२०७९ आश्विन १३ , बिहिवार

एनएमबि बैंकले ल्यायो साढे दुई करोड अमेरिकी डलर

सुनाखरी न्युज / काठमाडौं । एनएमबि बैंक लिमिटेडले विश्व बैंक समूहको सदस्य आईएफसीबाट तेस्रो आवधिक कर्जा २ करोड ५० लाख अमेरिकी डलरको कर्जा लगानी भित्र्याएको छ । बिहिबार बैंकले एक कार्यक्रमको आयोजना गरी उक्त रकम बराबरको कर्जा लगानी भित्र्याएको जनाएको हो ।

 

एनएमबि बैंकका प्रमुख कार्यकारी अधिकृत सुनिल केसी र इन्टरनेशनल फाइनान्स कर्पोरेशनको दक्षिण एशिया क्षेत्रिय निर्देशक हेक्टर गोमेज आङ्गबीच उक्त समझदारी आदान प्रदान भएको थियो । यो कजाले हालको असहज परिवेशमा उत्पादन मुलक क्षेत्रमा कर्जा लगानी बढाउन मदत पुग्ने बैंकले जनाएको छ । एनएमबि बैंक चार बर्षको अवधिमा आइएफसीबाट लगातार तीन पटक कर्जा प्राप्त गर्ने नेपालको एकमात्र बैंक भएको बैंकका सीइओ केसीले बताए ।

 

यसरी विस्तार गरिएको क्रेडिट लाइनले कोमिड १९ को कारणले गर्दा साना तथा मझौला कर्जाको क्षेत्रमा भएको खाडललाई परिपुर्ति गर्न उक्त क्षेत्रमा नयाँ उद्यमीहरूलाई प्रोत्साहित गर्न सक्षम बनाउने बैंकले जनाएको छ ।