने बताए । 
 
 



More News



पश्तिम सेती कम क्षमतामै बनाउने निर्णय, थ्री गर्जेजसँग लगानीवोर्डले वार्ता गर्ने

Posted: 2018-07-18 07:00:02

सुनाखरी न्युज/ काठमाडौं -पश्चित सेती जलविद्युत आयोजनाको कम क्षमतामा बनाउन चिनियाँ कम्पनी थ्री गर्जेजसँग वार्ता गरिने भएको छ । लगानी बोर्डको मंगलबार बसेको बैठकले सुझाव समितिको प्रतिवेदन अनुसार आयोजनाको क्षमता घटाएर बनाउन चिनियाँ कम्पनीसँग वार्ता गर्ने निर्णय गरेको हो । ...


जल यातायात सञ्चालनका लागि संस्थागत संरचना गठन गर्न नेपाल–भारतवीच सहमति

Posted: 2018-07-17 06:57:42

सुनाखरी न्युज/ काठमाडौं- नेपाल–भारतवीच जल यातायात सञ्चालनका लागि दुवै पक्षबीच द्विपक्षीय संस्थागत संरचना गठन गर्ने सहमति भएको छ । जल यातायात सञ्चालन सम्बन्धमा नेपाली पक्ष र भारतीय पक्षबीच भएको वार्तामा अध्ययन टोलीहरुको स्थलगत अध्ययनबाट प्राप्त सिफारिसका आधारमा संस्थागत संरचना बनाउने सहमति भएको हो ।...


३ दिनपछि कोहलपुर सबस्टेसन सुचारु, ३ जिल्लाको विद्युत आपूर्ति नियमित

Posted: 2018-07-16 11:17:55

सुनाखरी न्युज/ काठमाडौं - १३२ - ३३ केभी कोहलपुर सबस्टेसनको ट्रान्सफर्मर मर्मतपछि ३ दिन यता आंशिक अवरुद्ध विद्युत आपूर्ति नियमति भएको छ । सबस्टेसनमा जडित ३० एमभिए क्षमताको एउटा ट्रान्सफर्मरको समस्याग्रस्त ब्रेकर परिवर्तन गरी चार्ज ...


माथिल्लो कर्णाली जलविद्युत आयोजनामा जीएमआरले झुलाएको झुलायै

Posted: 2018-07-15 07:14:58

सुनाखरी न्युज/ काठमाडौं- ९०० मेगावाट क्षमताको बहुप्रतिक्षित माथिल्लो कर्णाली जलविद्युत आयोजनाको प्रवर्द्धक भारतीय कम्पनी जीएमआरले दोस्रो पटक थपिएको समय सीमामा पनि लगानी जुटाउन सकेको छैन। लगानी बोर्डले गत वर्ष वित्तीय व्यवस्थापनको लागि थप एक वर्षको समय दिएको थियो। समय सकिन दुई महिना मात्रै बाँकी रहँदा पनि आयोजनाले वित्तीय व्यवस्थापन गर्न नसकेको लगानी बोर्डका प्रमुख कार्यकारी अधिकृत महाप्रसाद अधिकारीले बताए।...


बेलायती लगानीकर्तालाई ऊर्जा क्षेत्रमा लगानी गर्न ऊर्जामन्त्री पुनको आग्रह

Posted: 2018-07-14 06:53:45

सुनाखरी न्युज/ काठमाडौं -ऊर्जा, सिँचाइ तथा जलस्रोतमन्त्री वर्षमान पुनले बेलायत सरकारलाई नेपालको ऊर्जा क्षेत्रमा लगानी गर्न आग्रह गरेका छन् । नेपालका लागि बेलायती राजदूत रिचार्ड मोरीमार्फत मन्त्री पुनले ऊर्जाको क्षेत्रमा लगानी गर्न सरकारलाई प्रेरित गरिदिन आग्रह गरेका हुन् । ऊर्जामन्त्री पुनले नेपालमा राजनीतिक स्थायीत्वको युग सुरु भइसकेको भन्दै बेलायती लगानीकर्तालाई आकषिर्त गर्न प्रेरित गरिदिन आग्रह गरेका थिए ।...


Advertisements