बैंकिंग

बाणिज्य बैंकिङमा अनुपमा खुँजेली पहिलो महिला सिइओ

Posted: 2018-04-13 13:11:07

 
सुनाखरी न्युज   /
काठमाडौ- नेपालको बाणिज्य बैंकिङ क्षेत्रले पहिलो पटक महिला प्रमुख कार्यकारी अधिकृत पाएको छ। मेगा बैंकले अनुपमा खुँजेलीलाई आगामी चार बर्षका लागि प्रमुख कार्यकारी अधिकृत नियुक्त गरेको छ।
 
 
 
बैंकको बिहीबार गोकर्ण फरेस्ट रिसोर्टमा बसेको सञ्चालक समितिले २७ बर्षे बैंकिङ अनुभव भएकी खुँजेलीलाई प्रमुख कार्यकारीको जिम्मेवारी दिएको हो। ४र४ बर्षको दुई कार्यकाल सकेर अनिल शाह अवकास भएपछि उनी त्यहाँ कामु प्रमुख कार्यकारी अधिकृत भएकी थिइन्।
 
तत्कालिन नेपाल ग्रिन्डलेज बैंक अहिलेको स्ट्यान्डर्ड चार्टर्ड बैंकबाट करियर सुरु गरेकी खुँजेली नबिल बैंक हुँदै मेगा बैंक पुगेकी थिइन्। ग्रिण्डलेजमा सहायक स्तरबाट जागिर सुरु गरेकी उनले १३ बर्ष त्यहाँ बिताइन्। ’म्यानेजर’ तहबाट ग्रिण्डलेज छाडेकी उनले सिनियर म्यानेजरका रुपमा नबिल बैंकमा काम गरिन्। त्यहाँ छ बर्ष काम गरेपछि मेगा बैंकको संस्थापक नायव महाप्रबन्धकका रुपमा गइन्।
 
नेपालको सेन्टमेरिज स्कुलमा १० कक्षासम्म पढेपछि उनी प्लस टुका लागि भारत गइन्। स्नातक शंकरदेव क्याम्पसबाट सकेपछि एस कलेजबाट एमबिए गरेकी थिइन्। 
 
चार्टर्डमा उनीसँगै काम गरेकाहरुका अनुसार, खुँजेली मेहेनती र कुरा बुझ्ने बैंकरभित्र पर्छिन्। ’लगनशील भएर काम गर्ने स्वभाव छ। उनीसँगैका धेरै बैंकरलाई कुरा बुझाउन समय लाग्थ्यो, तर उनले टपक्कै कुरा टिप्थिन्’ चार्टर्डमा कुनै बेला उनीसँगै काम गरेका एक बैंकरले भने।
 
चार्डर्डबाट अनिल शाह नबिल बैंक आएपछि उनीसँगै खुँजेली पनि आएकी थिइन्। सँगै आएकामध्ये खुँजेलीमा ब्यवस्थापकीय ज्ञान बढी रहेको एक बैंकरले जानकारी दिए। अनिल शाह नबिलबाट मेगा बैंक गएपछि खुँजेली पनि त्यतै लागिन्। 
 
पहिलो महिला प्रमुख कार्यकारी अधिकृतमा नियुक्त भएपछि खुँजेलीले अहिलेको जिम्मेवारीलाई अवसर र चुनौती दुबै रुपमा लिएको बताइन्। ’पहिलो महिला सिइओ भएको छु’ उनले बिजमाण्डूसँग भनिन्, ’म जसरी पनि सफल हुनैपर्छ। मेरो सफलताले महिलाहरुलाई बैंकिङको उच्च तहमा काम गर्ने प्रेरणा दिने छ।’
 
तरलता अभाव, ब्याज दर बृद्धिलगायत बैंकिङमा थुप्रै चुनौती रहेको बताउँदै उनले २७ बर्षको अनुभव यस्तै बेला काम लाग्ने बताइन्। ’बैंकिङमा काम गर्दा थुप्रै चुनौतीहरु आइपर्छन्। मैले काम सुरु गर्दा बचतको हिस्सा १० प्रतिशत हाराहारी थियो। अहिले ३५र४० प्रतिशतसम्म पुगेको छ’ उनले भनिन्, ’यस्ता परिवर्तनहरुलाई आत्मसाथ गर्दै अगाडि बढ्ने र बैंकिङमा नयाँ नयाँ कुराहरु ल्याउनु मेरो प्रयास हुने छ।’ उनले अहिले स्थिर सरकार बनेकाले आगामी दिनमा चुनौतीभन्दा अवसर बढी देखेको बताइन्। 



More News



एकैदिन गण्डकी विकास बैंकका ६ शाखा विस्तार, छिटै नौ शाखा थपिँदै

Posted: 2018-07-18 10:08:45

सुनाखरी न्युज/ काठमाडौँ - गण्डकी विकास बैंकले एकैदिन थप ६ वटा शाखाहरु सञ्चालनमा ल्याएको छ । बैंकले महोत्तरीको बर्दीबास, रुपन्देहीको ठुटीपिपल (ओमसतिया) र बुद्धनगर (सैनामैना), कञ्चनपुरको महेन्द्रनगर, सुर्खेतको विरेन्द्रनगर र बाँकेको कोहलपुरमा शाखा संचालन गरेको हो । ...


एनआईसी एशिया बैंकले सुरु गर्यो : Missed Call Banking सेवा

Posted: 2018-07-18 09:57:46

सुनाखरी न्युज/ काठमाडौँ - एनआईसी एशिया बैंक लिमिटेडले नेपालमा विभिन्न शहरी, ग्रामीण तथा दुर्गम जिल्लाहरुमा आफ्नो भौतिक उपस्थितिलाई सशक्त पार्दै अत्याधुनिक डिजिटल प्रविधिको प्रयोग गरी विभिन्न डिजिटल बैंकिङ्ग सेवा प्रदान गर्दै आईरहेकोे छ । ...


नबिल बैंकको एकैपटक १२ शाखा सञ्चालनमा

Posted: 2018-07-17 13:46:24

सुनाखरी न्युज/ काठमाडौँ - नबिल बैंकले एकै पटक १२ वटा शाखा सञ्चालनमा ल्याएको छ। नबिल बैंकले कर्णाली प्रदेश तथा प्रदेश ७ र ५ का विभिन्न गाउँपालिकाहरुमा १२ वटा शाखा आजैबाट कारोबार सूरु हुनेगरी सञ्चालनमा ल्याएको हो। मंगलबार अर्थमन्त्री डा युवराज खतिवडाले काठमाडौंबाट अनलाईन ...


स्थानीय तहमा सेवा विस्तार गर्ने उदेश्य अनुरुप : गाउँगाउँमा सिटिजन्स बैंक

Posted: 2018-07-17 12:11:45

सुनाखरी न्युज/ काठमाडौं -“योर पार्टनर फोर प्रोग्रेस”भन्ने नारालार्इ आत्मसाथ गरी अनवरत रूपले नेपाली जनताको घरदैलोमा बैंकिंग सेवा पु¥याँउदैै आएको यस सिटिजन्स बैंक इन्टरनेसनल लिमिटेडले आज मिति २०७५ साल असार ३१ गते बैंकको केन्द्रिय कार्यालय नारायणहिटी पथमा आयोजित पत्रकार ...


एन आई सी एशिया बैंकको डडेल्धुरामा २ नयाँ शाखा स्थापना

Posted: 2018-07-17 11:46:40

सुनाखरी न्युज/ काठमाडौँ - डडेल्धुरा जिल्लामा एन आई सी एशिया बैंकको २ नयाँ शाखा कार्यालयहरू स्थापना भएका छन् । बैंकको २ नयाँ शाखा कार्यालयहरू अमरगढी, डडेल्धुरास्थित डडेल्धुरा शाखा अमरगढी नगरपालिकाका मेयर विषेश्वरप्रसाद ओझा र दिपायल सिलगढी, ...


Advertisements