आर्थिक

नेपाली कामदारमाथि लगाइएको अतिरिक्त शुल्क खारेज

Posted: 2018-05-17 14:30:07

 
सुनाखरी न्युज/
काठमाडौं– सरकारले वैदेशिक रोजगारीका लागि मलेसिया जाने नेपाली कामदारमाथि लगाइएको अतिरिक्त शुल्क खारेज गर्ने निर्णय गरेको छ। 
 
श्रम, रोजगार मन्त्री गोकर्ण विष्टले मलेसिया जाने नेपाली कामदारमाथि अवैधानिक रुपमा लिने गरिएको अतिरिक्त शुल्क खारेज गर्ने निर्णय गरिएको जानकारी दिए। बिहीबार सिंहदरबारस्थित आफ्नै कार्यकक्षमा पत्रकार सम्मेलन गरी मन्त्री विष्टले अतिरिक्त शुल्क नलिने सरकारको निर्णय कार्यान्वयनका लागि मलेसिया सरकारलाई अनुरोध गर्न परराष्ट्र मन्त्रालयमार्फत कूटनीतिक पहल गर्ने प्रक्रिया अघि बढाइएको पनि बताए। 
 
मन्त्री विष्टले सरकारको यो निर्णय कार्यान्वयन गर्न÷गराउन पनि मातहतका निकायलाई सचेत गराएका छन्। मलेसिया जाने नेपाली कामदारमाथि भीसाबाहेकको शुल्क लगाइए सम्बन्धित निकायलाई कडा कारबाही गर्ने मन्त्री विष्टको योजना छ।
 
त्यसैगरी सरकारले एकपक्षीय रुपमा ३९ वटा स्वास्थ्य संस्थाबाट मात्रै स्वास्थ्य परीक्षण गराउने प्रावधान हटाउने निर्णय पनि गरेको छ। स्वास्थ्य मन्त्रालयबाट मान्यताप्राप्त र श्रम, रोजगार तथा सामाजिक सुरक्षा मन्त्रालयमा सूचीकृत भएका स्वास्थ्य संस्थाहरुबाट वैदेशिक रोजगारीमा जाने नेपाली कामदारको स्वास्थ्य परीक्षण गराउने व्यवस्था पनि लागू गरिएको मन्त्री विष्टले जानकारी दिए। यस व्यवस्थाले स्वास्थ्य परीक्षणमा रहेको सिन्डिकेटको अन्त्य हुने सरकारले स्पष्ट पारेको छ ।
 
मन्त्री विष्टले वैदेशिक रोजगारलाई व्यवस्थित बनाउन आवश्यक सबै खालको नीतिगत र संरचनागत निर्णय लिने प्रतिबद्धता व्यक्त गर्दै वैदेशिक रोजगारीमा जाने नेपाली कामदारमाथि अन्याय हुन नदिने पनि बताए।



More News



भुकम्प पिडितको गुनासो सुनुवाईबाट थप लाभग्राही कायम

Posted: 2018-05-26 06:01:25

सुनाखरी न्युज/ काठमाडौं-[ भुकम्प पिडितको गुनासो सुनुवाईबाट थप लाभग्राही कायम भएका छन् । राष्ट्रिय पुनर्निर्माण प्राधिकरण कार्यकारी समितिको बैठकले हालसम्म विश्लेषण सकिएका विभिन्न जिल्लाका १८ गाउँपालिका र २ नगरपालिकाका ५ हजार ३ सय ४४ जनालाई पुनर्निर्माण अनुदान लाभग्राही बनाएको हो । ...


भ्याटको ५४ अर्ब व्यापारीको खल्तीमा, उच्चस्तरीय अध्ययन कार्यदल र महालेखा परीक्षक कार्यालयलगायतले ‘भ्याट फिर्ता’ लाई खारेज गर्न सुझाव दिए पनि सरकारद्वारा अटेर

Posted: 2018-05-25 14:15:26

सुनाखरी न्युज/ काठमाडौँ — उपभोक्ताले तिरेको ५४ अर्ब रुपैयाँ मूल्य अभिवृद्धि कर (भ्याट) को रकम सरकारले व्यापारीको खल्तीमा पुर्‍याएको छ । उपभोक्ताबाट उठाइएको भ्याट रकम स्वदेशी उद्योगलाई प्रोत्साहन र चोरीका मोबाइल नियन्त्रणका नाममा व्यापारीलाई सरकारले फिर्ता दिएको हो ।...


अव भारत जाने कामदारलाई पनि श्रमको दायरामा ल्याइने

Posted: 2018-05-25 07:57:30

सुनाखरी न्युज/ काठमाडौं– नेपालबाट रोजगारीका लागि भारत जाने कामदारलाई श्रम स्वीकृतिको दायराभित्र ल्याउन सरकारलाई सरोकारवालाहरुले सुझाब दिएका छन्। वैदेशिक रोजगार क्षेत्र सुधार सुझाव कार्यदलले बिहीबार राजधानीमा आयोजना गरेको कार्यक्रमका वक्ताले भारतमा ठूलो संख्यामा नेपाली कामदार जाने भएकाले ती कामदारलाई श्रमको दायराभित्र ल्याउनुपर्नेमा जोड दिए।...


खस्कियो घरजग्गा कारोवार, कित्ताकाट र तरलता प्रमूख कारण

Posted: 2018-05-24 21:16:59

सुनाखरी न्युज/ काठमाडौं- कित्ताकाटमा प्रतिवन्ध र वित्तीय क्षेत्रको तरलता अभावले उपत्यका वाहिर पनि घरजग्गा कारोबारमा मन्दी छाएको छ। गत साउन २६ गते भूमीसुधार मन्त्रालयले गरेको कृषियोग्य जग्गाको खण्डिकरण रोक्न अनुमति लिएर वा नलिएर कुनैपनि किसिमले जग्गा प्लटिङमा रोक लगाउने निर्णयले कारोबारमा ब्रेक लागेको थियो।...


बजेट तान्न ‘पावरवालाको’ दौडधुप, अर्थ मन्त्रालय र योजना आयोगमा भीड वाक्लियो

Posted: 2018-05-24 15:46:18

निलु अधिकारी/ काठमाडौं - बजेट आफ्नो क्षेत्रमा पार्न उच्चस्तरका नेतादेखि सांसद र पार्टीका कार्यकर्ताहरुको दौडधुप शुरु भएको छ । आगामी आर्थिक बर्ष २०७५÷७६ को बजेट सार्वजनिकगर्ने दिन नजिकिँदै जाँदा सोर्सफोर्स लगाउन सक्नेहरुले बजेट निर्माणमा जुटेको अर्थ मन्त्रालय र योजना आयोग पुगेर दवाव दिन थलोका हुन् । ...


Advertisements