२०७९ श्रावण २५ , बुधवार

सरकारी वेतनधारीलाई तत्काल दलीय सदस्यता त्याग्न निर्वाचन आयोगको निर्देशन

Nirbachan aayog

सुनाखरी न्युज/ काठमाडौं ।निर्वाचन आयोगले सरकारी वेतनधारीहरुलाई राजनीतिक दलको सदस्यता त्याग्न निर्देशन दिएको छ ।

 

सार्वजनिक पदमा बसेर सरकारी बेतन लिनेहरु राजनीतिक दलको सदस्य बन्न नमिल्ने भन्दै आयोगले सदस्यता लिएको भए तत्काल त्याग्न भनेको हो । आयोगले बहालवाला प्राध्यापक, शिक्षक र कर्मचारीहरू राजनीतिक दलको सदस्य रहेको गुनासो आएपछि निर्देशन दिनुपरेको आयोगको भनाइ छ ।

 

संविधान र कानूनअनुसार सार्वजनिक पद धारण गरेका व्यक्तिहरू कुनै पनि दलको सदस्य हुन नसक्ने भएकाले आयोगले त्यस्तो पाइए तत्काल कारबाहीका लागि पनि संघ, प्रदेश र स्थानीय तहका सरकारलाई निर्देशन दिएको छ ।