आर्थिक

बजेट कोर्स करेक्सनको वाटोमा छः अर्थमन्त्री

Posted: 2018-06-08 08:53:49

 
सुनाखरी न्युज/
  
काठमाडौं-
अर्थमन्त्री डा युवराज खतिवडाले बजेटमार्फत आफूले अर्थतन्त्रको ’कोर्स करेक्सन’को बाटो अवलम्बन गरेको बताएका छन्। विगतका गल्ती कमीकमजोरी सच्याउँदै राष्ट्रिय अर्थतन्त्र निर्माणको बाटो आफूले लिएको र त्यो नै अहिलेका लागि उपयुक्त विकल्प भएको खतिवडाले दावी गरे।
 
 
 
निर्वाचनपछि गठन भएको बलियो सरकारले अर्थतन्त्रको दिशा परिवर्तनको आधार तयार गर्न विगतका कामका जिम्मेवारी लिँदै अघि बढ्ने गरी बजेट बनाइएको खतिवडाले उल्लेख गरेका छन्। ’यो सरकारले अर्थतन्त्रको दिशा परिवर्तनको कुरा गरेको छ, त्यसमा दुईवटा विकल्प हुन सक्थे,’ उनले भने, ’पहिलो भनेको विगतका सबै कुरा छाडेर नयाँ हिसाबले जाने होबाटो हुन्छ। त्यो त्यति जिम्मेवार हुँदैन। अर्को भनेको विगतका कुराको जिम्मेवारी लिँदै अघि बढ्ने कोर्स करेक्सनको बाटो हो। मैले यो बजेटबाट कोर्स करेक्सनको बाटो लिएको छु।’
 
 
सरकारले समृद्ध नेपालको अवधारणा अघि सारेको भन्दै त्यसका लागि ८ प्रतिशत आर्थिक वृद्धिको लक्ष्य हासिल गरेर अघि बढ्ने खतिवडाले बताए। उनले मुलुकमा ७६१ वटा सरकार रहेको र ती सबैले आउँदो वर्षमा साढे ६ खर्ब पुँजीगत खर्च गर्ने दावी गरे। ’तल्ला तहमा सरकार छन्। उनीहरुको करको क्षेत्र बढेको छ। पुँजीगत खर्च गर्ने क्षमता पनि बढेको छ,’ उनले भने, ’तलबाट पुँजी निर्माणमा योगदान हुन्छ। तलबाट समृद्धिमा योगदान बढाउँदै लैजाने छौँ।’
 
उच्च आर्थिक वृद्धिको आकांक्षाकाबीच सरकारले आधारभूत आर्थिक अनुशासनमा बसेर बजेट निर्माण गरेको पनि दावी गरे। ’बजेट घाटालाई निश्चित सीमाभित्र राखेका छौँ, ऋण पनि सीमाभित्र बसेर लिन्छौँ,’ उनले भने, ’सरकारको प्राथमिकता प्राप्त क्षेत्रमा मात्रै बाह्य ऋण लिन्छ। बैंकिङ प्रणालीमा आउने संभावित निक्षेपको आधा मात्रै आन्तरिक ऋण उठाउने भनेका छौँ।’
 
बैंक तथा वित्तीय संस्थाले स्वदेशीका अतिरिक्त विदेशी पुँजी भित्र्याउनका लागि पहल गर्नुपर्नेमा उनले जोड दिएका छन्। ब्याजदरको उतारचढाव र उच्च ब्याजदरका समस्या समाधानको लागि यो बलियो बाटो हुने उनले बताए।राष्ट्रिय अर्थतन्त्रको आधार निर्माणका लागि आफूले रोजगारी सिर्जना र आन्तरिक उत्पादनलाई प्राथमिकताका साथ अघि बढाएको खतिवडाले उल्लेख गरे। नेपाल आर्थिक पत्रकार समाज र नेपाल उद्योग परिसंघले गरेको कार्यक्रममा खतिवडाले स्वाधीन अर्थतन्त्र विकासका लागि बजेटले बाटो देखाएको बताए। ’ राष्ट्रिय अर्थतन्त्र निर्माण गर्ने भनेको प्रत्येक नेपालीले स्वविवेकले स्वाधीन भएर काम गर्न पाउनुपर्छ भन्ने हो। आफ्नो प्राथमिकतामा साधन विनियोजन र उपयोग गर्न पाउनुपर्छ,’ उनले भने, ’साना तिना अन्तर्रा्ष्ट्रिय धक्का आउँदा पनि मुलुक चलाउन सक्ने अर्थतन्त्र निर्माण गर्ने हो। त्यसका लागि आधारभूत कुराहरुमा कृषि र उद्योग क्षेत्र आत्मनिर्भर हुनुपर्छ।’
 
विगतमा रेमिट्यान्समा आधारित अर्थव्यवस्थाका कारण मुलुकमा उपभोक्तावाद हावी भएको भन्दै अब उत्पादनमा सबैको जोड हुनुपर्ने बताए। ’रेमिट्यान्समा आधारित आयात र आयातमा आधारित कर प्रणाली। त्यसैले चलेको वित्त व्यवस्थाले मात्रै हुँदैन,’ उनले भने, ’अबको समयमा लगानी उत्पादनशील क्षेत्रमा खर्च हुनुपर्छ।’ सरकारले निर्यात प्रवर्द्धनमा कर छुटको योजना अघि सारेको भन्दै अब त्यसलाई कार्यान्वयन गरेर छाड्ने प्रतिवद्धता पनि उनले जनाएका छन्। सरकारले आन्तरिक बजारमा प्रतिस्पर्धालाई संरक्षण गर्ने भन्दै मूल्यमा हुने मिलेमतो आफूलाई मान्य नहुने पनि उनले उल्लेख गरे।
 



More News



क–कसले दिए आयल निगमको कार्यकारी प्रमुख हुन निवेदन ?

Posted: 2018-10-15 14:43:00

सुनाखरी न्युज/ काठमाडौ - नेपाल आयल निगमको कार्यकारी प्रमुख हुनको लागी १७ जनाले आवेदन दिएका छन् । निगममा मुकेश काफ्ले, अनिल झा , डा. शिवहरी श्रेष्ठ, रमेश वस्नेत, प्रलङ्कर आर्चाय, सुरेन्द्र पौडेल, डा. सरोज कोईराला र चच्युतराज पहाडीले आवेदन दिएका छन् । त्यस्तै गोवर्धन खड्का, शिवराम यादव, तारक थापा, गोविन्द प्रसाद खरेल, मंगललाल श्रेष्ठ, नारद थापा, तारानाथ पौडेल, रामप्रसाद धिताल र लोक बहादुर खड्काले आवेदन दिएका छन् ।...


खुकुलो मौद्रिक नीतिबाट मात्रै आर्थिक वृद्धिलाई सहयोग पुग्दैन : अर्थमन्त्री

Posted: 2018-10-14 12:16:09

सुनाखरी न्युज/ काठमाडौं - अर्थमन्त्री डा युवराज खतिवडाले मूल्य वृद्धिदर र विनिमयदरको उतारचढावको अवस्थामा खुकुलो मौद्रिक नीतिबाट आर्थिक वृद्धिलाई सघाउ पु¥याउने उपाय सीमित भएको बताउनुभएको छ । उहाँले ...


एनआरएनए सम्मेलन काठमाडौंमा

Posted: 2018-10-13 06:22:18

सुनाखरी न्युज/ काठमाडौं - एनआरएनए सम्मेलन काठमाडौंमा शुरु भएको छ । सम्मेलनको अद्घाटनकाक्रममा प्रधानमन्त्री केपी ओलीले गैरआवासीय नेपाली, निजी क्षेत्र र सरकार मिलेर देश समृद्ध बनाउनुपर्ने बताएका छन्। काठमाडौंमा शुक्रवारदेखि शुरु भएको गैर आवासीय नेपाली संघ (एनआरएनए) विज्ञहरुको पहिलो विश्व सम्मेलनलाई सम्बोधन गर्दै प्रधानमन्त्री ओलीले सरकारले लिएको ’समृद्ध नेपाल सुखी नेपाली’ को सपनालाई पुरा गर्न एनआरएनए र निजी क्षेत्रको सहयोग अपरिहार्य रहेको बताए।


राष्ट्रिय पुननिर्माण प्राधिकरणद्वारा भूकम्पपीडित अनुदानको समयसीमा पुन थप,पहिलो किस्ता पुस मसान्त सम्म लिन सकिने

Posted: 2018-10-11 15:08:25

सुनाखरी न्युज/ काठमाडौं - राष्ट्रिय पुननिर्माण प्राधिकरणले भूकम्पपीडित आवास अनुदान रकम बुझ्ने समयसीमा थप गरेको छ । प्राधिकरणमा हालै बसेको निर्देशक समितिको बैठकले पहिलो, दोस्रो र तेस्रो किस्ता अनुदान ...


३० हजार करदातालाई मूल्य अभिवृद्धि कर (भ्याट) दर्ताको सूचीबाट किन हटाइँदैछ ? यस्तो र वास्तविकता

Posted: 2018-10-11 06:42:07

सुनाखरी न्युज/ काठमाडौं- मूल्य अभिवृद्धि कर (भ्याट) दर्ताको सूचीबाट सरकारले करिब ३० हजार करदातालाई हटाउने भएको छ। लामो समयदेखि कर कार्यालयको सम्पर्कमा नरहेका र कारोबार नै बन्द गरेर बसेर विवरण नबुझाउने (नन् फाइलर) करदातालाई भ्याट दर्ताको सूचीबाट हटाउन लागिएको हो। ...


Advertisements