२०७९ श्रावण २४ , मंगलबार

नेपाली मौलिक गरगहना लगाएर आवत–जावत गर्दा भन्सारमा अवरोध नगर्न सुनचाँदी ब्यवसायीको आग्रह

सुनाखरी न्युज / काठमाडौं –

नेपाली मौलिक गरगहना लगाएर विदेशवाट नेपाल आउँदा त्रिभुवन अन्तर्राष्ट्रिय विमानस्थल भन्सार कार्यालयमा अनावश्यकरुपमा कडाई हुने गरेको भन्दै सुनचाँदी ब्यवसायीहरुले त्यसमा सहजिकरणगर्न भन्सार विभगसँग आग्रह गरेका छन् ।

 

नेपाल सुनचाँदी ब्यवसायी महासंघका अध्यक्ष माणिकरत्न शाक्यको नेतृत्वमा मंगलबार गएको महासंघको प्रतिनिधीमण्डलले विभागका महानिर्देशक कमल प्रसाद भट्टराईलाई सँग भेटगरी यस्तो आग्रह गरेको हो । महानिर्देशक भट्टराईसँगको भेटका क्रममा महासंघका अध्यक्ष शाक्यले नेपाली मौलिक गरगहना लगाएर विदेशवाट नेपाल आउँदा ५० ग्रामभन्दा बढीको सुनका गहना ल्याएमा त्यसको भन्सार लिने गरिएको प्रति असन्तुष्टि जनाउँदै विमानस्थल भन्सारवाट आवत–जावत गर्दा भन्सारमा अवरोधन गर्न नहुनेधारणा राख्नुभयो ।

 

विद्यमान ब्यवस्था अनुसार विदेशवाट नेपाल आउँदा प्रत्येक ब्यक्तिले ५० ग्रामसम्म सुनका गहना भन्सार छुटमा ल्याउने पाउने ब्यवस्था छ । तर गरगहनाको हकमा यस्तो सिमा निर्धारण गरिएको छैन । नेपालवाट वाहिर जाँदा गरगहना लगाएर जान पाइने तर वाहिरवाट नेपाल आउँदा ५० ग्राम भन्दा बढी गरगहना लगाएको पाइए त्यसको समते भन्दार लिने गरेको पाइएपछि ब्यवसायीहरुले त्यसको विरोध गरेका हुन् ।

 

भन्सार विभागका महानिर्देशक भट्टराईले ब्यवसायीका समस्याको अध्ययनगरी त्यसलाई सम्वोधनगर्न पहल गर्ने बताउनभ्यो ।यद्यपी यसक्रममा कतिपय ब्यक्तिले गगहनाको वाहाना वनाएर सुन नै ल्याउन खोजेको भेटिएपछि यसका कडाई गर्नु परेको उहाँको भनाई छ । भेटकाक्रममा महासंघका तर्फवाट अध्यक्ष शाक्य सहित उपाध्यक्ष पवन कुमार सोमानी, महासचिव धर्मशुन्दर बज्राचार्य र कोषाध्यक्ष सुदिप श्रेष्ठ हुनुहुन्थ्यो ।