२०७९ श्रावण २९ , आइतवार

फेसबुकमाथि गलत तरिकाले डेटा प्रयोग गरेको आरोप, बेलायतमा मुद्दा दर्ता

सुनाखरी न्युज/ काठमाडौं – सोशल मिडिया कम्पनी फेसबुक (मेटा) माथि ४.४ करोडभन्दा बढी यूजर्सको डेटा गलत तरिकाले प्रयोग गरेको आरोप लागेको छ ।

 

 

सो कम्पनीले यूजर्समाथि नाजायज सर्त राखेर उनीहरुको निजी डेटा सेयर गरेर अर्बौ डलर सम्पत्ति कमाएको आरोप लागेको हो । यसलाई लिएर कम्पनीका विरुद्धमा बेलायतमा ३२ करोड डलरको मुद्धा दर्ता गरिएको छ । बेलायतको फाइनान्सियल कन्डक्ट अथोरिटी (एफसीए) का वरिष्ठ सल्लाहकार लिजा लवडाल गोर्मसनले ती पीडितको तर्फबाट मुद्दा दर्ता गरेका हुन् । जसले सन् २०१५ देखि २०१९ को बीचमा फेसबुकको प्रयोग गरेका थिए । लन्डनको कम्पिटिसन अपिल ट्रिब्यूनलले यो मुद्दाको सुनुवाई गर्नेछ ।    एजेन्सी