आर्थिक

इन्धन चुहावट अन्त्य गर्न आयल निगमद्धारा लकिङ प्रविधि जडानकार्यलाइर्ए तिव्रता

Posted: 2018-07-11 16:01:23

 
सुनाखरी न्युज/
काठमाडौं-
नेपाल आयल निगमले ट्याङ्करबाट पेट्रोलियम पदार्थ नेपाल भित्र्याउँदा हुने चोरी रोक्न लकिङ प्रविधि धमाधम जडान गरिरहेको छ ।
 
असार मसान्तसम्म सबै सीमा छेउका पेट्रोलियम पदार्थ सप्लायर केन्द्रमा ताल्चा लगाउन थालिएको आपूर्ति एभिएसन विभागका रामप्रसाद पाठकले जानकारी दिए ।
 
असार २८ गते भोलि सबैभन्दा ठूलो सप्लायर पोइन्ट भारत बरुनीमा ताल्चा लगाइने कार्यक्रम रहेको छ । बरुनीबाट लक लगाएर नेपाल भित्रिएपछि त्यसलाई विराटनगरको डिपोमा आएपछि ३० गते विधिगत रुपमा कार्यक्रम गरेर खोलिने पाठकले बताए । यस्तै, कार्यक्रम ३१ गते जनकपुरमा पनि गरिने बताइएको छ ।
 
‘भारतीय डिपोमा जाने ट्याङ्करमा इन्धन लोड गरेपछि त्यही ताल्चा मार्ने काम हुन्छ, त्यो ताल्चाको एउटा साँचो इन्धन लोड लिने भारतीय डिपोसँग हुन्छ, अर्को साँचो नेपालीको जुन डिपोमा इन्धन खन्याउने हो, त्यो डिपोसँग हुन्छ, यसले गर्दा बाटोमा चोरी गर्न सकिदैन,’ पाठकले भने ।
 
ग्लष्तभम ऋझभलत
अब अलाहबाद र मुग्लेसिरमा लकिङ प्रविधि जडान गर्न बाँकी रहेकोले त्यसलाई पनि यही असार मसान्त भित्र पूरा गरिने पाठकको भनाई छ ।
 
‘सुरुमा हामी सबैभन्दा ठूलो सप्लायर्स बरुनीमा लकिङ गर्दैछौँ, त्यसपछि अरुमा पनि गर्ने प्रकृया हुँदैछ, अलाहाबाद र मुग्लेसिरमा ८÷१० वटा मात्र ट्याङकर भएकाले त्यसको लागि धेरै समय लाग्दैन,’ पाठकले भने ।
 
निगमका अनुसार हालसम्म अमलेखगञ्ज, पोखरा, नेपालगञ्ज, चारआली, बीरगञ्ज, काठमाडौं, धनगढी लगायतका सबै डिपोमा लकिङ प्रविधि सुरु भई सकेको छ ।
 
लकिङ प्रविधि जडान भएपछि पेट्रोलियम पदार्थ ट्याङ्करमा राखेर ल्याउँदा हुने चुहावटका घटनाहरुको अन्त्य हुने पाठकको भनाई छ ।
 
ट्याङकरमा लकिङ प्रविधि जडान हुनु अघि ट्याङ्कर चालकहरुले टेम्प्रेचर लसको नाममा अबैधरुपमा २० हजार लिटरको ट्याङ्करबाट लगभग ४० देखि १ सय लिटरसम्म पेट्रोलियम पदार्थ चोरी गरी बिक्री गर्ने गरेका थिए तथ्य सार्बजनिक भएका थिए ।
 
अब लकिङ प्रविधि जडानका कारण ट्याङ्कर चालकले ताल्चा खोल्न सक्ने छैनन् । जसले गर्दा इन्धन चुहावट अन्त्य भएको निगमको दाबी छ ।
 
निगमले बैज्ञानिक आधारमा ०.७५ लिटर प्रतिकिलोलिटरमा टेम्प्रेचर लस ड्युटी टु ट्रान्जिट शीर्षकमा नोक्सानीको दर तोकेको छ । अन्य मुलुकमा पनि यस्तै मापदण्ड कार्यान्वयनमा छ । अर्थात २० हजार लिटरको ट्याङ्करमा भएको इन्धन एक डिग्री तापक्रम कम हुँदा टेम्प्रेचर लस ड्युटी टु ट्रान्जिट अन्तर्गत डिजेल र मट्टितेलमा १५ लिटरसम्म बैज्ञानिक रुपमा नोक्सानी हुन्छ । पेट्रोलमा भने २१ लिटरसम्म नोक्सानी हुन्छ ।
 
निगमले यो मापदण्ड बनाएर चालकले ढुवानी गर्दा हुने नोक्सानी मिनाहा गर्दै आएको छ । 



More News



पिपल्स पावर लिमिटेडमा नेपाल बंगलादेश बैंकले ६० करोड लगानी गर्ने

Posted: 2018-09-23 14:17:21

सुनाखरी न्युज/ काठमाडौँ - पिपल्स पावर लिमिटेडको ४.९६ मेगावाट पुवा दोस्रो जलविद्युत आयोजनामा बंगलादेश बैंकले ६० करोड लगानी गर्ने भएको छ । इलाम जिल्लाको इलाम नगरपालिका वार्ड नं. १ साँखेजुङ्ग र वार्ड नं. ४ माइपोखरी भई ...


जर्मनीद्वारा सात अर्ब ५० करोड अनुदान सहायता

Posted: 2018-09-23 11:10:00

सुनाखरी न्युज/ काठमाडौँ - जर्मनीले नेपालको सामाजिक, आर्थिक विकासका आयोजना कार्यान्वयन गर्न सात अर्ब ५० करोड बराबरको अनुदान सहायता उपलब्ध गराउने भएको छ । बिहीबार जर्मनीको बर्लिनमा सम्पन्न नेपाल–जर्मनी ...


सुक्रिय बन्दै मध्यमस्तरीय कर कार्यालय, साँढे १७ अर्ब उठाउने चुनौती

Posted: 2018-09-22 08:18:47

सुनाखरी न्युज/ काठमाडौं -कर संकलन प्रभावकारी बनाउने भन्दै पहिलोपटक सञ्चालनमा ल्याइएको मध्यमस्तरीय कर कार्यालयले १० महिनाभित्रमा १७ अर्ब ५० करोड कर संकलन गर्नुपर्ने भएको छ । देशभरका साना कर कार्यालयलाई खारेज गर्दै मध्यमस्तरीय करदाता कार्यालय सञ्चालनमा ल्याइएको हो ।...


अव पेट्रोल पाइन्छ एक दुई दिन नआत्तिनुस

Posted: 2018-09-22 06:34:26

सुनाखरी न्युज/ वीरगन्ज- चालकहरुको हड्तालका कारण रोकिएको पेट्रोलियम पदार्थको ढुवानी शुक्रवार दिउँसो देखि सुचारु भएको छ। नेपाल आयल निगमको वीरगन्ज क्षेत्रीय कार्यालयले जनाए अनुसार चालकहरु काममा फर्किएपछि शुक्रवार दिउँसो २ बजेदेखी रक्सौल स्थित इण्डियन आयल कर्पोरेशनको डिपोबाट पेट्रोलियम पदार्थको लोडिङ सुरु भएको छ। ...


हड्तालमा उत्रिएका चालकसँग सहमति, आज रातीदेखिनै गाडी चल्ने

Posted: 2018-09-20 21:05:57

सुनाखरी न्युज/ काठमाडौं। यातायात व्यवस्था ऐनमा भएको हेरफेरको विरोधमा हड्तालमा उत्रिएका चालक र जिल्ला प्रशासन कार्यालयबीच सहमति भएको छ। आन्दोलनको नेतृत्व गरिरहेको नेपाल स्वतन्त्र सवारी चालक संघर्ष समितिसँग सहमति भएकाले शुक्रबारदेखि भाडाका सवारी चल्नेछ।...


Advertisements