आर्थिक

अर्थतन्त्रको आधा हिस्सा कारोबार अनौपचारिक रुपवाट

Posted: 2018-04-12 13:55:18

 
सुनाखरी न्युज/
काठमाडौ- सरकारले वर्षेनी गर्दै आएको राजश्व असुली प्रक्षेपणको आधारमाथि नै प्रश्नचिहृन उठेको छ । सरकारी निकायको लेखापरीक्षण गर्ने संवैधानिक आयोग महालेखापरीक्षकको कार्यालयको वाषिर्क प्रतिवेदनले मुलुकको कुल ग्राहस्थ्य उत्पादन र राजश्वबीच सन्तुलन नदेखिएको उल्लेख गरेको छ ।
 
 
 
आन्तरिक उपभोग र आयातमा भएको वृद्धिसमेत राजश्वमा मुखरित नभएको प्रतिवेदनमा जनाइएको छ । गत आर्थिक वर्ष २०७३र७४ मा कायम गरिएको राजश्व वृद्धिको लक्ष्यसमेत यथार्थपरक नभएको निश्कर्ष कार्यालयको छ ।
 
विगत केही वर्षदेखि राजश्वको औसत वृद्धिदर २२ प्रतिशतको हाराहारीमा रहेको दावी अर्थ मन्त्रालयको छ ।
 
तर, गत आर्थिक वर्षको राजश्व असुली र अर्थतन्त्रको अवस्था चित्रण गर्दै महालेखाले आफ्नो प्रतिवेदनमा भनेको छ, ‘अघिल्लो आवको तुलनामा आव ०७३र७४ मा स्थिर मूल्यमा ६.५ प्रतिशतले कुल गार्हस्थ्य उत्पादनको वृद्धि भई २६ खर्ब २६ अर्ब रुपैयाँ पुग्दा राजश्व असूली २३ प्रतिशतले वृद्धि भई ६ खर्ब १२ अर्ब रुपैयाँ पुगेको देखिए पनि कुल गार्हस्थ्य उत्पादन र राजश्व बीच सह(सम्बन्ध स्थापित भएको देखिएन,’
 
कुल गार्हस्थ्य उत्पादनको तथ्याङ्क, विश्लेषण र सोको आधारमा प्रक्षेपण एवं विश्लेषण हुन नसकेको महालेखाले औंल्याएको छ । ‘आन्तरिक उपभोग र आयातमा भएको वृद्धि राजस्वमा प्रतिविम्वित भएको छैन,’ महालेखाले आफ्नो ५५ औं वाषिर्क प्रतिवेदनमा भनेको छ ।
 
राजस्व अनुमानलाई यथार्थपरक बनाउन प्रभावकारी करको दर, कर लचकता, समष्टिगत आर्थिक ढाँचा प्रवृत्ति विश्लेषण जस्ता पक्षहरुको विश्लेषण नगरेको, राष्ट्रसंघीय लेखा पद्दतिको सबै सूचकाङ्कको प्रयोग नगरेको प्रतिवेदनमा उल्लेख छ ।
 
सन् २०००र२००१ बेञ्च मार्किङका आधारमा कुल ग्राहस्थ उत्पादनको गणना गर्दा अर्थतन्त्रका नयाँ कारोबारहरु सपटवेयर व्यवसाय, उपभोक्ता समितिबाट हुने कारोवार, वित्तीय सहकारी संस्थाको कारोबार, शिक्षा क्षेत्रका परामर्शदात्री संस्थाको कारोबार, म्यानपावर कम्पनीका कारोबार जस्ता विषयहरुले अर्थतन्त्रमा पुर्‍याएको योगदान राष्ट्रिय लेखाप्रणालीको दायरामा आउन नसक्दा कुल ग्रार्हस्थ उत्पादन न्यून भएकाले त्यसैका आधारमा राजस्व संकलनको प्रतिशत र वृद्धि यथार्थपरक नभएको दाबी महालेखाको छ ।
 
भन्सार तथा बजारमा भएको न्यून विजकीकरण, अन्तर्रा्ष्ट्रिय क्षेत्रबाट बैंकिङ्ग प्रणाली बाहिरबाट आउने विप्रेषण लगायतका कारोबारलाई मुलुकले निश्चित मापदण्ड तर्जुमा गरी राष्ट्रिय लेखामा समावेश नगरिएको प्रतिवेदनमा जनाइएको छ । अन्तर्रा्ष्ट्रिय मुद्रा कोषले सन २०१८ जनवरीमा प्रकाशित विश्वको अनौपचारिक अर्थतन्त्र सम्बन्धी एक अध्ययनले नेपालको अनौपचारिक अर्थतन्त्र ३७।५ प्रतिशत देखाएको तथ्य समावेश गर्दै महालेखाले कुल गार्हस्थ्य उत्पादनले सबै कारोबारलाई नसमेटेको स्पष्ट पारेको छ ।
 
यस्ता अनौपचारिक अर्थतन्त्रको कारोबारको समेत अध्ययन त्यसलाई औपचारिक दायरामा ल्याउने रणनीति अवलम्बन गर्न महालेखाले सुझाएको छ । राजस्व प्रक्षेपण एवं लक्ष्य निर्धारण पनि अद्यावधिक तथ्यांकका आधारमा तर्जुमा गर्नुपर्ने ठहर महालेखाको छ ।



More News



कात्तिक महिनामा मात्रै ७ अर्ब रुपैयाँ रकमान्तर, बढी रकम सेनाकाको नयाँ ७ दशमलव ६२ मिमिएम्युनिशिन उत्पादन प्लाण्ट खरिदकालागि

Posted: 2018-12-09 13:20:35

शिव दुवाडी/ काडमाडौं- सरकारी बजेट खर्च हुन नसकेर सरकारको चर्को आलोचना भैरहेका वेला आर्थिक बर्षको चौथो महिना अर्थात कात्तिकमा मात्रै झण्डै ७ अर्ब रुपौयँ रकमान्तर भएको पाइएको छ । बजेटमा विनियोजन भएको रकम खर्च नभएपनि आफूखुशी हुसने खर्चमा यसरी अतइाधिक वृद्धि भएको हो ।...


फागुन तेस्रो साता राजधानीमा घरेलु उद्योग महोत्सव–२०७५ आयोजना हुने, स्वदेशी उत्पाद प्रवर्दनमा जोड

Posted: 2018-12-09 10:24:57

सुनाखरी न्युज/ काठमाडौं- “नेपाली वस्तु प्रयोग गरौं, नेपाली भएकोमा गर्व गरौं” र “मेहनत, श्रृजना, उत्पादन र वस्तु मैरै नेपालको” भन्ने नाराका साथ नेपाल १५औं अन्तर्राष्ट्रिय औद्योगिक व्यापार मेला तथा घरेलु उद्योग महोत्सव–२०७५ आगामी फागुन तेस्रो साता राजधानीमा आयोजना हुने भएको छ ।...


एनआरएनए एसिया प्यासिफिकको छैठौ“ क्षेत्रीय बैठक तथा प्रथम महिला सम्मेलन

Posted: 2018-12-07 16:55:37

सुनाखरी न्युज/ काठमाडौं- गैरआवासीय नेपाली संघले आफ्नो स्थापना कालदेखि नै नेपालको समृद्धि र नेपालीको हितको निम्ति गैरआवासीय नेपालीहरुको साधन स्रोत प्रयोगमा ल्याउनका लागि काम गर्दै आएको छ । संघले मुलुक समृद्ध नभएसम्म व्यक्तिगत सम्पन्नताको खास अर्थ रह“दैन भन्ने मान्यता राख्दै आएको संघका लागि नेपाल र नेपालीको समृद्धि स्वार्थको विषय पनि हो । तसर्थ नेपालमा लगानीको राम्रो वातावरण निर्माण संघको प्राथमिकतामा रह“दै आएको छ । निर्माणमा सरकारको प्रमुख भूमिका रहने तथ्यलाई मनन गरी संघले लगानी सम्बन्धमा नीति निर्माण गर्न र नेपालको लगानीका अवसर सम्भावित लगानीकर्तासम्म पु¥याउन सरकारलाई सहयोग गर्ने नीति लिएको छ ।...


१३९ मध्ये ११० मुलुकसँग नेपालको ब्यापार घाटा, बढी घाटा हुनेमा भारत पहिलो, दोस्रोमा चिन र तेस्रोमा फ्रान्स

Posted: 2018-12-07 13:42:09

शिव दुवाडी/ काठमाडौं - नेपालवाट विभिन्न वस्तु तथा सेवाको निकासी पैठारी हुँदै आएका विश्वमा १ सय ३९ देश मध्ये १ सय १० भन्दा बढी मुलुकसाग ब्यापार घाटा रहेको छ । झिनो मात्रामा कारोबार हुने करिव २ दर्जन मुलुकसँग भने नेपाल ब्यापारमा ...


विचौलिया अन्त्य गर्न सहकारी बजार स्थापना गरिने : पद्माकुमारी अर्याल

Posted: 2018-12-07 10:42:26

सुनाखरी न्युज/ काठमाडौ - भूमि व्यवस्था, सहकारी तथा गरिबी निवारण मन्त्री पद्माकुमारी अर्यालले विचौलिया अन्त्य गर्न सहकारी बजार स्थापना गरिने बताउनुभएको छ । नेपाल सहकारी पत्रकार समाज, सहकारी मन्त्रालय तथा ...


Advertisements